Acts 25
Paul bu Phestgi maangda waayelba
25 maram aduna Phestna mahaakki lamda changlaak-tuna, numit humnigi matungda Caesareadagi Yerusalemda kakhre. 2 adugaa athoiba purohit singna amasung Jews-singgi makok oiba misingna Paulgi mathakta mahaakki maphamda waakatle. 3 Amasung lambida mahaakpu lumduna haatna-naba sarou sinnaduna, Jerusalemda koukhatpinaba Phestgi maphamda makhoyna thoujan nijaduna hanggatlammi. 4 adubu Paul bu Caesareada ngaksenduna leiri, adugaa mahaak masasu khara leiraga maaduda chatkoduri haayna Phestna khumlak-e. 5 maram aduna nakhoygi narakta angamba misingna eigaa loynanaa chatthaminnaduna, nupaa adugi karigumba maraal leirabadi, makhoyna maaduda maangonda theijinsanu, haayduna mahaakna haay.
6 adudagi mahaakna makhoygi marakta numit nipaanni nattraga taraanidagi hendana leiramlaga, Caesarea taanna lengtharaktuna, hayenggumba aduda mahaakna waayelphambeida phamlaga, Paul bu puthoklaknaba yaathang pire. 7 adugaa mahaakna laaklabada, Jerusalemdagi kumthaarakpa Jews-singna mahaakki akoybada leptuna, pramandi piba ngamdaba lumla lumlaba theijanba waa yaamna puthokle. 8 Paulna maagi ngakthokchanaba waa haayjaba asini: Jews-singgi waayel yaathangadugi mathakta oirabasu, Eesor ningna sang adugi mathakta oirabasu, Caesargi mathakta oirabasu, eina paap khak touyaade.
9 touegumsung Phestna Jews-singdagi chanbiba phangjaningduna, Paulna khumlak-e, nangna Jerusalemda kaaraktuna, waathok asigi maramda maaduda eigi maangda waayelba yaaningbra?
10 adubu Paulna haay, eibu waayel tougadaba mapham Caesargi waayelphambei maangda ei lepchari, Jews-singda eina araanba toukhiba khak leite, maadu ebungngona su yaamna ningthina khangbiribani. 11 Adumakpu ei araanba touba mi oirabadi amasung siba matik chaaba karigumba toukhiba leirabadi ei sibada yaadaba toude; adubu mising asina eingonda theijanba khibikki manungda karigumba achumba amata leitrabadi, mi kana amatana eibu makhoyda pikhatpa ngamde. Eina Caesarda waayelsi hanjari.
12 maaduda Phestna phamnaaiba sing adugaa waa taanaraga khumlak-e, nangna Caesarda waayeldu hn-khre; nang Caesarda chatkadabani.
Agrippa amasung Barniki
13 adudagi numit khara leiraga, ningthou Agrippa amasung Barnikina Caesareada thunglare, amasung Phestbu khurumjare. 14 Amasung makhoyna mapham aduda numit kupna phairingeida, Phestna ningthou adugi maangda Paulgi waa khanghanduna haay, Philiksna keisum-sangda phaaduna thanamba kanaagumba nupaa amaa lei. 15 Eina Jerusalemda leiba matamda nupaa asigi maramda athoiba purohit singna amasung Jews-singgi ahal-laman singna maagi mathakta maraal taahanbiyu haayjaduna eingonda waakatle. 16 Eina makhoyda khumle, haaybadi, theijinba phangliba mi aduna theijinbasing adugaa maayoknaduna mahaakki mathakta taaba waa adugi maramda mahaakki ngakthokchanaba waa khudong chaaba phangdringeida, mi adubu pithokpa Romegi misinggi hounabi natte.
17 maram aduna makhoyna mapham asida pullap laaklabada eina thindana, matung nongma aduda waayelphambeida phamlaga, nupaa adubu puraknaba yaathang pire. 18 theijinbasing aduna lepkhatlabada, mahaakki maramda eina ninglambagumna phattaba waa karisu makhoyna puthokte. 19 adubu makhoy-makki dharmagi maramda, amasung hingli haayna Paulna chap leppa sikhraba kanaagumba Jesus adugi maramda, makhoyna mahaakki mathakta karigumba waa thokle.
20 adugaa waathok asigi marida karamna hanggadaba eina khanjanaraduna, mahaakna Jerusalemda chat-tuna, waa asigi maramda waayelhanningbra haayduna hangle. 21 touegumsung Paulna ningthourengiwaayel atabigi damak mahaakpu ngaksennaba waayeldu halhankhrabada, eina mahaakpu Caesarda thadriba phaaoba ngaksenduna thamnaba yaathang pire.
22 maaduda Agrippana Phestda haay, eimaknasu mi asigi waa tajaningi. Mahaakna haay, hayeng nahaakna mahaakki waa taagani.
23 asumna hayenggumba aduda Barnikigana saajel chaaona lenglaktuna, laanmi athoiba luchingba-singga sahargi achou achouba misingga loynanaa waa taanabagi maphamda changlabada Phestgi yaathangna Paul bu purakle.
24 adugaa Phestna haay, ningthou Agrippa amasung eikhoyga loynanaa asida kaminnariba nupaa pumnamak, nakhoyna nupaa asibu uri. mahaak asigi maramda, masina amuk hingba matik chaade haayna laaoduna Jerusalemdasu asidasu Jews-singgi miyaam apumbana eingonda hanggatchaare. 25 adubu manaa sibagi matik chaaba karisu toude haayba eina phangle, adugaa ma masaana ningthourenda waayel halhanjabagi maramna maabu thaakhinaba ei waa leple.
26 maagi maramda eigi ebungngo-da eina enba areppa karisu leite. maram adugi damak hangle haayraga, eina karigumba eba yaaba phangna-naba, nakhoygi maangda amasung, he ningthou Agrippa, maru oinaa nahaakki maangda purakle. 27 maramdi keisum-sanggi phaadok amabu waayelgi damak thabada, maagi mathakta theijinba wasu uttaba asi waakhal leitbani haayna ningjei.