Leviticus 2

Mahei maronggi thousing

2 Kanaagumba mina mahei marong puraktuna Eesor-gi maphamda katlarabadi, mahaakna katliba pottu yaamna phaaba ata oigadabani. Mahaakna masigi mathakta thaao heigadabani. Masigi mathakta manam nungsiba chaaigadabani. 2 Haayribasi touraba matungda Aaron-gi machaa-nupaa purohit singgi maphamda purakkadabani. masidagi ata khujok amaaga thaao kharaga manam nungsibadu kharaga louraga Purohitna ningsingnabagi masak oinaa phaankhongda kattuna saruk tamgadabani. Masisu Eesor-gi maphamda apenba manam nungsiba meida thaaduna katpa thou amani. 3 Mahei maronggi sidhasidagi lemhouba saruktu Aaron amadi machaa-nupaasinggi oigani. maasi Eesor-gi makada katchaba thoidokna senglaba potni haayna lougadabani.

4 Mahei maronggi thou katchanaba pot purakpa matamda thou oinaa katkadouriba pottu leirangda tal oinaa houraga katkadabani. thaao haaptuna haamei yaaodaba tal oinaa aphaba yaamna hougadabani nattraga thaao khara haplaga tal maipombi oinaa hougadabani 5 Mahei maronggi thoudu katpa matamda karigumba Taldu khangda houba taarabadi aphaba atada thaao khara haplaga haamei yaaodaba tal oinaa hougadabani. 6 maasibu machet machet segaayraga manungda thaao heiraga katkadabani. maasi mahei maronggi thouni. 7 nakhoyna katliba pottu mahei marong oirabadi aphaba ataga thaoga tinnaraga khang amada hourakkadabani. 8 Haayriba potsingsina semba potkhakta Eesor-gi khuyaakhaada mahei maronggi thou oinaa katkadabani. Haayriba thousi purohitta katsinba matamda mahaakna phaankhongda pusinduna katkadabani. 9 Purohitna haayriba mahei maronggi thougi potsingdugi ningsingnabagi masak oiraba sarukttu louthoklaga phaankhongda houduna leiriba meiduda thajingadabani. Masisu Eesor-gi maphamda apenba thou amani. 10 Mahei maronggi thou katlaba matungda lemhouba sarukttu Aaron amadi mahaakki machaa-nupaasinggi saruk oigadabani. Eesor-gi maphamda meida thaaduna katpa thousinggi manungda masisu thoidok hendokna asengba amani.

11 Eesor-gi maphamda katchanaba purakpa mahei maronggi thoudu mayaai kahanba yaade. Eesor-gi maphamda meida thaaduna paangthokpa thou touba matamda mayaai kaba nattraga khoihi yaaoba pot meida thaaba yaade. 12 Eesor-gi Maphamda ahaanba lokpa mahei oinaa nakhoyna kat chaaraba yaai adubu haayriba potsingdudagi manam nungsiba thok-handuna phaankhongda katsinbadi yaade. 13 Katkadouriba mahei maronggi potsingduda thum thaktuna pottugi mayaai haatkadabani. Katkadouriba mahei maronggi potsingduda nahaakki Eesor-ga Nahaakka changnakhiba thumna saakhi oikhibagi khudamdu leikha taahanba yaade. nakhoyna katpa thou khudingda thum yaogadabani. 14 Eesor-gi maphamda ahaanba lokpa maheidagi thoina potsing pukhatlakpa taarabadi, anouba chaarong heklaga anouba marudagi meida poktuna semba kabok katkadabani. 15 Masida thaao khara heiraga manam nungsihangadabani. Masisu mahei maronggi thou amani. 16 Purohitna chengpak, thaao amadi manam nungsibadu louraga ningsingnabagi masak oiraba thoudu toubigadabani. Eesor-gi maphamda masisu thou amani.