Genesis 43
Josephki machin manaaoshingna Benjamin puduna Egyptta hallakpa
1 Matamduda thokkhiba chaak-tangbadu thoidokna akibaa phanglaba amaa oirammi.
2 Makhoyna Egypttagi purakpa chinjaaktu chaaba loirabada mapaana makhoyda haayrammi. "Amuk haanna chattuna nakhoyna chaanaba chinjaak khara lourucho."
3 Maasida Judahna maangonda haayrammi, "nupaduna yaamna chekshinna eikhoyda nakhoygi nanaaodu puraktrabadi nakhoy eigaa unaba yaaroi haaykhrabani."
4 Karigumba epa nahaakna enaosi eikhoyga thabigadouba oirabadi eikhoy maphamduda chattuna nakhoyna chaanaba chinjaak leiruba ngamgani.
5 Karigumba epaana enaosibu eikhoyga loynanaa thabidrabadi eikhoy maphamduda chatloi maramdi nupaaduna yaamna shengna haayrak-e madudi nakhoygi nanaaodu puraktrabadi nakhoyna eigaa unaba yaade haaybasi haaykhrabani."
6 Israelna maasida haayrammi. "Nakhoyna nupaaduda enaao amasu leihouri haaydoktuna nakhoyna eibu asukki matik thina touriba karigino?"
7 Makhoyna khumlammi, "nupaduna eikhoygi amadi mari matashinggi maramda yaamna kupna thijinkhi. Mahaakna hangkhi, "nakhoygi napaa houjik phaaoba hinglibra? nakhoygi nachin nanaao atei leiribra?" eikhoyna maangonda haayrambadu mahaakna hanglakpa waahanggi paaoukhumni. Mahaakna nakhoygi nanaaodu purak-u haaybasi karamna khangba ngamgadage?"
8 Mapaa Israelda Judahna haayrammi. "Nupa machadu eigaa loynanaa thabiyu adu oirabadi houjikmak hougattuna chatpa ngamgani. Asumna tourabadi eikhoy loina hingminnaba yagani. Echaashing amadi epa eikhoy pumnamak shiroi.
9 Eina mahaakki mahutta lepchage. Eina mahaakki dai pujage. Karigumba mahaakpu eina epaagi manaakta ningthina purakpa ngamdrabadi epunsi chuppa maraal leiba mini haayna loubiyu.
10 Eikhoyna thoidokna thintharamdrabadi anirak haanba yaarambani."
11 Mapaa Israelna makhoyda haayrammi, "nakhoyna mayadrabanina asumna touro" Lamsida paanba akhannaba uhei khara nakhoygi khaoda haaptuna puro. Masiga loynanaa nupaadugidamak khudon pot oinaa teinathaao, khoihi, gam, manam nungshiba thao, leibaak hawaai amadi badamnachingba puduna chatlo.
12 Nakhoyna peisa sharuk ani henna puba taay. Nakhoygi borada hallakpa peishaadusu puduna chatkadabani. Khanghoudaduna touramba yaai.
13 Nakhoygi nanaaosisu puro aduga nakhoy punna maphamduda chatminnaro.
14 Nupaaduna nakhoygi nachin nanaao amaa leihouribaduga Benjamingabu amuk haanna thaabiraknaba paanggallaba Eeshorna nakhoybu thoujaanbiba oisanu. Karigumba echaashingsi shoydana kainaba thoklabadi kainabadudana eigi awaaba haaybadu oiragadabani."
15 Asumna makhoyna khudon pot amadi sharuk ani henna peishaanachingba puduna chatkhi. Makhoyga loynanaa Benjaminsu chatkhi. Makhoyna Egypt youraba matamda Josephki maangda changjakhi.
16 Makhoyga loynanaa laakliba Benjaminbu Josephna ubada mahaakki yumgi arangpurenda haayrammi, "mishingdu emungda pusillak-u. shaa amaa shemlaga thongu. Mishingsi eigaa numit yungba matamda chaak chaaminnagani.
