Genesis 32

Jacobna Esaubu unnanaba thouraang touba

1 Jacobna asum makha chatthaarakpada Eeshorgi dutshingga oknaram mi.

2 Jacobna makhoybu ubaa matamda haayrak-e, "makhoysidi Eeshorgi laanmishingni." maramsina mahaakna maphamdugi maming Mahanaim koukhi.

 3 Edomgi lam Seirda leiriba mayaamba Esaugi maphamda maangjounanna paao pirunaba mi khara Jacobna thaakhirammi.

4 Mahaakna makhoyda haayrammi, "nakhoyna eigi eyaamba Esauda asumna haaygadabani, nanaai Jacobna nollukna hanggatchari Laban-gi Shaaidaangduna houjik phaaoba leijarakle.

5 Eigi sanlaabashing , lolashing, yaao amadi haameng shanggushing, minaai nupaa amadi nupishing Leirik thanna leijare. Eina ebungngoda mi thaajakhibani maramdi nanaaibu Ebungngona chanbiba yaarabadi chanbiyu."

6 Paao-chatpa shingduna Jacobta hallaklaga tamlammi, "eikhoi nahaakki nayaamba Esaugi manaakta chatllure. Mahaak nahaakka unanaba nupaa 400 puraduna laakhoure." maasi taabada Jacob yaamna kirammi aduga mathawaay waarammi maramsina mahaakka loynarakliba mishingdu chaai-thoklammi. Masiga loynanaa yaao, san, amadi utshingdu kaanglup ani thokna khaaidokhi.

8 Matangduda mahaakna khankhi, "karigumba Esauna kaangbu amaa maanghankhrabasu thaapna theidokkhraba shanggusimadi kalhouni."

9 Jacobna haayrammi, "eigi epa Abrahamgi Eeshor, eigi epa Isaacki Eeshor, nareibaakta hallo amasung nahaakki mishinggi marakta hallaba matungda eina nahaakpu chaaokhaathan-gani taakpikhiba he Eeshor,

10 Ebungngona nanaaida utkhiba chetna channa nungshiba amadi hongba naaidraba thaajabadugi etik leijaba natte, adubu nanaaina cheishugi matengtana Jordan tureldu lanjakhi aduga houjikti shanggu ani thokna khaaidokle.

11 Nanaaina ebungngoda khurumjari nanaaibu eigi eyaamba Esaugi makhuttagi kanbiyu. Mamashing amadi angaangshingsi mahaakna hatkhragadara haayduna yaamna kijei

12 Eeshorna taakpikhi, "eina nahaakpu chaaokhaathan-gani aduga nahaakki chaaron-shurondu samudragi leingoigumna mashing yaamhan-gani."

13 Asumna haayjaraduna mahaak ahingduma maphamduda lenkhi. Mahaakki leijariba potshingdugi maraktagi mayaamba Esauda khudon oinaa katchanaba shemshaajakhi.

14 Haameng amom 200, laaba 20, yaao amom 20, laaba 20,

15 Machaa chelliba ut 30 Machaashingga konnana, sanbi 40 sanlaba 10, lolaa amom 20 Amadi laaba 10 Asinachingba shingsi shem sajakhi.

16 Haayribashingsi maagi maagi shanggu naaina hoihanduna minaaishingda shinnarammi amasung mahaakna makhoyda haayrammi, "eigi emangda hoiyu aduga kaanglup kaanglup naaina haangna chathallu."

17 Mahaakna mang etha thaana chatliba manaaiduda haayrammi, "eigi eyaamba Esauna nahaakna unaba matamda mahaakna nangonda nahaak kanaagi mino hanglakpa matamda, nattraga nahaak kadaayda chatlibano? Nahaakki namaangda khoiriba shaashingsi kanaagino hanglakpa matamda,

18 Nahaakna asumna khumgadoubani, "makhoyshingsi nanaai Jacobkini. Makhoyshingsi eigi ebungngo Esaugidamak thaarakpani. Khudon potni. Yengbiyu nanaai Jacob eikhoygi tungda laakli."

19 "Nakhoyna Esau thengnaba matamda eina takkhribashingsi haaygadabani." haayna anishuba, ahumshuba amadi sanlup hoiriba khudingda taakpirammi,

20 Mahaakna haayrammi, "adugi mathakta nanaai Jacob eikhoygi tungda laakli haaybasisu haaygadabani." maramdi Jacobna khankhi, "eina mahaakkidamak thaariba khudolpotshingsina mahaakpu pelhanba ngamgani, aduga matungda mahaakka unage adu oirabadi mahaakna eibu latnaba leitana okkani.

21 Asumna khudon pot oinaa pigadouribashingdu mahaakki mamaangda chathalkhi aduga mahaak maphamduda ahingduma lenkhi.

Jacobna Peniyelda laanthengnaba

22 Ahingdumakta hougatlaga mahaakki nupi ani minaai ani amadi machaa taraamaathoy puduna Jabbokta leiriba laanbandu laanthokkhi.

23 Jacobna makhoybu puraga eeshing khongdu laanthokkhi. Matou asumna mahaakki areiba pumnamak theidokkhi.

24 Matamsida Jacob matomta leihoure aduga nupaa amakhakna nongngaallakpa matamdu phaaoba mahaakka laaknaduna leirammi.

25 Nupaaduna Jacobpu laakshinba ngamdre haaybasi khanglabada, Jacobki maphaigangi marakta makhut thingjinkhiduna leikhaairakpada Jacobki maphaigangi hang naanthokkhi.

26 Adudagi nupaaduna haayrammi, "nongallakle Eibu thaadoklo. Adubu Jacobna haaykhi, "eibu bor piramdrabadi eina nahaakpu thaadokloi."

27 Nupaaduna eingonda hanglammi, "nahaakki naming kari kou-e?" Jacobna khumlammi, "Jacob."

28 Nupaaduna haayrak-e, "nahaakki naming Jacob kouraroi. Israel kouragani maramdi nahaakna Eeshor amadi taaibang mi animakka laan thengnakhre adubu nahaak houjik phaaoba hingli."

29 Maasida Jacobna nupaaduda hanglammi, "eina haayjari nahaakki naming kari kou-e eingonda taakpirammu." mahaakna haayrammi, "nahaakna karigidamak eigi eming hanglibano?" maasi haayraduna, Jacobpu mahaakna bor pinabikhi.

30 Maramsina Jacobna maphamdugi maming Peniel koukhi. Mahaakna makha tan haaykhi, "eina Eeshorgi maaythongdu hakthengnanna uraba phaaobada ei hingduna leiri."

31 Maphaigan hang naanthokkhiba maramna mahaakna chongla chongladuna laakpada Peniel youba matamda numit yunglammi.

32 Maramsina ngasi phaaoba Israel-shingna phaigangi shaarukta yaaoriba ningjongi shingli chanade maramdi duttuna Jacobki ninjonga tainabada leiriba shinglidu shokkhibadagini.