Ezekiel 20
Mapugi ahingba amadi mioibagi hounalamchat
1 Taretshuba chahi mangaashuba thaagi taraanishuba numitta Israelgi ahan amaa laaklaga eigi emangda phamlammi. Mahaak Eeshorgi laibo taaba laakpani.
2 Matamduda Eeshorna eingonda waa haaybirammi:
3 He nupaa, Israelgi ahanshingda haayyu, "Eeshorna asumna taakpiri: Nahaakna laaklibasi eigi ephamdagi laaibao tannabara? Eeshorna taakpiri eigi etik eyaaisina saakhi oisanu Nahaakna eigi ekaadagi paao taaba phangloi.
4 He nupaa, makhoybu nahaak waayenlu. Makhoygi mathakta nahaak waayenloidra? makhoyna toukhiba tukkachabagi mashak oiraba thabakshingdu khanghallu.
5 Makhoyda haayyu, Eeshorna asumna haayri,: Israelbu eina khandokkhiba numittuda Jacobki dhaaraada eina waashak amaa pikhi. Eihaak eshaamak Egypt leibaakta mashak khanghalladuna makhoyda waashakhi. Makhoyda eina haaykhi eihaak nakhoygi Eeshorduni.
6 Eina makhoybu Egypt leibaaktagi puthokpigani haayna waashakkhiba numittuda Makhoygi damak Shanggom amadi khoihi maraang kaina leiba leibaak ateidagi yaamna thoina henna ningthiba leibaak amaa thibigani haaykhi.
7 Eina makhoyda haaykhi, nakhoygi namittuna mitariba amaangba potshingdu thaadoklo. Nakhoy khudingmak Egyptta latliba laai murtishingsi ningduna nashaabu mangthokkanu. Eini nakhoygi Eeshordu.
8 Adubu makhoyna eigi mayokta leptuna eina haayba waashingdu taakhide. Makhoy khudingmak mamitna mitariba amaangba potshingdu thaadokkhide. Ahoinadum Egypt leibaakta latnariba laai murtishingdu latkhi.
Masigi matungda eigi ashaaobagi meiridu makhoygi mathakta taahallage ningkhi. Eina shaaoribasi Egypt leibaakta meimutlage ningkhi.
9 Adubu eigi minglensi yengduna Egypt leibaaktagi makhoybu kouthoktuna eihaak eshaamak makhoyda khanghallaba matungda makhoyna leiriba atoppa jaatki mamaangda mangthokninglamde.
10 Maramsina eina makhoybu Egypt leibaaktagi puthoraktuna lamjaao lamhaangda chingduna laakle.
11 Eina makhoyda ngaakna chatlaga shinaaidba punsi phangnariba eigi niyam amadi yaathangdu takle.
12 Asigisu mathakta makhoyda eina potthaaba numitni haayna amasu khanghalle. Eisi makhoybu shengdokpikhiba Eeshorni haaybadu masina takli.
13 Adubu Israelgi mishingna lamjaao lamhaangdasu eigi mayokta thabak touba hourakle. Makhoyna eigi niyam matung ennaa chatkhide aduga makhoyna eigi yaathangdusu enkhide. Taaibangna shinaaidba laambel phangnariba yaathangshingdu makhoyna thaadokkhi. Thoina hennadum makhoyna potthaaba numittu mangthokkhi.
Matamduda makhoyna lamjaao lamhaangda leiringeida makhoygi aroiba oihallage haayna ningkhi.
14 Adubu eigi minglensi makhoybu chingduna pukhiba matamda ukhiba Jaatshinggi mamaangda mangthokpa yaade ningkhi.
15 Maramsina makhoyna lamjaao lamhaangda leiringeida makhoyda pigani haayna waashakkhiba Shanggom amadi khoihi maraang kaina leiba Khwaaidagi henna phaba leibaaktu piraroi heikhi.
16 Maramdi makhoyna eigi yaathang enkhide aduga eigi niyamdu ngaka chatkhide. Makhoyna latliba laai murtishingdugi loushing yaaodana pamjakhiba maramna eigi potthaaba numittusu makhoyna mangthokkhi.
17 Adubu makhoyna touribashingdu eina ushinnakhide. Maramsina makhoybu eina manghankhide. Lamjaao lamhaangda leiringei makhoybu tumna maangnanaba eina shinkhide.
18 Eina makhoygi machaashingduna lamjaao lamhaangda leiringei matamda haaykhi: nakhoygi napaa napushingna chatpa laambelduda chatkanu. Makhoyna haayramba yaathangshingdu ngaakna chatkanu. Makhoyna latlamba laai murtishingdu ningduna nakhoy nashaamakpusu manghanjaganu.
19 Eini nakhoygi Eeshordu, Eina piba niyamdu chattuna Eigi yaathangshingdu hiktokkanu.
20 Eisi nakhoygi Eeshorni haayba khangnanaba potthaaba numittu ngaakna chatlu
21 Adubu makhoygi machaashingdunasu eigi mayokta laan houkhi. Aduga makhoyna eigi niyamshingdu ennaa chatkhide. Taaibangna shinaaidba punsi phangnariba eigi yaathangshingdu makhoyna ngaakna chatkhide. Ahoinadum makhoyna eigi potthaaba numittu mangthokkhi.
Matamduda eigi ashaaoba meirisi makhoygi mathakta tahanduna makhoybu lamjaao lamhaangda maanghan-duna meimutnarage ninglurabani.
22 Adubu eina ekhut thaakhide. Makhoybu chingduna purakpa matamda ukhiba Jaatshinggi mamaangda eina makhoybu manghankhide maramdi eigi minglengi matik mayaaidu yengduna tuminna leikhi.
