1 Peter 3
Mapuroibashing amasung makhoygi nupishingna chatkadaba lamchat
1 Matou adugumna nakhoy nupisa, nakhoymakki napuroybashinggi makha ponna leiyu, haaybadi kanaa kanaagumbana waa adu endrabadi,
2 Makhoyna nakhoygi kibaga loynaba ashengba nachat natou adu yengduna, waahei yaaodana makhoygi nupishinggi machat matouna makhoybu phangjananabani.
3 Nakhoygi leitengdi samlonba, sanaa shiba amasung phijet leitengba, mapaanthonge leiteng asi oidasanu;
4 Adubu nakhoygi leiteng pukninggi arotpa mi adu tappa amasung engba thawaaygi maangdaba phijetna leitengba oisanu, maasi Eeshorgi mityengda mathal lubani.
5 Maramdi matou asig matung enna, mamaangeida Eeshorda khouraangna ningba lepchabi ashengbi nupishingnasu makhoy makhoymakki mapuroibasiggi makha ponjaduna, makhoy masenbu leitengnarammi.
6 Asigumna Sarana Abrahambu mabungngo koujaduna haayba ellammi. Nakhoyna aphaba touduna karigumba akibaa kidrabadi, nakhoyna mahaakki machaashing oirakle.
7 Matou adugumna, nakhoy mapuroibasa, nakhoygi nupishingbu henna shonba potkumna amasung hingbagi thoujaan phangminnabasu oinaa ekaai-khumnabiduna, khang bagi matung ennaa pamninnou; aduna nakhoygi haayjaba thingdananabani
Christiangi minungsi
8 Akonbadi, nakhoy pumnamak pukning amata, khangminnaba, machin manaaogum nungshinaba, pukning nouba; nollukpa oiyu.
9 Phattabagi damak phattaba hanganu, nattraga cheibagi damak haanna cheiganu, adubu madugi mahutta bor piyu; maramdi nakhoyna bor phangnanaba, asigi damak nakhoybu koubire. 10 Maramdi punsibu nungshiba, amasung aphaba numitpu ubaa paamba mahaak mahaakki chin khamjasanu;
11 Aduga phattaabadagi mahaakna lei thoklaktuna, aphaba tousanu; mahaakna engthaba thiduna, madu tansanu.
12 Maramdi Eeshorgi mit dharma chenbashinggi mathakta lei, aduga ebungngo mahaakki naakong makhoygi nonjabada lei. Touegumsung Pribhugi maaythongdi phattaba toubashingbu yeknei.
Chumdababu khangbiba amasung Christadagi khudam louba
13 Amasung nakhoyna aphaba oiba adugi maramda thawaay yaaoba oirak labadi, nakhoybu phattaba tougadaba kanaano?
14 Adubu nakhoyna dharma chenbagi damak awaa khanglagadi yaaiphabani; aduga makhoygi kihanba kiganu, wasu waaganu;
15 Touegumsung nakhoygi thamoi nungda Christabu Eeshorni haayna yajou. Nakhoygi nungda leiriba khouraangna ningba adugi maram nakhoyda hanglaba mi khudingda khumnanaba matam leiba khibikta thouraang touduna leiyu, adubu pukning tapna amasung kina tou.
16 Christada nakhoygi phajaba nachat nachat natoubu, usitabashingna nakhoygi nathakta phattana ngaangba aduda makhoy ekaainaba, nakhoygi phajaba achum aran khangnaba pukning leisanu.
17 Maramdi Eeshorgi ningba adugumba oiragadi, nakhoyna, phattaba toubagi damak awaa khaangbadagibudi aphaba toubagi, damak awaa khangbana henna phei.
18 Maramdi Eeshorgi maphamda nakhoybu pubiraknanaba, dharmachendaba shinggi mahutta dharma chenba haaybadi, Christanasu paapki damak amuktang shibire; ebungngobu hakchaanggi marida sihalle, adubu thawaaygi marida hinghalle;
19 Thawaay adu oiduna Ebungngona lengduna keishumshangda leiba thawaay shingda laaothokle;
20 Mamaangeida Noahgi numitta hijaao adu thouraang langlingeida, Eeshorgi kuina khangbiba aduna ngaibiramba matamda thawaay shing aduna haayba ende; hi adugi manungda mi kharabu, haaybadi mi nipaan, eeshinggi mapaanna kanbire.
21 Eeshingna madugi mawong oina, haaybadi buptized loubana, houjik nakhoybu kanbi, hakchaanggi amotpa louthoknaba natte, adubu Jesus Christagi hinggatpagi mapamia, Eeshorlomda phajaba achumaral khangnaba pukning thijabani.
22 Ebungngodi swargada kaakhatkhiduna Eeshorgi yetta leiri; swargadut shingsu, matik leibashingsu, khutkan-paanggalbashingsu ebungngogi makha epon ponhalle.