Amos 5
Aranba haidokchanaba
5 He Israelgi imung manung, eina nakhoigi nathakta tengtha naoibagi yawa khonjelga loinana hairiba waphamsi tajou.
2 Nouna mathot karakpi Israel haina chingoibi, malem leimada haitharibase amuk hanna hougatpa ngamlaroi, mapam lamdamsu hanna phaoba yengbiroi, taibang kananasu mabu hougatpiraroi.
3 Aduga Ishor-na Israelgi imung manunggi mathakta asumna sana-yathang taothabirakli. "mi lishing lishingna khujing oiduna khongdoi hunkhiba maramna supnagi chamakhakta mahinghouni. "
4 Mapu Ibungona Israelgi imung manunggi mathakta "Eibu thijou aduga napunsi nungsangna panjou" hainasu takpiri.
5 Karigumbadasu Bethelda thiruganu amasung Gilgalda nattraga Beershebada khongda khuttaruganu. Aduga lansu lansilluganu. Maramdi Gilgaldu thanggeisengnamak loi challalagani. Mahakka loina Bethelsu mang taklagadabani.
6 Mapu Ibungobu thijou aduga lomba naidaba punsi phangjagani. Nattrabadi Mapu Ibungona Josephki imung manu-ngda houhankhiba khambi meigum hourakkani. Asigumba khambi meisina Bethelbu kanbinaba kana yaodana chakthekkani.
7 He wayel kattibu nongmangkha olhanbasing aduga achumbabu malem-khada tahanbasing.
8 Thawanmichak chayol taret amasung ningthou turelbu sembiba, sukla mamlaba thasigi ahingbu koirou masekna nganthoiba amuk oihanbiba, nungthin poboppusu ngamnamak suklaba ahing oihanbiba, samudragi laija ishingbu thok-hanba aduga malem leida madu heithahanbiba ngamba Ibungo magi koloi minglendi Lainingthou Ibungo haina koubani.
9 Ibungo mahakna akan athousinggi mayokta awa-ana yeikhai thingaibabu thokhalli. Asina maram oiduna lanban phaoba mang takhanggani.
10 Kharai thonggalda warak watembagi wa ngangliba mahakpu makhoina tukkat-chei. Achumba ngangba mahak adubusu makhoina hangoijei.
11 Leita-lairasingbu khuya uphulgum nakhoina khongnetchei. Makhoidagi chang kaktana nakhoina gehu onduna loubi. Manimuktana haktuna nakhoina sana sanggai sajaba sari. Touigumsung nakhoi yumsingduda leibadi keidasu phanglaroi. Nakhoina ningthijaraba drakhagi ingkhol semjariba adubu makhoidagi thoklakpa drakha mahidudi nakhoina keidasu thakpa phanglaroi.
12 Maramdi nakhoigi mishing lakngam-draba ayol aran amasung phattaba toubasingdu eina tasengna khangi. Nakhoini achumbasingdu ima laohanba, leita-lairasingdagi senja thumja toukhiba, amasung makhoibu awaphamgi kharai thonggalda changhanbiba.
13 Maramsina ahei asing kanana asigumba matamsi phatte haiba khangladuna mana manil naidana leigani.
14 Phattabagi tung-inganu, yaiphabasu tamjou maramdi masidata lomba naidaba punsi phanggani amasung thijou maramdi nakhoina nijakhibagumna nongthak nongkha pumbagi Mapu Ibungona nakhoiga loinana leibinabagidamak.
15 Phattababu hangoi tukkatchana toujou aduga yaiphabadu tanjou. Achumbadu kharai thonggal kayada leptana laothokchou adu oirabadi nongthak nongkha anigi mabungo Lainingthouna Josephki leihouba charon suronda thoujal irik heithabigani.
16 Landa thouba lanmishinggi Ibungo, Lainingthouna asumnasu takpiri madudi mapham khudingda mikap miraokhol ngakta tagani.
Yangbi sorok lamjaoda makhoina ima laoba khonjelga loinana tengtha naoigani. Makhoina lou-u singubasinga tengtha naoiba heibasinggabu mitta pidanaba amasung kapcha laojanaba khutlam toina kougani.
18 Ishor-gi koirou nongjadubu khoirangna ngaijariba nakhoigidamak awabanida. Nakhoigidamak karinunggi Ishor-gi numittu lakkadage? Adugumba Ibungogi nongjadudi sukla mamba ahingumbani. Anganba haibadudi keidoungundasu oiraroi.
19 Asigumba koirou nongjase kari matou mangadage haibabu kanagumba nipa amana nongsha kiduna chenkhraga shaom oknabagi matougumbani. Yum amagi manungda kanagumba ama changkhraga makhutna ngaktuna phaklangda ngaba matamda tangja lin amana tamba mabu chikpagumbani.
20 Ishor-gi nongjado amambanida, anganba oiroidouri. Hairiba nongjasida mangalgi masek amattasu yaode, ahoinadum nungsuk nungjanaba nonglen oigadouri. Masi oiroidrane?
21 Nakhoigi chakcha heijanabadu eina hanggoi tukkutchei. Nakhoigi achouba miyam tinnabaduda ei karisu harao tayam-bide.
22 Nakhoi dhup mekruk thajaba, anou anouba mahei maronggi sidha thinjabaduda karisu nachungbide eina. Nakhoina masa noiraba sha-nga katchaduna yoibu yohen tanjanabagidamakta thou tourabasu mitindu hanna yengbiroi eina,
23 Nakhoina sak sonjaba ishei nongmaigi ningnakhongba khonjelbu eingondagi ngamnamak thaptokhankhre. Nakhoigi pere singagi khoithumlaba khonjeldu eigi inadasu haploi.
24 Adubu achumba haibadudi laija maga pangkhak oi, apanba leitana chen-thaba oisanu. Dharma chenba haibadusu akhamba leitana chelliba laija ichel maga pangkhak oi, apanba leitana chenba oisanu.
25 Hey Israelgi imung manung, lamhang lamjaoda chahi kumja niphu chupna nakhoina leiba matamda eigi iphamlangda karina saren chanjakhiba, karina thoubu toujakhiba?
26 Adubu houjikti Sakkuth haina kouba nakhoigi ninghou, Kaiwan haina kouba nakhoigi thawanmichakki lai, nakhoigini haina sajakhraba lai murtisingbu wangna thanggatcharedo.
27 Maram khibik asi leibana eina nakhoibu Damascus wangma lanna loi thagani haina nongthak nongkha anigi mapu haina koloi mingthonbiduna sana-yathang takpiri.