Micah 1
1 Judahgi ningthou Jotham, Ahaz, amadi Hezekiahna pallingei matamda Moresethgi machaanupa Micahda asumna yaathang pibikhi. Mahaakna Shangshangna Samaria amadi Jerusalemgi maramda ukhiba waaheishing
Israel amadi Judahgi leibaak ngaakpashingbu yaadaba
2 Taaibang-paangiMisa nakhoy pumnamak taro, maalemsida leiribasa nakhoy pumnamak pukning changna taro, Eeshor oiriba mapuna, Eeshorgi ashengba sangdagi nakhoygi nathakta saakhi oinaa leibisanu.
3 Yeng-u, Eeshorna maagi ningnashang thaadoktuna maalemsida leiriba mapham khuding chatkadouri.
4 Meigi mamaangda khoiru shoudokpagum mahaakki mamaangda ching phaaoba shoudokkani. Chingthaktagi eeshing chenthaarakpagi matougum leitem mannaba lam pumnamak chekkhaaigani,
5 Pumnamaksi Jacobki paapki maheini, pumnamaksi Israelgi emung manunggi paapnani. Jacobki paaptu karino? madu Samaria nattra? Judahgi emung manunggi paapna karino? madu Jerusalem nattra?
6 Atek akaigi mapeigumna eina Samariabu lamhaangda peigani, aduga maphamdu angur paambi thanahn-gani, maagi chingthakta leiriba nungshit eina tampaakta puthagani, maagi yumpham houjikti ekok kok-han-gani.
7 Magi khutna shaaba murti pumnamak machet machet kaihn-gani, haayriba murtishingdu amam-mam oinaa mei thaadokkani. Mahaakki laai murti pumnamak aremba taahangani, maramdi mahaakna makhoyshingdu oktabigi thabak toubadagi phangba peishaana shaabani. Aduna lamchat mangbagi thabak toubada kharch toupham thok-e.
8 Maramsina eighak tengtha naoigani, ephi eron yaaodana esha ngaakta cheiphamshingdu uttuna chatkani. Lamhui khongbagumna eihaak kapkani, achouba uchekna khongbagum tengthaagani,
9 Mahaakki ashokpashingdu phahanba ngamlaroi, maramdi Judahbu cheina yaamna thina phukhre. Haayribasi Jerusalemda eigi mishinggi thonggal yourakle.
Yeknabana Jerusalemda laakpa
10 Masi Gathta haayrunu, kapludunasu kaannade, Beth Leaphrahgi uphuldu louraga nathakta chaikhatlu.
11 Saphirda leibasa, nakhoyna chatkadabaduda chatlo, Zaananda leibashing makhoygi saahardagi ekaaibagi potlum puduna chatkhiba nattra Bethezeldi tengtha naoiphamgi maphamni, mahaakna nangbu mateng pangba ngamlaroi.
12 Marothta leiba mi pumnamakna khoiraang khoisaonare, maramdi Eeshorgi maphamdagi khudong thiba thaarakle.
13 He Lachishta leiba mishing, dolaida shagol laaksallo, nakhoynani Zionda leiba mishingbu paap touhankhiba. Israelna emu naimu toubagi marudi nakhoyni.
14 Maramsina nakhoyna Moreseth Gathta bidaigi khudon pigadabani. Israelgi ningthoushinggi maphamda Achzibki emung manunggi mishingdu tukkachanabagi mashak oigani.
15 He Maresahda leibasa, nakhoygi nahutta eina mi atei thaaraklagani. Israelgi magun pumnamak Adullamgi shurungda lotkhragani.
16 Nakhoyna pamjana pokchaba nachaashinggi maramdagi nakoktagi sham ayukta kokthok-u. Langjagi matougumna nakoktu erang langhallu maramdi makhoy bandi oinaa nakhoybu thaadoklamlaga chatkhre.