Lamentations 3

Awapham, maran haidokpa, amadi asa

3 Mapu Ibungona awapham tahanbasi karigino haiba khangba amadi eidi.

2   Ibungona eigu amambada thoina henna tahanbi,

3   Phubi Ibungona eibu hanna hanna. Hanna hanna numiti chuppagi,

4   Ibungona eigi shadongsi segaibire, sarusingsu thudekpire.

5   Ibungona eibu awa-anagi Keisumshangda punduna thambire.

6   Ibungona eibu asithenda leinanaba namduna thabire.

7   Ibungona eibu thourina pulli. Nanthokpa yararoidouba bandi amani eidi.

8   Eina khonjel houna laojarammi adubu Mapu Ibungona tabikhide.

9   Chatpa mapham khudingda eihak khudi thirammi aduga eina chatkhiba mapham khudingda nungngaina khangatlaba chekpanda leirammi.

10 Shaomgi matougumna Ibungona eibu ngairammi, nongshagumna Ibungona eibu phurammi.

11 Lambelda Ibungona eigu tannarammi. Machet machet segairammi aduga itomta hundokpirammi.

12 Ibungona ten-ga thongduna eingonda mitpham thaduna kapkhi.

13 Eigi hakchangda Ibungogi tengaduna luna kapsinbikhi.

14 Numit chuppa mishingna eibu noknari aduga eihak makhoigi phagi toupham oire.

15 Ibungona akhaba mahidu khounaoda heijinbi, chanaba pot amadi thaknaba loina akhaba oihanbi.

16 Ibungona nungda iyasi takkhaihanli amasung eigi imaisi utta takpi.

17 Ingthaba amadi nungngaiba haibadu masak khangdre tanik tanikle thawaisi.

18 Eihak kuina hinglaroi aduga Lainingthouda asasu thamloi.

19 Eigi awaba wakhan, iyum leitaba pumnamaksi khalluraga akhaba hugi matougule.

20 Masigi maramda eina toina khalli aduga ithawai nungngaite.

21 Adubu wa amatang ningsinglurabadi yenning hundabadi natte:

22 Ishor-gi nungsibadi lengba naide amadi Ibungogi thoujandu tatpa leite.

23 Ayukkumba anouba, numit thorakpa soidabagumgani

24 Eigi haibabu Ishor-tani, maramsina Ibungoda loina katthokchare.

25 Ishor-da thajabasinggi maphamda Ibungodi phabani.

26 Maramsina akhang kanbaga loinana Ibungobu ngairaga eikhoibu kanbinaba leisi

17 Naha oiringeida akhang kanbasi tamhoubana henna phei.

28 Eikhoina awaba taba matamda akhang kanbaga loinana tuminna phamduna leigadabani.

29 Nollukna leiba haibasi athoibani maramdi masina aphaba phol purakkani.

30 Maithiba amadi ikaiba nangba animak isana yana lousinba tamgadabani.

31 Ishor-di thoujal leibani maramsina matam leibada eikhoibu hundokpiroi.

32 Ibungona eikhoibu awaba tahanba yai adubu mahakki nungsibadu lengdabani.

33 Eikhoina awaba taba matamda Ibungona nungngaina leithokpa natte.

34 Eikhoina thawaisina keisumshangda leiba matamda Ishor-na khangbi.

35 Ibungona pibikhiba eikhoigi phangpham thokpadu phangdre haibasisu Ibungona khangbi.

36 Loishangda achumba toudraba matamda Ibungona khangbi.

37 Matam leibada Ishor-gi aningbaduta thokpani.

38 Ibungogi yathangtana aphaba amadi phattaba animak thokpani.

39 Eikhoigi aranbadugi awapham tahanba matamda karigi nungngaitribano?

40 Eikhoigi lamchat chumthoktuna Ishor-da changjasi.

41 Nongmadonda nganthoiduna leiriba Ipuroida thamoi sengna chajarasi.

42 "Nanai eikhoina aranba thabak toukhre aduga he Ishor, Ibungona nanai eikhoibu ngakpidre.

43 "Ibungona tannaduna eikhoibu hatkhi, asaobana mangoinakhiba maramna thoujan utpikhide.

44 Nanaisingna haijabadu tharaba leichin nongphaina kupsinbikhi.

45 Taibangsigi utki mapeidu Ibungona nanai eikhoibu oihanbire.

46 Eikhoigi yeknabasingna eikhoibu ikaiba piri amadi noknari.

47 Eikhoi mangtaknabani, maramsina khudog thiba amadi akibana thalle.

48 Eigi mishingna amangata thokpasi ubada eigi mittagi pirang turelgi matougumna sintharakli.

49 "Eigi mittagi tarakliba pirangsi leppa leiraroi,

50 Ishor-na nongmadondagi yengtharaktriba phaoba leplaroi.

51 Saharsida leiriba nupisingda thokkhibadu ubada eihak thamoida wadaba ngamkhide.

52 Eibu tukkachanabagi maram leitaba yeknabasingna uchekna langda thubagum eibu phare.

53 Makhoina eihakpu guhada hingna thadarammi aduga eigi ithakta nung hapchinkhi.

54 ishingna eibu thumhatkhi aduga sibagi matam naksillakle khankhi eina.

55 "He Ishor, guhadugi manungdagi nanaina Ibungoda paokhumjakhibani.

56 Nanaina haijabadu tabinaba punemjaba matamda Ibungona tabikhi.

57 Ibungona paokhumbirakkhi aduga nanaida kidanaba paotakpikhi.

58 "He Ishor, Ibungona nanaibu kanbikhi, ipunsi amuk pinabikhi.

59 Wayelbada eibu ngamhanbiyu maramdi eigi iphamda toukhiba aranbadu Ibungona khangbi.

 60    Eigi yeknabasingna tukkachaba amadi eigi ithakta makhoina sinakhiba pumba Ibungona khangbi.

61 "He Ishor, makhoina eibu ikaiba pibadu tabire, aduga makhoina aronba touribadusu Ibungona khangbi.

62 Numit chuppa makhona eigi iramda wari saduna lei aduga eigi mayokta aranba tounanaba silli.

63 Ayuktagi numidang phaoba makhoina eibu noknei.

64 "He Ishor, makhoina toukhiba marandu yengduna awapham tahanbiyu.

65 Makhoida sap toubiyu aduga awabana masaruk oihanbiyu.

66 Makhoibu thiduna malemsida ama phaoba lemhanbiganu.