Exodus 5

Moses amadi aronna Pharaohgi maangda laakpa

1 Mameithangda Moses amadi aronna Pharaohgi maangda chatlaga haayrammi, "Israelgi Eeshorna asumna haayri: lamhaangda eigi emingda usob achouba amaa paangthoknaba eigi mishingbu thaadok-u.

2 Adubu maasida Pharaohna haayrammi, "eina mawaa louduna Israelgi mishingbu chathalgadouriba Eeshor haayribasi kanaano? Eeshor haayribadu Eina mashak khangde. Maramsina Israelgi mishingbu thaadokloi.

3 Matamsida makhoyna haayrammi, " Hebrew jaatki Eeshorduna nanaai eikhoyda shaak utpire. Numit humnigi laambel lamjaao lamhaangda chathalbiduna eikhoygi Eeshorda ngamjaba thou toujarunaba yaathang pibiyu. Nattrabadi mahaakna eikhoygi ethakta marai taahanba nattraga eikhoybu thanggi mayada chathanba taay."

4 Egyptki ningthouna makhoyda haayrammi, "Moses amadi aron nakhoy anina mishingsina thabak shuribasi thaadokhanduna karigi puthokkadouribano? Nathou tourucho."

5 Pharaohna haayrammi, "leibaksida leiriba mishingdagi nakhoygi minaaidum mashing yaamba helli. Adu oiraba phaaobada makhoybu thabak shuhalloi haayri."

6 Israelgi mishingna chek shaabada machakshingdu numittudagi makhoyda pibidanaba Pharaohna thabak pannaribashingduda haayrammi.

7 Makhoy masha mashaana machakshingdu thamjasanu.

8 Makhoyna shaaba chekshingdu makhoy mashaana puhangadoubani. Nakhoyna mateng pangduna makhoybu thabak shuhalloidoubani. Makhoyshingsi yaamna tanba mishingni. Maramsina makhoyna haayjari: eikhoybu chathanbiyu aduga eikhoyna ningjariba Eeshorduda ngamjaba thou toujaruge."

9 Henna waaba thabak mishingsida pisillu."

10 Asumna thabak pannaribashingduna Israelgi mishinggi manaakta laaklaga haayrammi, "Pharaohna asumna haayri: Eina nakhoyda machak piraroi.

11 Nakhoy nashaa chattuna machakshingdu thirucho. Adubu sagadouba chekki mashingdu hanthaba yaaroi."

12 Maramsina Israel machaashingduna Egypt leibaak thungna chattuna machak oinabagidamak charukhok thiba chatlammi.

13 Thabak pannaribashingduna haayrammi, "nakhoygi namaangda machak leiringeida potthaaba leitana thabak tousillu aduga tougadouba nathoudu loynaba hotnou haayrammi."

14 Pharaohna thabak pannaba hapkhiba mishingdubu thabak phajanaa touwi toude khangnanaba yengsinliba mishingbu phuraduna hanglammi, "mamaangeida toubagumna ngasi nakhoyna nathou toudriba karigino?"

15 Matamduda Israelgi mishinggi akup atai yengshinnaba hapkhiba mishingduna Pharaohgi manaakta laaklaga kapladuna haayrammi, "Ebungngona nanaaishingda asumna laaknabiribasi karigino.?

16 Nanaaishingda machak amatta pinabide. Adubu makhoyna haayri: chek shaadaba yaade. Maasi haayduna nanaai eikhoybu thina phubire."

17 Maduda Paraohna haayrak-e, "nakhoy atanba jatni aduga thabak shuningdaba mishingni. Maramsina nakhoyna haayri: eikhoyna lamhaangda chatlaga Eeshorbu seba tourusi.

18 Chatlo amasung nathou paangthok-u. Nakhoyda kanaanasu machak piroi. Nakhoyna sagadouba chekshingdusu hanthaba yaade."

19 Nakhoyna nongmada sagadouba chekshing hanthaba yaade haayribasi Israelgi awaatpa yengshinnabagi thabak touribashingduna makhoygi mathakta akhaba mityengna yengba houre haayba khangkhi.

20 Pharaohgi maphamdagi thorakpa matamda makhoybu unanaba ngaaiduna leiriba Moses amadi aronda,

21 Makhoyna haayrammi, "Eeshorna nakhoyna touriba thabakshingsi ubiba oisanu. Nakhoyna eikhoybu Pharaohgi mityengda henna eran leiba mishing oihalle. Mahaakki manaaishingna thaangshaang paayduna eikhoybu haatkadabagi ngaihalle."

Mosesna haayjaba

22 Matamduda Mosesna Eeshorgi maphamda punemjaraduna haayjarak-e, "he ebungngo, mishingsigi mathakta karigidamak Ebungngona awaaba pibiribano? Ebungngona nanaaibu karigidamak maphamsida thabiraklibano?

23 Pharaohda waa haaynanaba eibu thabirakpa numittudagi houraduna mahaakna mishingsigi mathakta awaaba henna thokhalle. Ebungngona ebungngogi mi oiribashingsibu kanbibasu leitre."