Numbers 3
Aaron-gi Machanupasing
3 Eshor-na Mosesda Sinai chinggi chingdonda wa haiba matamda Aaron amadi Mosesgi imunggi mishingdu makhagisini: 2 Aaronna pokpa machanupasinggi maming: Nadab, Abihu, Eleazar, amadi Ithamar oirammi. 3 Hairibasingsi Aaronna pokpa machasinggi maraktagi Purohit oina thao noikhibasingni. 4 Nadab amadi Abihud Sinai chinggi lamhangda leiringei matamda Eshor-gi maphamda amangba mei katlubadagi sikhi. Makhoi macha masunachingba thamlamde. Aaronna hinglingeda Ithamar amadi Eleazar purohit oina seba changba houki.
Purohitsingbu seba tounanaba Levisingbu khandokpa
5 Eshor-na Mosesda hairammi, 6 Levigi salaida pokpasingduna Aaron-gi mateng pangbasing oisanu. 7 Mahakna tougadaba thabaksingdu makhoina pangthokkadabani. Makhoina sonnapungda seba changba matamda mitinshangda tilliba miyamdugisu makhoina seba tougadabani. 8 Makhoina mitinshangda leiriba potsingdu leitenggadabani. Sonnapungda makhoina seba changbagumna Israelgi mishingna mitinshangda tinba matamda makhoina seba tougadabani. 9 Nahakna Levising amadi Aaron-gi machanupasingdu thoidokna Israelgi mishinggi maraktagi khandoktuna Aaronda sinnagadabani. 10 Nahakna Aaron amadi machanupasingdu khandoklaga purohitki pham hapkadabani. Adubu kanagumba amattanasu sonnapungda nakna changsillakpadi yaroi. Naksillaklabadi soidana sigani.
11 Eshor-na Mosesda hairammi, 12 Yengu, Eina Israelgi manu-ngda Levisingbu ahanba pokpa angang nupasinggi mahut oina lourabani. Levisingsi Eigi oigadabani. 13 Nupa oina pokpa ahanbasingdu Eigini. Egyptta ihan hanna pokpa nupasingbu Eina hatkhiba numittuda Israelgi manungda ihan hanna pokpa mi amadi sha animak Eigini haina sengdokhibadu ningsingu.
Levisinggi mikok thiba
14 Sinaigi lamhangda Eshor-na Mosesda hairammi, 15 Levigi salaida pokpasingdu mapagi maming louduna imung amamam oina tha ama surabasingdudagi houraga mashing thiyu. 16 Lainingthou Ibungona yathang pirakpagi matung inna Mosesna mikok thiba hourammi. 17 Levina pokpa machanupasing magi magi maming panduna mikok thibada chankhibasingdu asini: Gershon, Kohath amadi Merari. 18 Gersonna pokpa machasing: Libni amadi Shimei. 19 Kohatki machanupasing: Amram, Izhar, Hebron amadi Uzziel.
20 Merarigi machasing: Mahli, amadi Mushi. Makhoisingsi Levigi salaida pokkhibasingni. 21 Gerson-gi dhara: Libni sagei amadi Shimeigi sagei. Makhoisingsi Gershondagi houkhibani. 22 Makhoigi sageisigi tha ama suraba nupadagi houna thiraga punna mishing lishing taret chamanga oirammi. 23 Gerson-gi salaida pokpasingdu sonnapunggi nongchupta shang saduna leirammi. 24 Makhoigi luchingbana Laelgi machanupa Eliasapan oirammi. 25 Gerson-gi machasinggi mathoudi, mitinshangda leiriba sonnapunggi thougal mitinshang amadi masigi manungda mathakta kupliba potsing, mitinshangda thongda khalliba phishang, 26 Loishanggi manungda leiriba yukhal, sonnapung amadi phankho-nggi akoibada loishang manungda yalliba phishang, masigi thouri, amadi pangthoktaba yadaba thoudangsingdu makhoina pangthokkadabani.
