Romans 4
Abrahamna paandam oiba
1 Adunadi hakchaanggi matung ennaa eikhoygi epudhou Abrahamna phangkhiba adugi maramda eikhoyna kari haaygadage?
2 Maramdi thabaktagi Abrahambu chumhanbikhrabadi, mahaakki chaaothokpham lei, adubu Eeshorgi maangdadi natte.
3 Maramdi shaastrana kari haaybage? Amasung Abrahamna Eeshorbu thaajare, aduga maduda maangonda dharma chenba shingthaanare.
4 Thabak touba migi atoumal adu thoujaalgi marida shingthaanadaduna, laman tonbagi marida shingthanei.
5 Touegumsung thabak toudaba, adubu Eeshorbu thouidaba mibu chumhanbiba ebungngobu thaajaba, mahaak adugi thaajaba adu dharmmachenba shingthaanabi.
6 Thabak yaaodana Eeshorna dharma chenba shingthaanabiba mi adu yaaiphabani, Davidmaknasu haayba asigumbani:
7 Makhoygi ayol-araan kokpikhraba amasung makhoygi paap kuppikhraba makhoy adu yaaiphabani.
8 Eeshorna paap shingthaanabiroidaba mi adu yaaiphabani.
9 Adunadi bor asi un kakpa midra? un kaktaba midasura? maramdi eikhoyna haay, Abrahamda mahaakki thaajaba adu dharma chenba shingthaanabire.
10 Adunadi madu karamna shingthaanarabano? Mahaakpu un kaktringeigi mamaangdara nattraga matungdara? Kaklaba matungda natte, kaktringei mamaangdani.
11 Amasung mahaakna un kaktaba oiringeida, mahaakki leiramba thaajaba adugi dharma chenbagi chum, un kakpagi khudam adu, mahaakna phangle. Aduna makhoyda dharma chenba shingthaanabinaba, un kaktringeida thaajaba mi pumnamakki mapaa adu mahaak oinanabani; 12 Aduga un kakpada chatpata nattaduna, eikhoygi epudhou Abrahamna un kaktaba oiringeida, mahaakki thaajaba adugi khongthangdasu thaangduna chatliba makhoyda mahaak un kakpagi mapaa oinanabani.
13 Maramdi, Abrahamna taaibang-paangi yumlepchara oigani, haayba maangondasu mahaakki dhaaraadasu waaleppiba adu waayel yaathanggi mapaanna natte, adubu thaajabagi dharma chenbagi mapaannani.
14 Maramdi waayel yaathang enba mishingna yumlepchara oirabadi, thaajaba adu aremba oihalle, aduga waaleppa adu karisu nattaba oihalle
15 Maramdi waayel yaathang aduna shaaoba thokhalli, touegumsung waayel yaathang leitba mapham aduda yaathang kaibasu leite.
16 Maram asigidamak thoujaalgi matung ennaa oinanaba, madu thaajabadagini; dhaara pumnamakta, waayel yaathangdagi oiba adudata nattana, Abrahamgi thaajabadagi oibadasu waaleppa adu shoydananabani;
17 Abrahamdi, ashibashingbu hinghanbiba amasung leitba potpu leibagumna kouba Eeshor, mahaakna thaajaba ebungngo adugi maangda, eikhoy pumnamakki epani (Eihakna nahaakpu ayaamba Jaatshinggi mapaa oihalle haayba ekhiba-gumbani).
18 Adugumna nanggi dhaara oigani haaykhiba adugi matung enna, ayaamba Jaatshinggi mapaa mahaakna oiraknanaba, Abrahamna ningpham thoktrabasu khouraangna ningduna thaajare.
19 Amasung mahaakna thaajaba hanthadana, houjik sikhrabagumlaba mahaakki hakchaang (mahaakti chahi 100 rom shure) aduga Saragi shiraba naopham adu waakbal toure;
20 Adumakpu Eeshorgi waaleppa adugi maramna thaajadaba toudana, adubu Eeshorbu thaagat-chaaduna,
21 Amasung Eeshorna waaleppikhraba adu toubibasu ngammi haayna pukningda lepladuna, thaajaba kankhatle.
22 Maram adunasu maangonda mahaakki thaajaba adu dharma chenba shingthaanabire.
23 Maangonda shingthaanabire haayna mahaakki maramgi damaktada ekhiba natte,
24 Adubu eikhoygi maramgi damaksuni, maramdi eikhoygi ebungngo Jesusbu ashibashinggi maraktagi hinggat piraba ebungngo mahaakpu thaajaba eikhoyda shingthaanabigani;
25 Jesusbu eikhoygi ayol-araangidamak pithokle, amasung eikhoybu dharma chenba oihannabagi damak hinggatpire.