Psalm 36

Mioibagi phattaba

36 Phattaba mishinggi thamoida aranba touningbagi ithindu mara chetna lei. Adugumba midugi mamitta Mapu Ibungobu kiba leite.

2   Mahakna masagi maran lotsinduna mina mahakpu tukkachadanaba heisingna chatli.

3   Mahakna ngangthorakpa wasingdu namthak amadi oidabana thalli, mahakna masina maphare haiba thabak amatta pangthokte.

4   Yahip tanba matamdasu phattaba wakhandu thadokte, phattabani khanglaba lambiduda mahak khongdai, phattaba haibadu mahakna thadokpa leite.

Mapu Ibungogi matik mayai

5   He Ishor, Ibungogi chetna channa nungsibadu koirouthak you-i, Ibungogi hongba naidraba natik nayaidu leichinlak you-i.

6   Ibungogi achumbadu loibi chingga pankhakni, Ibungogi wayeldu achouba ipakki ngamkhei leitaba ironnunggumbani. Taibang mi amadi shasing Ibungogi khutta leibani.

7   He Ishor, Ibungogi chetna channa nungsibadu kayagi matik mamal yamkhrabano? Ibungogi nathanungda taibangsigi mishingna lotchari.

8   Makhoina Ibungogi mapan naidaba ningnashangdu yenglaga nungngaijei, Ibungogi matik mayaiduna turel oina chelhanduna nanai eikhoibu laija oina pithakpi.

9   Punsigi iphuttu Ibungoni, Ibungona nganba maramna manai eikhoina mangal phangjei.

10 Ibungobu khangjaribasingduda Ibungogi chetna channa nungsibadu lengdana leihanbiyu. Thamoi sengbasingduda Ibungogi aran khubhamdu latnaba leitana pinabiyu.

11 Tamthiraba migi makhongna nanaibu noihathalbiganu, phattaba migi thousinna nanaibu awaba tahanbiganu.

12 Phattabasingdu marai chaithare, makhoi hougatpa ngamdre.