2 Chronicles 28
28 Ahazna ningthou oiba matamda chahi kun surammi. mahaak Jerusalemda chahi tarataruk paallammi. mahaakki mapaa Davidkumna Eesor-gi mityengda aphaba thabak toukhide. 2 adubu Israelgi ningthougumna mahaaksu tourammi. Mahaakna Baalgi murti saaduna latlammi. 3 Hinnomgi machaasinggi chaakthung lampaktuda mahaakna dhupnachingba thaarammi. Israelgi mamaangda Eesor-na phattaba lamchat chatli haayduna taanthok-khiba Jaatsinggumna mahaakna mahaakki machaa-nupaamak puthoktuna saren chankhi. 4 Mahaakna asengba maphamni haayduna latnaribasingduda chatlaga puja tourammi maphamsingduda dhupsu thaarammi. Ching khuding amadi ukhong khudinggi laai latlammi.
Syria amadi Israelgi marakta lan thokpa
(2 Ning 16:5)
5 maramsina mahaakki mapu ebungngo Eesor-na mahaakpu Syriagi ningthougi makhutta taahankhi. Syriagi ningthouna mahaakpu maaythiba pikhi. mahaakki misingbu laanpha oinaa Damascusta pukhi. Yaamna ee thaaraba matungda mahaakpu Israelgi ningthougi makhuttasu taahankhi. 6 Remaliahgi machaa-nupaa Pekahna Judahda nongmatada mi 20,100 haatkhi. Haayriba-singsi mathouna leiba misingni adubu makhoyna mapaa mapugi mapu ebungngo Eesor-bu thaadokpa maramna maaythiba phangkhi. 7 Ephraimgi mathouna leiraba Zikri haaybaduna ningthougi machaa-nupaa Maaseiah konnunggi luchingba Azrikam amadi ningthougi hek ngamthangda leiba Elkanahbu haatlammi. 8 Israelgi misingna makhoygi machin manaaosing nupaa amadi nupi 200,000 puduna chatkhi. makhoyna haayriba-singsidagi lan thum kayasu puduna Samariada chatkhirammi.
Oded kouba maichu laakpa
9 Oded kouba Eesor-gi maichou amaa leirammi. Mahaakna thoraktuna Samaria taanna laakliba laanmisingda hai:10 Yeng-u nakhoygi napaa napusinggi mapu ebungngo Eesor-na saaoraduna handakti makhoybu nakhoygi nakhutta pibire adubu makhoyna nakhoybu tamthina haatkhi. Haayribasi koirou youkhre. houjikti nakhoyna Judah amadi Jerusalemgi mising nupaa amadi nupi pumnamak nakhoygi minaai oihan-gani. nakhoygi mapu ebungngo Eesor-gi maangda nasaana nasagi nathakta paap toujagadra? 11 Eina haayribasi tao: nakhoyna laanpha oinaa puriba nakhoygi eremkhaksingdubu thaadokkhro nattrabadi Eesor-gi mei houna saaobadu nakhoygi nathakta taagani. 12 Ephraimgi luchingba Jehohanangi machaa-nupaa Azariah, Mesil-lemothgi machaa-nupaa Berechiah, sanlumgi machaa-nupaa Jehizkiah, amadi Hadlagi machaa-nupaa Amasa nachingbanasu laandagi hallaklibasingdugi mayokta leplammi. 13 makhoyna haayrammi, "nakhoyna bandisingdubu maphamsida purakloidoubani maramdi nakhoyna makhoybu purakpasida Eesor-gi maaiyokta eikhoyna toukhiba araanbasinggi mathakta henna araanba thouhalle. eikhoyna toukhiba eransi yaamna chaaorabani maramsina meiga maannana chaaoraba asaaobadu Israelgi mathakta leirabani. 14 asumna laanmi singna bandising amadi makhoydagi khomlakpa lansingdu ningthou machaasing amadi miyaamgi mamaangda thaadokkhi. 15 Mathakta haaykhiriba misingsina bandisingdubu puduna chatkhi. Munduna purakliba phijet phigai khara sethalduna tongnnaba khongup, chaananaba chinjaak amadi thaaknaba makhoyda pirammi. makhoyna thaosu noibirammi. Makhong makhut soybasingdubu lolaa tonghanduna thangtup paambi yaamna houba Jericho sahar taanna purakkhi. Matungda makhoy Samariada hankhi.
Assyriada Ahazna mateng niba
(2 Ning 16:7-9)
16 Matamduda ningthou Ahazna mi thaaduna Assyriagi ningthougi mateng nirunaba haayjakhi. 17 maramdi Edomsingna Judahbu amuk haanna laanda maaythiba pikhi adugaa mi yaamna bandi oinaa purakkhi. 18 adugaa Philisti-singnasu Judah-gi sahar Sephela amadi Negevta laandarakkhi. Makhoya Bethsemes, Aijalon, Gederoth, Sokoga loynanaa khunggangsing, Timnah amadi khunggangsing Gimzo amadi khunggangsing lousinkhi. makhoyna maphamsingsida khundaduna leikhi. 19 Israelgi ningthou Ahazgi matamdagi Eesor-na Judahbu marai chaithahankhi. Mahaakna Judahda panbada phattaba thabak kayaa tourammi. Masigi mathakta Eesor-busu mahaakna thajakhide. 20 Assyriagi ningthou Tiglath-Pileserna mahaakki mathakta laandarakkhi. mahaakki mapaanggal happibagi mahutta awaaba taahankhi. 21 Mahaakna Eesor-gi langei, ningthougi langei amadi ningthou machaasinggi pukei pumnamak louduna Assyriagi ningthouda loipot kakhi. adubu masida mahaakpu tengbangkhide.
Ahazgi maran
22 Mahaakna awaaba henna taaraga Eesor-bu thaajadaba hen-gatli. asumna ningthou Ahazna toukhi. 23 Mahaakpu maaythiba pikhiba Damascuski laaisingdubu latkhi adugaa mahaakna haaykhi: Syriagi laaisingna makhoygi ningthou-singbu mateng pangkhiba maramna eibusu eteng pangnanaba makhoyna ningliba laaisingdubu eina eratkani. adubu haayriba-singsina mahaak amadi Israelgi maangnanaba laambel oikhi. 24 Eesor ningna sangda leiriba paatra pumnamak khomjinduna machet machet tana Ahazna thugaaykhi. Mahaakna Eesor ningna sanggi thonggaldu thingjinkhi. mahaak masaana Jerusalemgi lambigi chidaai khudingda phaankhong saakhi. 25 Judah-gi sahar khudingda mahaakna laaisingda puja tounanaba mapham semkhi. masina mapaa mapuna ninglamba Eesor-bu saaoba hen-gathankhi. 26 Mahaakna touramba thabak pumnamak Judah amadi Israelgi ningthourongi laairikta eduna lei. 27 Ahaz nonggarabada makhoyna mahaakpu Jerusalemgi sahar amada phumkhi. maramdi makhoyna ningthou-singgi mongphamda purakkhide. mahaakki mahutta machaa-nupaa Hezekiahna ningthou oiduna pankhi.