John 13
Jesus-na sebok-singgi khong hambiba
13 Amasung araan-chaak khaangbagi mamaangda, Jesus-na taaibang-paan asidagi mapaagi manaakta laanthokkadaba pungpham adu laakle haayba khangladuna, taaibang-paanda leiba ebungngo-gi masaagi oiba misingbu nungsiraduna, makhoybu ebungngona mamei phaaoba nungsibire.
2 adugaa Simon-gi machaa nupaa Judas Iskriyotki thamoida ebungngobu pithoknanaba diyaabolna haanna hapkhraduna,
3 Numidaang luk haringeida Jesus-na, mapaana ebungngo-gi khutta pumnamak pithokle, amasung ebungngona Eesor-dagi lengthoklakle adugaa Eesor-gi manaakta lenggadouri haayba khangladuna, 4 Numidaang luk habadagi lengkhatlaga ebungngo-gi ennaphi thammi, adugaa ebungngona khudei amaa louduna khwangda pulle. 5 adudagi ebungngona khudengda eesing heiduna, sebok-singgi khong hambiba amasung ebungngona pulliba khudei aduna teithokpiba houre.
6 asumna ebungngona Peterda lengsilli, Mahaakna ebungngo-da haay, Eesor, ebungngona bu eigi khong hambigadra?
7 Jesus-na maangonda khumlak-e, eina Kari touriba houjik nahaakna khangde, adubu asigi matungda nahaakna khnglakkani.
8 Peter-na ebungngo-da haay, ebungngona keidoungeidasu eigi khong hambiroidabani. Jesus-na maangonda khumle, eina nahaakpu hambidrabadi, nahaakka eigaa karisu thoknade.
9 Simon Peter-na ebungngo-da haay, Eesor, eigi khongta nattana ekhutsu ekoksu chambiyu.
10 Jesus-na maangonda haay, erujakhraba mahaak aduna makhong nattana hamgadaba leite, adubu apumbadi seng-e, amasung nakhoydi seng-e, touegumsung pumnamakti sengba natte. 11 maramdi ebungngobu pithokkadouriba mi adubu ebungngona khangle, asigi maramna nakhoy pumnamak sengba natte haayduna ebungngona haaybani.
12 asum touna ebungngona makhoygi makhong hambiba loiraduna ennaphi adu louraga amuk phamthaarabada makhoyda haay eina nakhoyda toukhiba adu nakhoyna khngbra? 13 nakhoyna eibu oja amasung Eesor kou-e, adugaa nakhoyna chumna haaybani, maramdi ei maadu makni. 14 maram aduna eina Eesor adu amasung oja adu oiduna, nakhoygi khong hambirabadi, nakhoysu amanaa amagi khong hambipham thok-e. 15 maramdi eina nakhoyda toubikhiba adugumna nakhoynasu tounanaba eina nakhoyda paandam pirabani. 16 Eina nakhoyda thaanggei sengnamak haayribani, minaaina mabung-ngodagi henna chaaoba natte, adugaa paakhonchatliba mi aduna mahaakpu thaarakpa mi adudagi henna chaaode. 17 nakhoyna hiram sing asi khanglaga, maadu tourabadi, nakhoy yaaiphabani.
18 Eina nakhoy pumnamakki maramda ngaangba natte, eina kana kanaabu khan-gatlaba eina khngjei, touegumsung eigi tal chaaba mahaak aduna eigi ethakta maagi khonggi khuning thaanggatle, haayba saas-tra adu thungna-nabani. 19 houjiktagina, asum thoktringeida, eina nakhoybu tambi, haaybadi, asum thoklabada, eini haayba nakhoyna thajana-nabani. 20 Eina nakhoyda thaanggei sengnamak haayribani, eina thaaba kanaagumba mi adubu yaaba mahaak aduna eibu yabani, adugaa eibu yaaba mahaak aduna eibu thaarakpa ebungngo mahaakpu yabani.
Jesus-bu yeknabagi khutta pithokkadaba mi adubu Jesus-na taakthokpa
( Matthew 26.20-25; Mark 14.17-21; Luke 22.21-23 )
21 Jesus-na waasing asi haayraga, thawaay waare, amasung saakhi piduna haay, eina nakhoyga thaanggei sengnamak haayribani, nakhoygi naraktagi amanaa eibu pithok-kani. 22 ebungngona kanaagi maramda ngaangbano haayba sebok-singna chingnaduna, amanaa amabu yengnarak-e.
23 Sebok-singgi marakta amaa, haaybadi Jesus-na nungsiba aduna Jesus-gi thabakki mapaada chagadabagi ngathdaduna phamlammi. 24 maram aduna Simon Peter-na maangonda nason touduna haay, ebungngona kanaagi maramda ngaangbano tambiyu. 25 Mahaakna Jesus-gi thabakta asum ngaduna ebungngo-da hanggatli, Eesor, maadu kanaano?
26 maram aduna Jesus-na khummi, eina tal machet luplaga pigadouriba mahaak aduni. asum touna ebungngona tal machet adu luplaga louduna Simon Iskariyotki machaa nupaa Judasda pi. 27 Amasung tal machet adu pibagi matungda seitaanna maangonda changle. maram aduna Jesus-na maangonda haay, nangna touriba adu thuna tou. 28 adubu ebungngona asi karigi maramna maangonda haaybano haayba chaabada phamliba sing kana amatana khangde. 29 maramdi Judasda sen-gaao leibanina chaak khaangbagi damak eikhoygi kannanaba pot leiyu, nattraga mahaakna laairaba-singda karigumba khara pigadabani, haayduna Jesus-na maangonda haaybani haayna makhoy kharana ninglammi. 30 Mahaakna tal, machet adu phanglaga hek chat-thokkhre, adugaa matam adu ahing oirammi.
Nungsinou haaybagi anouba yaathang
31 maram aduna mahaakna thokkhrabada Jesus-na haay,
houjik migi machaa nupaa adubu matik mangaan chaaohalle, amasung mahaakki mapaanna Eesor-bu matik mangaan chaaohalle, 32 adugaa Eesor-na mathantada mahaakpu matik mangaan chaaohanbigani. amasung thunamak ebungngo mahaakna mahaakpu matik mangaan chaaohanbigani.
33 Nungsiba angaangsa, matam kharadang eina nakhoyga leiminnari. nakhoyna eibu thigani, adugaa eina Jews-singda haaykhiba gumna, eina chatpa mapham aduda nakhoyna laakpa ngamloi, adugumduna houjik eina nakhoydasu haayri.
34 anouba yaathang amaa eina nakhoyga piri, nakhoy amaaga amaga nungsinou, eina nakhoybu nungsiba adugumna nakhoysu amaaga amaga nungsinou. 35 nakhoyda amaaga amaga nungsinaba leirabadi, asina mi pumnamakna nakhoy eigi sebokni haayba khanggani.
Peter-na yaaroidaba maangjounana haaydokpa
( Matthew 26.31-35; Mark 14.27-31; Luke 22.31-34 )
36 Simon Peter-na ebungngo-da, haay, Eesor, kadaayda lengbigege?, Jesus-na khumle, eina chatpa mapham aduda nahaak houjik etung eenba ngamloi, adubu tungda nahaakna etung engani.
37 Peter-na ebungngo-da haay, Eesor, houjikmak eina ebungngo-gi tung enjaba karigi ngamloidabage? Eina ethawaai ebungngo-gi damak thaajagani.
38 Jesus-na khummi, nahaak eigidamak thawaay thagera? Eina nangonda thaanggei sengnamak haayribani, nahaakna eibu yaadaba ahumlak sudriba phaaoba yen-laaba khak khongloi.