Romans 3
Wayetlakpada matik chaana khumbaa
3 adunadi Jewsgi oijaba kari leibage? adugaa un kakpagi tongjaba karino? 2 maram khudingmakta yaammi. ehan hanbadi, makhoyda Eesor-gi waa sinnabire. 3 maramdi kharana thajadrabadi, kari oigani? Makhoygi thaajaba waatpana Eesor-bu thajapham thokpa adubu karisu nattaba oihangadra? 4 maadu khak oidasanu! mi khudingna chinthiba oirabasu, Eesordi achumba oisanu; ekhiba asigumbani,
ebungngo nahaakki waaheida ebungngo nahaak echum chumbani haaynanaba, amasung ebungngo nahaakpu waayelbada ngamnanaba.
5 touegumsung eikhoygi dharmachendabana Eesor-gi achumba adubu uhallabadi, eikhoyna kari haaygadage? asaaobana laman khumliba Eesor-si chumdabra? (Eina mioibagi machat matung ennaa ngangjaribani.) 6 maadu khak oidasanu! maramdi adu oiragadi Eesor-na taaibang paanbabu karamna waayelgadage? 7 touegumsung eigi chinthibana achumba adubu phongdoktuna ebungngo mahaakki matik mangaan chaaohallabadi, eibusu karigi maramna houjik phaaoba paap-chenbani haayna waayelbiribano? 8 Aduga, aphaba thoknaba phattaba tousi, karigi eikhoyna haayroidage? Madugumna eikhoyna haay haayna kana kanaagumbana eikhoybu laanna theijil-li; asigumba migi maraal piba chummi.
Eesor-gi maangda mioibagi asoyba
9 adunadi karino? eikhoy makhoydagi henna phabra? natte; maramleite; maramdi Jews-singsu Greeksingsu pumnamakna paapki maakha ponbani haayna eikhoyna mamaangeida makhoyda thangjil-le. 10 ekhiba asigumbani:
dharma chenba kanaasu leite, amatasu leite;
11 waakhal taaba kanaasu leite, Eesor-bu thiba kanaasu leite.
12 Makhoy pumnamak lam seraannakhre, makhoy kannadaba pumoi oirakle.
13 Makhoygi khouridi haangdokkhraba mongphamni, makhoygi leitonna minamle lil kharougi huna makhoygi chinban makhaada lei.
14 Makhoygi chin siraap amasung akhabana thalli.
15 Makhoygi khongna ee tahannaba chenba yaangi,
16 Aamaangba amasung awaaba makhoygi lambida lei,
17 Amasung engthabagi lambi makhoyna khandge.
18 Makhoygi mityengda Eesor-bu kiba leite.
19 Amasung waayel yaathang aduda haayri haayriba makhei aduna chin khudingmakpu mensinnanaba, amasung taaibang paanba pumnamakpu Eesor-gi maangda waayelhannanaba, waayel yaathang adugi maakha ponna leiribasingda haaybani haayduna eikhoyna khang-e. 20 maramdi waayel yaathanggi thabakna ebungngo mahaakki mityengda kana amatabu chumhanbiroi; maramdi waayel yaathanggi mapaanna paap khanglak-e.
Christada thaajaba mapaanna dharma chenba
21 touegumsung houjikti waayel yaathang yaaodana Eesor-dagi dharma chenba phongdokle, maadu waayel yaathang aduna amasung Eesor-gi waa taakthokpa singna saakhi pi, 22 Eesor-dagi dharma chenba adu Jesus Christa-bu thaajabagi mapaanna thaajaba pumnamakta oibiri. maramdi karisu tongaanba leite; 23 maramdi mi pumnamak paap chelle, adugaa Eesor-gi matik mangaandagi makhoy sotthei. 24 Christa Jesus-da leiba handokpiba adugi mapaanna ebungngo mahaakki thoujaanna makhoybu lemna chumhanbire, 25 Mamaangeida toukhiba paap adubu Eesor-gi khangbibana laanthokpiba maramna ebungngo mahaakki achumba utna-naba 26 haaybadi, ebungngo mahaak-mak achumba, amasung Jesus-bu thaajaba mahaak adugi chumhanbiba mapu oinabagi, houjik matam asida ebungngo mahaakki achumba utna-nabagidamaksu, thaajabagi mapaanna ebungngo-gi eena sengdok-pinanaba oinaa Eesor-na ebungngobu phongbire.
27 adunadi chaaothokpham kadaayda leibage? maadu khak leite. Karamba waayel yaathangnano? thabakkinara? natte, adubu thaajabagi waayel yaathangnani. 28 maramdi waayel yaathanggi thabak yaaodana thaajabana mibu chumhanbibani haayna eikhoyna singthanei. 29 adugaa Jews-singgita Eesora ? atoppa Jaatsinggisu Eesor nattra ? 30 Mani, amaa oiba Eesor-duna un kakpabu thaajabadagi amasung un kaktababu thaajabagi mapaanna chumhanbirabadi, atoppa Jaatsinggisuni. 31 adunadi thaajabagi mapaanna waayel yaathangbu eikhoyna karisu nattaba oihanbra? maadu khak oidasanu! eikhoyna waayel yaathang bu chethanbani.