2 Samuel 21
Shaulgi chaaron-shuronshingdu haatpa
1 Davidna pallingei matamda chahi ahum chupnaa yaamna khudongthiba chaak tangba amaa thokkhi. Matamsida Davidna Eeshorgi thoujaan nijakhi amasung Eeshorna haayrammi, "Shaul amadi mahaakki emung manunggi mishinggi mathakta araanba kayaa lei. Mahaakna toukhiba araanba achouba amadi Gibeonishingbu haatkhi."
2 (ningthouna Gibeonishingbu kourammi. Gibeonishingsi Israelgi mishinggi manung challamde. Makhoysi Amorishing oirammi. Israelgi mishingna makhoybu ngaakpisenbigani haaykhrabasu Saulgi matamda mahaakki ningba matung ennaa Israel amadi Judahgi mishinggi maangda makhoybu maanghange hotnakhi.)
3 Maramsina Davidna Gibeongi mishingda haayrammi, "eina nakhoygi damak kari tousige? Eeshorgi mishingsi yaaiphaba oiraknaba nakhoygi nathankta toukhiba araanbashingdu eina laman shingning-e."
4 Makhoyna haayrammi, "Shaul amadi mahaakki mishingga eikhoyga khatnaribasi sanaa nattraga silverna taisannaba yararoi. Aduga maasi haay haaydunasu Israelda leiriba mishingbu eikhoyna khut thagadoubasu natte."
Davidna hanglammi, "adu oirabadi eina nakhoygi damak touba yabadu karino amatangdi haayyu."
5 Makhoyna ningthouda khumlammi, "Shaulna eikhoibu tumna manghanningkhi. Israelgi manungda eikhoygi shaagei pumnamak mahakna haatpa pammi amasung leihanningkhide.
6 Saulgi shaageidagi nupaa tarettang eikhoyda shinnabiyu. Gibeahda Eeshorgi maangda makhoybu thouri yaanduna haatke Gibeah Saulgi saaharni aduga mahaak Eeshorna khandokkhiba ningthouni." ningthouna haayrammi, "eina makhoybu nakhoygi nakhutta shinnagani."
7 David amadi Jonathan anigi marakta leinakhiba waashaktugi matung ennaa Jonathanna pokpaa aduga Saulgi masunupa Mephibosethpu pithokkhide.
8 Aiahgi machaanupi Rizpahna Saulda pokkhiba Armoni, Mephiboseth, Merabki machaanupa mangaa amaa, Saulgi machaanupina Meholathtigi Barzillaigi machaanupa Adrielda pokkhibashingduga pithokkhi.
9 Ningthouna Gibeonishingda makhoy taretsi lan-thoklaba matungda Eeshorgi maangda thouri yaanduna haatkhi. Haayriba nupaa taretsi matam amattada makhoyna haatkhi. Phou lokpa hourakpa matam, basantagi mameida makhoybu haatkhibani.
10 Aiahgi machaanupi Rizpahna engumba phi amaa ashibaa masha thamliba nungpak amagi mathakta leiba yaanaba mawongda khan-gattuna lourokpa matamdagina nong laaktriba matamdu phaaoba leikhi. ashibaa mashashingduda nungthinda ucheknachingba changhankhide aduga ahingda shaashing changhankhide.
11 Saulgi atonbi Aiahgi machaanupi Rizpahna touribasi Davidta haayrammi,
12 Maramsina Davidna Saul amadi machaanupa Jonathangi sarushingdu Jabesleadki mishingdagi purakkhi. (Masi Philistishingna Gilboa kouba chingda Saulbu haatkhiba numitta Bath-Sanggi miyaam tinphamdagi huduna pukhibani.)
13 Davidna Saul, Jonathan amadi nupaa tarettugi sarushingdu puraktuna
14 Benjamingi lam Zela koubaduda leiba Saulgi mapaa Kiski mongphamduda Saul amadi Jonathangi sarushingdu phumbikhi. Ningthouna toukhiba yaathangshingdu amatta kaidana manaa eeshingna paangthokkhi. Thoudoksigi matungda Eeshorna chakhong ngahongnaba haayjabanachingba pumnamak tabikhi.
Philistishinggi hingchabashinggi mathkta laandaba
(1 Miron20:4-8)
15 Philistishing amadi Israelgi marakta lan amaaga thengnakhi amasung maasida David amadi mahaakka loynariba laanmi shingna makhoyga laanthengnakhi. Laansida nongma David yaamna choktharammi.
16 Rapha shaageigi IsbiBenob kouba hingchabaduna kilo 3.5 lumba ta amaaga thaangshaang amukta shijinnadriba amaaga pairaga Davidpu haatpa ngamgani khallammi.
17 Zeruiahgi machaanupa Abisaina Davidpu kankhi aduga hingchabadu haatkhi. Thoudoksigi matungda Davidki laanmi shingna David amuk haanna makhoyga loynanaa lan chatlaroi haayna waashakhankhi. Makhoyna haaykhi, "Israelgi amatta ngaayraba asadi Ebungngona oibiribani, maramsina eikhoy ebungngobu leitrabadi amaambada leibaga mannagani."
18 Laanphamsigi matungda Philistishingga Gobta laanthengnakhi. Laanphamsida Hushaidagi Sibbekai kouba nupaaduna Saph kouba hingchaba amaa haatkhi.
19 Gobta amukkasu Philistishingga lan-thengnakhi. Laanphamsida Gittigi Goliath kouba hingchaba phi shaabagi konnabamuk chaaoba tajei paayba amaa Bethlehemdagi Jairgi machaanupa Elhananna haatkhi.
20 Masigi mathangda Gathtasu laanthengnakhi. Maphamsida lan yaamna paamba hingchaba amaa leirammi. Hingchabasigi makhut khutsa taruk aduga khongsha taruk taruk paallammi amasung punna kunmari shurammi. Mahaaksu Rapha shaageigi mini.
21 Mahaakna Israelgi mishingbu laaknaba matamda Shimeigi machaanupa Davidki mayaambana pokpaa Jonathanna haatkhi.
22 Haayriba hingchaba marisi Gathki hingchabashinggi dhaarani. Makhoyshingsi David amadi mahaakka loynariba mishingna haatkhi.