Daniel 2

Nebuchadnezzargi mang

2 Nebuchadnezzarna panba anisubachahida mang ama manglammi. Mahak mathawai yamna warammi. Maramsina mahak ahing tumba yaramde. 2 Matam-duda ningthouna jadu toubasing, laipubasing, mantra sannabasing, amadi Chal-deansinggi marakta aheiasingsingdu kounanaba yathang tourammi. Ningthouda manggi wa machang hainanaba koukhat-lammi. Maramsina makhoina ningthougi mangda changlaktuna thougan-gidamak leptuna leirammi. 3 Ningthouna makhoida hairak-i, "eihak mang ama manglammi. Masi karino haibasi khangningbana eigi pukningsi tapthaba leitre." 4 Chaldean-singduna ningthouda haijarammi, "hey ningthou, punsiba oisanu. Nanaisingda Ibungogi mangdu leibiyu. Eikhoina Ibungoda madugi wa machangdu phongdokchagani." 5 Ningthouna Chal-deansingduda hairammi, "eina haikhraba wadu soidana toubani: nakhoina karigumba mangsigi wa machangdu haiba ngamdrabadi, nakhong makhut amamam oina thudekkani. Nayum mei thagani. 6 Nakhoina mangdu khangba ngamlabadi aduga madugi wa machangdu phongdokpa ngamlabadi, mana mathum yamna chaona phanggani. Ikai khumnabigani maramsina mangdu hairo aduga mathangda madugi wa machangdu phongdoklo." 7 Makhoina mathangda haira klammi, "iningthouna nanai oiriba eikhoida mangdu haibiyu. Adu oirabadi nanaisingna madugi wa machangdu haijaba ngamgani." 8 Ningthouna hairak-i, "tasengna khangle nakhoina matam mangnanaba warem nganglibani. Maramdi eina haikhiba wadu toudana tokte eidi. Masi nakhoina khanglibani. 9 Karigumba nakhoina mangsigi wadu machangdu sengna haidrabadi maduga mangdusu eigi iphamda phongdokpa ngamdrabadi nakhoina phangadaba Dandi amattani. Matam ngaiduna nakhoina eigi imangmaktada minamba wa amadi chumdaba sakhi pinnabagidamak leiribani. Maramsina mangdu hairo adu oirabadi eina nakhoina madugi wa machang phongdokpa nagamgani haiba khanggani."

10 Chaldealsingna ningthouda pao-khumjarammi, "malemsida ningthougi apamba thunghanba ngamba kana leibage. Mapanggal amadi mathouna leiraba ningthou amatanasu jadu heibasing, laipubasing amadi Chaldeansingda asigumba wasi hangkhidri. 11 Ningthouna hangbiriba waphamsi araiba natte. Taibanggi marakta leitraba laisingdudana ningthouna hangbiriba wasigi paokhum piba ngamgani. "

12 Hairiba wasi tabada ningthoudu mamitta ee karammi. Saobana ngamkhei leiramde. Maramsina mahakna Babylonda leiriba ahei asingni haiba mishingdu tumna manghallo haina yathang pirammi. 13 Asingba mi hatlo haina takhriba yathangdugi matung inna makhoina Daniel amadi mahakki marupsingdubusu hatkadabagi thirammi.

Mapuna manggi wa machang takpiba

14 Danielna nollukna amadi heisingna Babylonda leiriba asingba mishingbu hat-kani thorakliba thongngakpasinggi makok Ariochta khurumjarammi. 15 Aduga ningthou lanmigi makok Ariochta mahakna hairammi, " ningthougi yathangsi asukki matik kalliba kariginou?" maduda Ariochna Danielda maron pumnamak sugaina khanghallammi. 16 Matangduda Danielna ningthouda changduna mangdugi wa machangdu haiba ngamnanaba matam khara pinabinaba haijarammi.

