Jeremiah 4
Pukning hongnaba kouba
4 Ishor-na takpiri, he Israel, nahakna eigi iphamda hallaklabadi, hallak-u, eigi iphamda hallak-u, thadokho nakhoigi tukkachanabagi masak oiraba lai murtisingdu, eigi imit mangdagi, pukning honhgdok hongjin touraganu.
2 Ishor-na sakhi oisanu, achumba, asengba amadi aphabadu yengduna nakhoina wasaklabadi, jatsingnasu nakhoigumna kubinaba khurumjagani. Aduga nakhoibu yengduna makhoi chaothokchaba ngamgani.
3 Ishor-na Judah amadi Jerusalemgi mishingda haibikhiba wasing: lousing thamlanu, tingkhang marakta maru hunganu,
4 Ishor-gi seba chatpaduda thawai katthok-u, nathamoi sengdokchoi, he Judah amadi Jerusalemda leiriba mishing, natrabadi eigi asaobadu meirigi matougumna muthatnaba kana yaodana areppa leitana chakkani, nakhoina touba phattaba thabaksingdugi maramna.
Ishor-na manaisingbu wayelba
5 waphamsi Judahda haiyu, phongdok-u Jerusalemda hairiba wasi, makhoida haiyu "Leibak sinba thungna pere khongu, laona waphamsi makhoida haiyu, eikhoi pumnamak tinnaduna chekpanna koisillaba saharsingduda chatlasi.
6 Zionda khudam ama piyu, nasa kanjanaba hotnou, matam manghallanu. Thok-han-gani eina awang haram pangbadagi mang takpadu, 7 Nongsha ama makon thadoktuna lakle, oigani masina jatsinggi mangnaba masak, mahakna yum amadi shang kaya thugaire, mang takhangani nakhoigi leibaktu mahakna, nakhoigi sahardu mi leinaba kanasu leihandaduna tumna manghallagani.
8 In manba phidu phajana setlu, nathabakta khudum suduna tengthajou, maramdi Ishor-na nakhoibu saobadu houjiksu phaba leitri,
9 Ishor-na hairi, adugumba numittuda ningthou amadi ningthou machasingdu mapangal leilaroi. purohitsing akiba pokkani aduga wa takthokpasingdu maron thokloi.
10 Matangsida eina hairammi, "he Mapu Ibungo Ishor, Ibungona mishingsibu minambikhiba natra? Jerusalemda Ibungona takpikhi, "nakhoi mara tapna pangani. " Adubu thangshangdu eikhoigi khounaoda thaduna thambikhi.
11 Matamduda Jerusalem amadi masigi mishingda haibiramgadabani: akanba nonglei nungsit humlakliba lamjao lamhangdagi pukhigani masina eigi mishingbu, phou lokpa matamda sitpa nungsit natraga khappa matamda humba nungsit oiroi,
12 Eigi yathang matung inna akanba nungsit ama lakhangani, matamduda eina pukhatkadaba waphamdu makhoida khanghangani.
Yeknabana Judahbu koisinba
13 Leichin pairakpagi matougumna yeknabasingna mangda phujillakli, dolaina nonglei lakpagi matougumna lakli, achouba uchekka paibadagi mahakki sagolduna yangi, onthokpani eikhoi toupham khangdre.
14 He Jerusalem, nakhoigi thamoida motlibadu sengdoklo, adu oirabadi nakhoibu kanbiba yai, matam kaya kuina nakhoina phattaba thabaksi touningkhigadage?
15 Dadan-gi khonjel ama lakli, Ephraimgi chingdagi laorakli phattaba pao
16 Jatsingda mahak lakle haidok-u, haibiyu waphamsi Jerusalemdasu, landabasing athappa maphamdagi lakle, laori makhoina Judahgi saharsinggi mathakta.
17 Labukta lou ngaklibasinggi matougumna makhoina mahakki akoibada koisallagani, mahakna eigi ithakta lankhibana masi thoklibani. Ishor-na masimak takpiri.
18 Nakhoina touba thabak amadi nakhoigi naramchattuna masi pumnamaksi nakhoigi nathakta thoklaribani, masida nakhoi loigadabani aduga masi yamna awaba ama oigani, maramdi pumnamaksi nakhoigi thamoida changkhrabani.
Jeremiahna lakkadaba awaba uba
19 Eihak ware, eihak ware, cheinakhon khangba ngamdre, eigi thamoisi kaidoure kangaonare eigi thamoise, tuminna leithokpa ngamdre. Maramdi tare eina lan-gi pere khongbadu.
20 Awabada awaba hapchille, leibak pumba loina mangle, khanghoudana eigi khangpokshang sidokkhre, phishangdu khalliba eigi shangda ngamnamak segaikhre,
21 Matam kaya kuina eina touriba matousi yengduna leigani, leigani taduna khongliba pere,
22 Eigi mishingdu apangba ngakta oire, makhoina eibu khangde, makhoina apangba machasing oire, makhoi marousing amatta leite. Makhoina phattaba toubada mamit mana yamna singi adubu apahaba matou karamna tougadage haiba khangde.
Jeremiahna Israelgidamak waba
23 Malemsida eina yenglubada yengu, masi mang takledo, nongmadonda yengkhatlubada mangal haibadu machet ama phaoba uba phangde.
24 Yengu Eina chingda yengluba matamda chekkhaina urammi, chingdumsingna mapham hongduna koina chatpa ui.
25 Eina yengthokhibada taibang mi amatta ude, nongthakta pairiba cheklasingdu loina paikhre.
26 Eina yengkhibada mahei marong pharaba lamsingdu leikangla oire, saharsingsi mang taklaba phibhamda leiba urammi. Lainingthougi meiga mannaraba asaobadugi mamangda.
27 Ishor-na asumna takpiri, "Malemsi leikangla oiragani. Masibu tumna manghanbadi touraroi.
28 Maramsina malemsi tengthagani, nongmadonsi mamsillagani, eina tougadaba thabaktu makhoida khanghankhre, honglaroi houjikti eina tougadabadu toubada.
29 Sagol lanmi amadi ten kappasinggi makhon tabada chelli malemsida leiriba mishingna makhoina surungda amadi ahoba mapham yengduna lotli, ahoba amatta leiba yade. Saharsingda mi leitre, pumnamak thadoktuna chetkhre
30 Aduga nakhoidi kari touri? Angangba phijetna leitengladuna, sanagi leiteng tholladuna, kajal yektuna nakhoigi namit laothok-handuna, phajahalli nasagi oijabadi leitana. Nakhoina nungsina toujabasingduna nakhoibu hundokpire, thiri makhoina nakhoigi napunsidu louge haiduna.
31 Chabokshangda leiriba nupina laobadugumna eina kappa ama tari, ahanba pokpa anganggi naoyek khangbada laobagum tari, masi sor honba ngamdaduna leiriba Zion-gi makhonni, tingthoklakli makhut anina, aha, eihak wareda. Mihatpasingsibu yengbada wareda.