27 Kohatki dhara: Amramgi imung, Izehargi imung, Hebron-gi imung, Uzzielgi imungnachingbasingsini. 28 Mikok thiba matamda tha amagi mathakta leiba nupa makhei loukhatpada 8,600 oirammi. Makho-isi ningnashanggi seba changba mishingni. 29 Sonnapunggi kha thangba maikeida Kohathki machasinggi sangdu sagadabani. 30 Kohathki salaida pokpasinggi luchingbadi mapagi mari matung inna Uzzielgi machanupa Elizaphanna oirammi. 31 Mitin shangda makhoina numit chuppa tougadouba mathoudi asini: Sonnapunggi pheira, machei, ukhong amadi phambak, 32 Phambakka loinana loishangda yungliba ukhongsing, phaklangda yalliba phiyan-khok, thouri amadi masida changdaba yadaba potsingdu makhoina puba matamda nahakna potsingdugi mamingga loinana pigadabani. Levisinggi makok Aaron-gi machanupa Eleazarna oirammi. Sonnapu-ngda tougadouba thabak pumnamak mahakna sindo klammi.
33 Merarigi imungdi Mahli amadi Mushi kouba kangluptudagi hourakpani. 34 Makhoigi tha ama suraba nupadagi louraga mashing thiba matamda 6,200 Surammi. 35 Abihailgi machanupa Zurielna luchingduna hairiba jatsi sonnapunggi awangthangba maikeida shang saduna leikhi. 36 Makhoina yengsingadouba mathoudi sonnapung amadi masigi manungda leiriba machei, makhong, phambak, amadi masigi potsingdu oirammi. Potsingsi sijinnaba matamda makhoina puthok pusin touba tarammi. 37 Mapanda mitinshangda sijinnaba shang sagatpada changgadouba makhong, phambak, kambi amadi thourinachingbasing dusu makhoina yengsinba tarammi.
38 Moses, Aaron amadi mahakki machanupasingduna sonnapunggi nongpoklomda shang saduna leirammi. Ningnashangda mitin phamba matamda makhoina niyam kaidana Israelgi mishinggidamak thabak pangthoknaba leiba tarammi. Makhoi nattana atoppa mishingna hairiba thabaksi touba tarabadi sibagi dandi pirammi. 39 Tha ama suraba Levi sageigi nupasingdu Eshor-na Mosesda yathang pinabikhiba matung inna thiba matamda punna mi 22,000 Surammi.
Levisingna ihan hanba pokpa nupasinggi mahut sinba
40-41 Eshor-na Mosesda hairammi, "Israelgi manungda pokpa ahanba machanupasingdu Eigini. Maram-sina tha ama suraba nattraga tha amadagi hellaba angang nupasingdu Israelgi manu-ngda pokpamakhei mashing thiro. Adubu makhoigi mahut sinba yabasi Levisingna oigadoubani. Yathang touriba Eisi Eshor-ni. Levisinggi ahanba pokpa sansing amadi shasingdu Israelgi ahanba pokpa shasinggi mahut oina Eingo-nda katkadabani." 42 Mosesna yathangsi pangthokkhi. Amasung mahakna ahanba pokpa nupamakhei. 43 Tha ama suraba amadi hellabasingdu mikok thikhi. Makhoigi apunba mashing 22,273 Surammi.
44 Eshor-na Mosesda hairammi. 45 "Israelda pokpa angang nupasinggi mahutta Levisingbu Eigi oina katkadabani. Israelgi mishinggi shasinggi mahutta Levisinggi shasingdu katkadabani. 46 Israelda pokkhiba nupasingna Levisingna pokpa nupasingdagi mi 270 Henba maramna makhoisingsibu hanna leiba tarammi. 47 Matamdugi chatnabi mamalgi matung inna makhoigi mamal lupa manga oigadabani. 48 Peisasimak nakhoina Aaron amadi mahakki machanupasingda pigadabani." 49 Mosesna yathangsi illaduna 50 Lupa 1,365 khomjinladuna 51 Aaron amadi mahakki machanupasingda pikhi.