Romans 5
Thaajabagi Mahei; Christa sibana Eesor-gi nungsiba adu phongdokpa
5 maram aduna thaajabana chumhanbirabanina eikhoyna eikhoygi ebungngo Jesus Kharistagi mapaanna Eesor-ga engthana leisi. 2 ebungngo-gi mapaannasu eikhoyna lepchariba thoujaal asigi manungda thaajabana eikhoygi changpham phangjare, adugaa eikhoyna Eesor-gi matik mangaangi saruk phanggani haayduna haraaosi. 3 adugaa asita natte, adubu eikhoygi awaa-anaangdasu haraaosi. awaa-anaangbana khangheiba, 4 Khangheibana ngamjaba, adugaa ngamjabana tarang tarang khangna ningba thokhalli haayba eikhoyna khang-e; 5 Amasung tarang tarang khangna ningbana ekaaihande, maramdi eikhoyda pibiraba thawaay asengbagi mapaanna eikhoygi thamoida Eesor-gi nungsiba heithabire.
6 maramdi eikhoyna sollingeimaktada, achaaba matamda Christana Eesor ningdabasinggi damak sibire. 7 maramdi dharma chenba mi amagidamak kanaagumba amanaa sibiba phana tang-e, adumakpu aphaba migidamak kanaagumba amanaa sibinaba thouna phaabasu mayaai.
8 touegumsung eikhoyna paap-chenba mi oiringeimaktada, Christana eikhoygidamak sibiba aduda Eesor-na eikhoyromda ebungngo mahaak-makki nungsiba utpire.
9 maram aduna adudagi henna ebungngo-gi eena houjik chumhanbirabanina, ebungngo-gi mapaanna eikhoybu Eesor-gi asaaobadagi kanbigani. 10 maramdi eikhoyna yeknaba oiringeida, ebungngo mahaakki machaa nupaa sibibagi mapaanna eikhoybu Eesor-da taisinbirabadi, taisinbirabanina amuk henna ebungngo-gi hingbana eikhoybu kanbigani. 11 adugaa asita natte, adubu eikhoygi ebungngo Jesus Christagi mapaanna eikhoyna Eesor-da haraaonasu leijari, maramdi ebungngo-gi mapaanna eikhoyna houjik taisinbiba phangjare.
Adamgi maramna siba, Jesus-gi mapaanna hingba
12 maram aduna mi amagi maramna paap amasung paapki maramna siba taaibang-paanda changle, adugaa asum touna mi pumnamakta siba thangthare, maramdi khawaaimakna paap etou toure, adugumbani. 13 maramdi waayel yaathang pidringeida taaibang-paanda paap leirammi, adubu waayel yaathang leitbada paap singthaanade. 14 Adum oinamakpu sibana Adamdagi Moses phaaoba ningthougum palle; Adamna yaathang kaibaga maannana paap toudabasinggi mathaktasuni; Adam asidi lenglakkadaba ebungngo-gi paandamni. 15 touegumsung ayol araanba adugumna chanbiba khudon adu natte. maramdi mi amaa adugi ayol araanbana mi ayaamba sirabadi, Eesor-gi thoujaal amasung mi amagi, haaybadi Jesus Christagi, thoujaanna piba khudon adu mi ayaambada amuk henna pathana thalle.
16 Amasung paap toukhiba amagi maramna oibagumna khudon adu natte; maramdi ayol araanba amadagi waayelbana araanba taahanbani, touegumsung ayol araanba ayaambada gi chanbiba khudonna dharma chenba singthaanabibani. 17 maramdi amagi ayol araanbana siba aduna amaa adugi maramna ningthougum paallabadi, thoujaalgi amasungsung dharma chenbagi khudon-gi athanba phangbasingna amaa adugi, haaybadi Jesus Christagi, mapaanna hingbada amuk henna ningthougum paan-gani.
18 adunadi ayol araanba amagi maramna mi pumnamakpu araanbada taahanbagum, amagi dharma chenbagi thabakki mapaannasu mi pumnamakpu hingnabagi damak chumhanbibada lamjingbire. 19 maramdi mi amagi haayba endabagi maramna ayaambabu paap chenba mi oihanbagum, amagi haayba enbagi mapaannasu ayaambabu dharma chenba mi oihanbigani.
20 Amasung aayol-araan yaamnanaba waayel yaathangsu changsil-le; 21 adubu sibada paapna ningthougum pallakpagumna, thoujaannasu eikhoygi ebungngo Jesus Christagi mapaanna jomba naaidaba hingba phaaoba dharma chenbagi mapaanna ningthougum pannanaba paap yaamba mapham aduda thoujaal thoidok hendokna yaamle.