17 Masigi matungda Danielna mayumda chatlaga waphamsi mahakki marup Hananiah, Misael amadi Azariahda khanghallammi. 18 Daniel amadi mahakki maru-psingdu Babylon-gi aheiasingsingduga mangminnadanaba koirouthakta leiriba Mapu Ibungogi thoujan phangjanaba haijagadabani haina Danielna makhoida phongdo klammi. 19 Hairiba angakpasigi maramda ahingda Danielda shangshangnana khanghallammi. Koirouthakta nganthoiriba Mapu Ibungobu Danielna thagat-charaduna hairak-i,

20 Matam leibada Mapu Ibungogi minglendu chaoba oisanu, pukningsu lousingsu Ibungogini.

21 Kumtha animak Ibungona honghanba ngammi, louthokpiba ngammi ningthousingbu aduga atoppa amabu Ibungona kahanbi singhasanda, akhangahei kanada pinabi Ibungona lousinggi meira, wakhal leiba kanada kubiri Ibungona khangba ngambagi panggaldu.

22 Takpi Ibungona aruba amadi angakpa potsingdu, amambada kari lei haibadu Ibungona khangbi, Ibungogi nanaktadi mangaldani leiriba.

23 Hey Mapu Ibungo, ipa ipusingna ningnaramba, thagatchari nanaina, punemjari nahakpu, pinabire Ibungona nanaida lousing panggaldu. Ibungogi nakadagi nanaisingna nijabadu takpire houjikti Ibungona, ningthouna pamlibadu Ibungona nanaisingda khanghanbire.

24 Ningthouna Babylonda leiriba asingbasingbu hatnanaba khankhiba Arioch manakta chatlammi. Mahakna Ariochki manakta chatlaga asumna hairammi, "Babylonda leiriba asingba mishingdu hatpiganu. Eibu ningthougi managda pusinbiyu aduga manggi wa machangdu haijage."

Danielna mang phongba

25 Matangduda Ariochna Daniel bu khonglei thuna ningthougi mangda pusin-khirammi. Mahakna ningthouda asumna hairammi, " Judahgi mi loi oina lakpasinggi marakta ningthouda manggi wa machang phongdokpa ngamba ama thengnare." 26 Belteshazzar haina maming thollaba Danielda ningthouna hairak-i, "eina mangkhiba mang amadi madugi wa machangdu nahak eingonda haiba ngamgadra?" 27 Danielna ningthouda hairammi, "asingba mishing, laipubasing, jadu heibasing nattraga panjinachingbana iningthouda iningthouna hangbikhiba angakpadu utpa ngamloi. 28 Adubu koirouthakta angakpa pumnamak phongdokpa ngamba Mapu Ibungo ama leiri. Adugumba Ibungoduna ningthou Nebuchadnezzarda tungda kari thokkadage haibadu utpikhre. Ibungona cheplingeida ukhiba khudam-sing amadi mangdu asini: 29 Hey ningthou, iningthouna cheplingeida tungda kari thokkadage haiba wakhan tourammi. Angakpa pumnamak loina khangba Ibungoduna iningthouda hairiba waphamsi khanghanbire. 30 Nanaina hanggat chaningbadi nanaina taibangda leiriba mishingdagi thoina henna heija singjaduna angakpa asi khangjaba natte. Iningthou Ibungona manggi wa machangdu khan-gba yananaba angakpasigi aronbadu khangjabani. Masina Ibungona khangbiningliba thamoigi wakhandusu soidana pelhanbigani.

31 Hey ningthou, Ibungona achouba murti ama urammi. Hairiba murtisi yamna mapanggal leiba amadi mapa leitana tanik tanikpa ama oina ukhi. Masina Ibungogi mangda lepkhi. Masi yengbada akiba phanglammi. 32 Hairiba murtisigi makoktu phudonglaba sanagi oirammi. Thabakka pambomgana lupana saba oirammi. Mabuk amadi maphaigan-gi saruktuna pithraina saba oirammi. 33 Makhongdu yotna sabani, khongpaktuna yotka leikhomgana tangkhai yannaraga sabani. 34 Ibungona asum yengduna leiringeida taibang migi khut nattaba karigumba amana nung ama kakpasu urammi. Hairiba nungsina murtidu-gi yotka leikhomga saba makhongduda tarammi. Masina makhongdu machet machet tana thugairammi. 35 Masigi matungda yot, leikhom pithrai, lupa amadi sana pumnamak tongan tongan machet machet oina tarammi. Kalenda lou yeiphamda pairiba phouhambi matougumna uba houra klammi. Nungsitna makhoibu humduna pukhiba matamda makhoigi karigumba marik ama phaoba thiba phangdabagi matougumlammi. Murtisibu yeikhaikhiba nungdu achouba chingsang ama oiraktuna malemsibu sinbathungna sandokkhi.