17 Nupaaduna Josephna haayba matung ennaa paangthoklammi. Mahaakna mishingdububu Josephki mayumda puraklammi.
18 Josephki mayumda pubirakpaduda mishingdu thoidokna kirammi. Amasung haayrak-e, "eikhoibu manungda pusinlaklibasi ahaanba khongchatta eikhoygi borada peisa haapchinlakpadugi oiramgani. Eikhoygi ethakta cheirak pinanaba aduga eikhoybu mahaakki minaai oinanaba, eikhoygi lolaa munba yaana-naba sarou sillibani."
19 Maramsina makhoyna Josephki emunggi arangpurenda changjaraduna yumdugi thong manaakta leplaga hangjarammi.
20 "He angamba, eikhoydi ahaanbada chinjaak leiba laakchabani.
21 Eikhoyna lamkhangda lekpa matamda bora khaao shingdu haangdoklubada, peishaashingdu borashingda yaaoramle. Maramsina eikhoyna peishaadu amuk haanna pujaraklibani.
22 Eikhoyna chinjaak leijanaba atei peishaasu pujarakle. Eikhoygi khaao shingda peishaasi kanaana haapchinbibano haaybadu eikhoydi khangjade."
23 Mahaakna makhoyda khumkhi, "nathawaay waaganu amadi kiganu, nakhoygi Eeshor amadi nakhoygi napaagi Eeshorduna nakhoygi khaoda peishaadu haapchinbiba oiramgani. Eina nakhoygi peishaadu phangle."
24 Nupaaduna makhoybu Josephki mayumda puraklaga makhoyda eeshing pirammi amasung makhoy makhongnachingba hamkhi. Nupaaduna makhoygi lolashingduna chaanaba machinjaaknachingba happikhi.
25 Josephna numit yungba matamda laakpada pinanaba haayduna khudon potshingdu makhoyna shemshaarammi. Maphamduda makhoy chaak chagadouribani haaybasisu khanglaaklammi.
26 Josephna yumda hallakpa matamda makhoyna purakpa khudonpottu maangonda katcharammi, aduga leimaayda nonthaaduna marai lukna khurumjarammi.
27 Makhoygi phibam hangba oinaa Josephna asumna hanglak-e, "nakhoyna haaykhraba nakhoygi ahan oire haayba nakhoygi napadu nungaaina leihoubra? mahaak hinglibra?"
28 Makhoyna khumkhi, "nanai epadu hingli. Nungaaina leihouwi." makhoyna makok nonthaaduna khurumjarammi.
29 Josephna yengthorakpada manaao nupaa eton tonba, mamaa tinnaba Benjaminbu urammi. Mahaak ubada Josephna haayrak-e, "nakhoyna paankhiba eton tonba nanaao amaa lei haaybadu asira? ebungngo, Eeshorna nahaakpu kubiba oisanu."
30 Josephna khaangba ngamlaktaba matam amaa mapukningda phaaorammi maramdi mahaakna manaaodubu yaamna nungshikhi. Maramsina mahaakna maphamdudagi atoppa mapham amada chatlaga kapkhi.
31 Mahaakna mamaay tathoklaga amuk thorakle, mapukning phajallaga amuk haayrak-e, "chak thiro."
32 Makhoyna maagi maagi chaaktu lounarammi. Makhoyga chaaminnariba Egyptki mishingdusu maagi maagi sharuk lounarammi. Egyptki mishingna Ibriya-shinga chaak punna chaaminnaramde. Punna chaaminnabasi Egyptki mishinggi amaangbani haayna lounarammi.
33 Makhoyna ahanna ahan-gi phamphamda aduga nahana nahagi phamphamda phamduna chaak chaarammi. Mishingduna ngakladuna amanaa amada yengnarammi.
34 Josephki chaakluktagi makhoygi chaaklukta mathenshingdu haplammi. Makhoyna chariba sharuk adudagi Benjamin-gi shaarukna amuk hellammi. Asumna makhoy numittuma yaamna nungaaina chathaktuna lenkhi.