Ezekiel 39
Gogpu maaythiba piba
1 He nupaa, Gogki mayokta waashingsi takthok-u, maangonda haayyu "Eeshorna asumna taakpiri: he Gog, eihaak nahaakki mayokta lepli. Hei Mesech amadi Tubalgi ningthou machaashinggi marakta athoiba oiriba, leiri eihaak nahaakki mayokta.
2 Eina nahaakpu namai olhn-gani. Khumang chaaosilhn-gani. Awaang haaram pangbagi aroiba ngamkheidudagi nahaakpu eina Israelgi loibi chingshinggi mathakta laandanaba pubirakkani.
3 Matamduda nahaakki nakhut oi thangbana paairiba thaangshaangdu thudekkani. Nahaakki nakhut yet thangbana paairiba tenjeidu thadahn-gani,
4 Nahaakka loynanaa nahaakki miyaamdu Israelgi chingshingda tugani. Nongthakta paairiba machin-jak thiriba uchekshing aduga lamlakta leiba shaashingda nakhoybu machinjaak oinaa pithokkani.
5 Lamhaangda nakhoy taaduna leigani. Maramdi haayriba waaphamsi eina haaykhribani. Masimak Eeshorna taakpikhiba waaphamni,
6 Magog amadi samudra mapaanda mara tana paallibashingdugi mphamda khambi mei chugani. Matamduda makhoyna Eisi Eeshorni haayba khanggani.
7 Eigi mi oiriba Israelgi mishinggi marakta eigi shengthoiraba emingsi khanghn-gani. Eigi shengthoiraba emingsi amuk haanna mangthokhallaroi. Jaatshingna matamduda eisi Israelgi shengthoiraba amatta ngaayraba Eeshorduni haayba khanggani.
8 Yeng-u, Eeshorna taakpiri. Maasi shoydana thokkani. Haayriba thoudoksigi matangdani eina phongdoklibasi.
9 Matamduda Israelgi saaharshingda leiribashingduna thoklaga khutlaishing chunggoi achouba amadi macha, lirung amadi ten, thang tanachingbashingdu khomjinduna chahi taret mei than-gani.
10 Makhoyna matamduda loubuktagi nattraga umangdagi shing challoi. Maramdi khutlaishingduna shing oinagani. Eeshorna taakpiri makhoybu otkhibashingdubu makhoyna haanna otkani. Makhoybu neikhibashingdubu makhoyna haanna neigani.
Gogpu phumba
11 Adugumba numittuda Israelda Gogki mongpham oinaa mapham piroi. Samudragi nongpok haramda leiba Abarimgi tampaak kouba maphamdu maangonda pigani. Maphamduda Gog amadi mahaakka loynanaa laakkhiba miyaamdu phumbigani. Abariam kouba tampaaktu mi changba yararoi. maasida makhoyna Gogki miyaam phum-gani.
12 Ashibaa mashashingdu Israelgi mishingna thaa taret chupnaa phumbigani.
13 Eeshorna taakpiri adugumna numittuda leibaaktuda leiriba mishingduna thoraktuna makhoybu phumbigani. Haayriba numitsida eigi etik eyaaidu utkani.
14 Atatpa leitana mi chatpa yaanaba makhoyna ashibashingdu nakanda theidoktuna phumbigani. Thaa taret loiraba matungda makhoyna kanaagumba phumdana tahouba yaaobra haayna koyna thigani.
15 Makhoyna leibaak shinba thungna koythi thiba matamda karigumba sharu amaa phanglaba phaaobada maphamduda khudam amaa thamgani. Masib Gogki tampaak kouba maphamduda phumbigani.
16 Houjik phaaoba Hamonah kouba saahar amaa leiri. Matou asumna makhoyna leibaaktubu shengdokkani.
17 He nupaa, nahaakna tougadabadi asini. Eeshorna asumna taakpiri: cheklaacha khudingda nahaak waashingdu phongdokkadabani. Loubukta leiriba shaashingdusu haayriba paaosi pigadabani. Israelgi chingshaangda eina angthokkadouriba achouba usob asida yaaoranaba maphamsida tillaro. Haayriba usobsida nakhoyna shadong chaaba phanggani. Ee thakpa phanggani,
18 Nakhoyna akan athoushinggi shadongdu chaaba phanggani, maalemsida leiriba ningthou machaashinggi eedu nakhoyna thakpa phanggani. Asigisu mathakta Basangi masha noiraba yaao macha, yaao mapi, haameng, sannachingbashinggi mashaadusu chaaba phanggani.
19 Nabuk thandriba phaaoba nakhoyna shadong chaaba phanggani. Kok ngaodriba phaaoba nakhoyna ee thakpa phanggani. Haayribasi eina nakhoygi damak shem sariba usobsida tougadouriba matouni.
20 Eeshorna asumna taakpiri eina nakhoygi damak thabigadouriba chaklukshingdu atei natte nakhoyna shagol amadi shagol thoubaashing, akan athou amadi laanmishing makhal mathen kayagi oknabaduni.
Israelbu kanbiba
21 Jaatshinggi marakta haayribashingsi touraba matungda eigi etik eyaaidu phongdokpa hougani. Makhoygi mathakta eina thaakhiba khut amadi eina toukhiba waayenshingdu Jaatshingna ugani.
22 Haayriba numitsidagi Israelgi mishingna eisi makhoygi Eeshorni haayba khanggani.
23 Jaatshingna haayriba numitsida Israelgi mishingna loi chatkhibadu makhoyna toujaba paap, makhoyna eigi ephamda asukki matik tamthiba lamchat chatkhiba maramna makhoygi maphamdagi emaaysi lottuna eina leithokkhibani haayba khanggani. Makhoygi yeknabashingda pithoktuna makhoy thanggi mayada taakhi
24 Makhoygi mashaada pakliba shengdaba amadi makhoyna touba paaptugi matung ennaa eina makhoybu waayenbibatani. Maramsinani eigi maaythong makhoydagi lotkhibadusu.
25 Maramsina Eeshorna asumna taakpiri: houjikti eina Jacobpu yoihen talhallagani, Israelgi mishinggi mathakta thoujaalgi erik utpiragani. Eigi shengthoiraba emingsigidamak eihaak tuminna leithokloi.
26 Makhoy mamaay phiruk khumlaroi. Makhoybu laakshinbinaba kanaa leitana mara tapna mareibaakta paanba matamda makhoyna eigi ephamda tamthina toukhibadusu kaokhragani,
27 Jaatshinggi maraktagi makhoybu pubirakpa matam, makhoygi yeknabashinggi leibaaktagi makhoybu amatta oinaa punshinbiba matamda jaat kayaamarumna makhoybu aphaba khudam amaa oinaa lounanaba eina shemgani.
28 Makhoybu atoppa Jaatshinggi marakta loi oinaa thaadoktuna amuk haanna mareibaakta pubirakpa ngamba makhoygi Eeshorni haayba khanggani. Eina makhoy kanaasu atoppa Jaatshinggi marakta thamlaaoi.
29 Eina Israelgi mishingda eigi thawaaysi pinabiba matamda eigi emaaysi makhoydagi lotlaroi. Masimak Eeshorna taakpiriba waaphamni.