2 Corinthians 8
Jerusalemgi laairabashinggidamak shel khaaigatpa Jesusdagi phidam louba
1 Amasung, echin-enaaosha, Makido niyagi shinglupshingda pinabikhiba Eeshorgi thoujaal adu eikhoyna nakhoyda khanghanjari;
2 Haaybadi, awaa-anaanggi asup chaang yengba manungda makhoygi haraaobagi mapaan naaidabaga makhoygi khamthenglaba laairabagana makhoygi pinaheiba mapaan naaidaba phaaoba yaamkhatle.
3 Maramdi eina saakhi pijari, haaybadi, makhoygi paanggal matung ennaa hoy, makhoygi paanggaldagi hendokna makhoyna piningna pire.
4 Thoujaal asigi marida amasung ashengbashingda thougan toujabagi mapaang oijanaba yaamna haayjabaga loynanaa makhoyna eikhoyda nijare.
5 Amasung asi eikhoyna ninglambagum natte, adubu Eeshorgi ningbiba mapaanna makhoyna haanna masha mathantabu Eeshorda amasung eikhoyda pire.
6 Aduna Titusna mamaangeida houbikhiraba adugumna nakhoygi narakta thoujaal asisu matol lomsu lomnanaba eikhoyna mahaakpu thoujille.
7 Touegumsung nakhoyna thaajabada, waaheida, khangbada, yaamna chekshinbada, amasung eikhoybu nakhoygi nungshibada, maram khuding asida nakhoyna chaaokhatpagumna thoujaal asidasu chaaokhatlu.
8 Eina yaathang oinaa ngaangba natte, adubu ateishinggi chekshinba adugi mapaanna nakhoygi nungshibagi achumba adusu chaang yengduna ngaangbani.
9 Maramdi eikhoygi ebungngo Jesus Christagi thoujaal adu nakhoyna khang-e, haaybadi, Ebungngona enakkhullamlabasu, ebungngogi laairabagi mapaanna nakhoyna enaakkhunba oiraknanaba, nakhoygi maramgi damak Ebungngona laairaba oirakle.
10 Aduga asida eina eigi akhal khanghanjari; maramdi asi nakhoygi damak kaannabani, hakum ateishinggi maang thaana toubata nattana, touningbasu nakhoyna houkhre.
11 Adubu touningba thouraang leiramba adugumna, nakhoy nakhoygi leijaba adudagi loithokpa oinanaba, atouba adusu houjik loithoklo.
12 Maramdi thouraang adu leirabadi, leijabagi matung ennaa yabibani, leijadabagi matung ennaa natte.
13 Maramdi ateishingbu yaanghan-naba aduga nakhoybuna awaa nangnaba haayba natte;
14 Adubu mannanabani, makhoygi ayaambanasu nakhoygi awaatpa samjinbinanaba matam asida nakhoygi ayaambana makhoygi awaatpa samjinba phei; aduna mannaba oinanabani.
15 Maasi asumna ekhrabani, yaamna khom jinba mahaak aduna karisu lemhoude, aduga khajikta khomjinba mahaak aduna karisu awaatpa leiramde.
Titus amasung ateishingbu thaba
16 Touegumsung Titusgi pukningda nakhoygi damak eigaa maannana chekshinba pibiba Eeshorda thaagatsi.
17 Maramdi mahaakna eikhoygi thoujinba aoiba mak yabibata natte, mahaak mashaana yaamna chekshinjabanina mashaana chatningba nakhoyda chatkhibani.
18 Amasung mahaakka loynanaa aphaba waapaaogi marida shinglup pumnamakki marakta thaagatlaba machin manaaobu eikhoyna thaakhibani.
19 Aduga aduta natte, adubu Eeshorgi matik mangaangi amasung eikhoygi thouraanggi damak eikhoyna thougan toujariba thoujaal asigi marida eikhoyga loynanaa langphei khongbu oinaba shinglupshingna mahaakpu khansu khan-gatle.
20 Eikhoyna thougan toujariba athoiba khudon asigi maramda kanaagumbana eikhoybu lalhandananaba asi sinajari.
21 Maramdi Eeshorgi mityengtada nattaduna, mishinggi mityengdasu thabak makhei phajanaa bagi damak eikhoyna haanna waakhal touwi.
22 Aduga eikhoyna ayaamba thabakta matam ayaambada chekshinbagi chaang khangkhraba, aduga houjik nakhoyda mahaakki yaamna chetna thaajaba leibagi maramna amuk henna chekshinkhraba eikhoygi echin-enaaobu makhoyga loynanaa eikhoyna thaare.
23 Titusgi maramdadi, mahaakti eigi epaangni, amasung nakhoygi damak eigaa thabak shuminabani; aduga echin-enaaoshing asidi shinglupshinggi paaopubashingni, Christagi matik mangaanni.
24 Maram aduna nakhoygi nungshibagi amasung nakhoygi maramda eikhoygi chaaothokchabagi khudam shinglupshinggi mamaangda nakhoyna makhoyda utpiyu.