36 Masini Ibungona mangkhiba mangdu. Houjikti nanai eikhoina iningthougikhuyakhada mangdugi wa machangdu haijarage. 37 Hey Ningthou, ningthousinggi ningthou, koirouthakta leiriba Mapu Ibungona Ibungoda malemsigi chupli, wayelbagi panggal, thouna, matik mayai pinabire, 38 Ibungogi khutta mi, sa, nongmadonda pairiba uchek, phaoba pinabire. Makhoi pumnamakki mathakta Ibungona wayelbiri. Maramsina Ibungo sanagi kottu oihalli. 39 Ibungogi tungda Ibungogi leibaksidagi khara hanthaba leibak ama chaokhatlakkani. Adubu ahumsuba leibak haibadi malemsi thungna wayelgadaba leibak amasu thorakkani. Masi pithraigumgani. 40 Yotki matougumna kallaba Marisuba leibak amasu thorakkani. Maramdi yotna thugaiba amadi yeikhaiba ngamdaba pot leite. Yeikhai thingaiba ngamba maramna masina malemsida leiriba leibak pumnamak tumna manghan-gani. 41 Khong amadi khongsadu leibak amadi yotka tinnaduna saba maramna madu tangkhai khairaba leibak oigani. Yotka athotpa leikhomga tinnaba Ibungona ukhibaduda akanba amadi matik mayai kharadi leigani. Ibungona leikhom apetpa amadi yot anidu tinnaba ukhiba maramna makhoi charou mourougani. Adubu makhoi amatta oiroi. Maramdi yotka leikhomga tinnaba yade. 42 Khongsa amadi makhongdu leikhom apetpa amadi yotka tinnaba maramna hairiba leibaktu matam amada akanba aduga matam amada asonba leibak oigani. 44 Hairiba ningthousingsigi matamda koirouthakta leiriba Mapu Ibungona mangba leitraba leibak ama semgatkani. Masigi ningtambadu atoppa leibak amana munbasu ngamloi. Masina malemsida leiriba leibaksingdu thugaiduna atei leibaksingbu machet machet tahan-gani. Atei leibaksingbu tumhanduna masi aroiba leitana khanggani. 45 Chingthakta leiba nungdubu taibang migi khutna thugaikhidabagumna aduga masina yot phaoba machet machet tahankhibagumna amadi lupa, pithrai, leikhom apetpa amadi sanadu machet tahankhibagumna tahan-gani. Wang chaoraba Mapu Ibungo amakhakna ningthouda tungda thokkadaba wadu khanghanbire. Masini iningthouna mangkhiba mangdu aduga masigi wa machangdi eina haijaribasi chumlabani.

Ningthouna Daniel bu mana piba

46 Matamduda ningthou Nebuchadnezzarna mamai leida lukladuna leirammi. Mahakna Danielda ikai khumnaba phongdo klammi. Danielda khudon pot amadi manam nungsiraba dhupnachingba pinnaba yathang tourammi. 47 Ningthouna Danielda hairammi, "asengbamak, nahakna ningliba Mapu Ibungodu laisinggi mapumakni. Ningthousinggi Lainingthou Ibungomakni. Adugumba Ibungodu angakpa thoudok phongdokpiba mapuni. Maramdi nahakna asigumba angakpa waphamsi phongdokpa ngamle." 48 Masigi matungda ningthouna Danielda yamna ikai khumnaba utlammi. Aduga mahakna mangonda yamna chaona mana pirammi. Ningthouna mahakpu Babylon kouba leibak thungna leibak ngakpa mapu oina khallammi, mahakna Babylonda leiriba asingba mini haina singthanaribasinggi marakta makok oirammi. 49 Danielna ningthouda hanggatchaduna Babylon-gi leibakki sin langbadu Shadrach, Meshach, amadi Abednegoda pirammi. Adubu Daniel-di ningthougi loishangda matam leibada leirammi.