1 John 1

Johnna eba ahaanba laairik

Christada loyba naaidana hingba

1 Ahaanbadagi leiraklaba, eikhoyna taaraba, eikhoygi emitna uraba, eikhoyna ujaduna ekhutna shoklaba hingbagi waaheigi marida

2 (amasung hingba adu phongdokle, aduga eikhoyna ure, amasung mapaaga leiminnaramba aduga eikhoyda phongdoklaba hingba, haaybadi loyba naaidaba adugi saakhi oijaduna, nakhoyda tamthok-e),

3 Eikhoyna uraba amasung taaraba adu nakhoynasu eikhoyga sharuk phangminnanaba, eikhoyna nakhoydasu tamthok-e, tashengnamak sharuk phangminnaba asi mapaaga amasung mahaakki machaanupa Jesus Christaga loynabani.

4 Nakhoygi haraaoba mapung phahannanaba eikhoyna waaram asi nakhoyda ebani.

Eeshorga sharuk phangminnabadi paaptagi leithokpa haaybani

5 Amasung eikhoyna ebungngodagi taaraduna nakhoyda khanghanba paao adu asini, haay badi, Eeshordi mangaanni, aduga maangonda amaamba khak leite. 

6 Eikhoyna ebungngoga sharuk phangminnabani haayraga, amaambada chatlabadi, eikhoy minambani amasung achumba adu toudabani,

7 Adubu maangonda leibagumna eikhoyna mangaanda chatlabadi, eikhoyna amaga-amaga sharuk phangminnabani, aduga mahaakki machaanupa Jesusg Christagi eena paap pumnamaktagi eikhoybu shengdokpi.

8 Eikhoyna eikhoygi paap leite haayrabadi, eikhoyna esha ethantabu minamjabani, aduga achumba adu eikhoyda leite.

9 Eikhoyna eikhoygi paapshing haaydokcharabadi, eikhoygi paap kokpinanaba amasung dharma chendaba pumnamaktagi eikhoybu shengbinanaba, mahaakti thaajaba yaaba amasung achumbani. 

10 Eikhoyna paap toude haayrabadi, eikhoyna mahaakpu minamba oihalle, amasung mahaakki waa adu eikhoyda leite.