23 Makhoyna lamjaao lamhaangda leiringeida makhoybu Jaatshinggi marakta amadi leibaak atoppashinggi marakta chaikhaayduna mapham khanghalloi. Haaykhi.
24 Makhoyna eina piba yaathangdu endaduna eigi niyam amadi potthaaba numitnachingbadu mangthokkhi. Makhoyna mapaa mapushingna latlamba laai murtishingdu ningkhi.
25 Maramsina makhoyda eina shinaaidba punsi phangnanaba athoiba niyam amadi yaathangdu pikhide.
26 Ahoinadum makhoygi ahaanba pokpaa machadu meida thou oinaa kattuna makhoybu eina ngamnamak manghankhi. Masina makhoybu kihankhi. Eisi Eeshorduni haayba khangjasanu haayna eina makhoyda haayribasi toukhi.
27 He nupaa, maramsina Israelgi mishingda haayyu, Eeshorna asumna taakpiri: Haayribasi phaaobada nakhoygi napashingduna tamthina eibu mingchat thihankhi.
28 Eina makhoyda pigani haayna waashaktuna haaykhiba lamdu younanaba makhoybu chingduna laakpa matamda makhoyna chatluba mapham khudingda awaangba ching amadi manaa pungba unachingba uraga maphamduda makhoyna thou toukhi. Makhoyna thou touba matamda laihatlonnachingba sonkhi. Maphamduda makhoyna dupnachingba thaakhi. Maphamduda thaaknaba potsu katkhi.
29 (Eina makhoyda haaykhi, nakhoyna tannariba ashengba maphamdugi athoiba karino? maramsina haayriba maphamdugi mamingdu Ramah kounari.)
30 Maramsina Israelgi mishingda asumna haayyu, "Eeshorna asumna taakpiri: napaa napushingna toukhibagumna nakhoy nashaamak mangthoklagadra? makhoyna pamlamba amaangba potshingduda thamoi luptuna maanghallage ningbra?
31 Nakhoyna thougi pot amadi nakhoyna pokpaa nachaa-nupaashingdu thou oinaa katpa matamda nakhoy nashaamakpu maanghallabani. Laai Murtishingdu ningdua ngasi phaaoba madugi marandu koktribani, asumna toukhrabasu he Israelgi mishing, nakhoyna eingondagi laaibao tage laaklibra? Eeshorna taakpiri eigi etik eyaaisina khangsanu makhoyna eingondagi laaibao taaba phangloi.
Mapuna awaapham taahanbadu kokpibasu ngammi
32 Nakhoyna jaat ateigumna, leibaak ateida leiriba kaangbushinggumna u amadi nungbu laai oinaa latke khalli. Haayriba wasidi oithoklaroidaba waaphamni.
33 Eeshorna taakpiri eigi etik eyaaisina saakhi oisanu, tashengna saphu leiraba khut amanaa shaangna tingthoktuna ashaaoba meiriduga loynanaa nakhoygi nathakta eina ningthou shoydana oigani.
34 Mi ateigi marakta leiribadudagi aduga jaat ateigi marakta nakhoy choijaainana taribadudagi eina nakhoybu punshinbigani. Saphu kallaba khutu shaangna tingthoktuna ashaaoba meiriga loynanaa nakhoybu tasinbigani.
35 Atoppa Jaatshinggi lamda leiriba lamhaangduda nakhoybu puduna chatlaga maphamduda maiga maiga onshinnaduna waayel kati painagani.
36 Eina nakhoygi napaa napushingga lamjaao lamhaangda waayel phambeida phaminnaduna waarepnakhibagum nakhoyga eigasu waayel phambeida changnaba taay. Masimak Eeshorna taakpiriba waaphamni.
37 Eina nakhoyda cheirak pigani, nakhoybu areppa waashakki lengdraba uphamduda thamgani. 38 Nakhoygi narakta leiriba mangak kanbashingdu eina ngamnamak louthokkani. Eigi mayokta leiduna paap toribashingdusu taanthokkani. Makhoyna shaaidaangliba lamshingdagi puduna laakkani makhoybu eina. Adubu makhoy Israelgi leibaaksi youba ngamloi. Matamduda Eisi Eeshorduni haayba nakhoyna khanggani.
39 Israelgi mishing, nakhoygi maramda Eeshorna asumna taakpiri: houjiksu nakhoy loynaba laai murtishingdu latlu. Nakhoyna eina haayba waa loudrabadi makhoybu latlu, adubu eigi minglensi nakhoygi khundon pot amadi laai murtishingdugana mangthokloidabani.
40 Eigi ashengba loibi ching, Israelgi waanglaba loibini haayna shingthaanaribaduda Israelda leiriba mishingna eibu seba tougani. Masimak Eeshorna taakpiriba waaphamni. Maphamduda makhoybu latnaba leitana loushin-gani. Maphamduda nakhoyna shengthoiraba khudonni haayduna pujarakpa nakhoyna angamba katlabadu lougani.
41 Manam nungshiraba dhup oinaa nakhoybu eina loushin-gani. Haayriba matamsida nakhoybu eina choijaainana leiriba leibaakshinggi maraktagi pubiraktuna punna amatta oinaa thambigani. Jaatshinggi mamaangda matamduda eigi minglensigi matik mayaaidu nakhoygi narakta ngaanthoigani.
42 Nakhoygi napashingda pigani haayna waashakkhiba Israelgi leibaaktuda eina nakhoybu puduna laakpa matamda eisi Eeshorni haayba nakhoyna khanggani.
43 Maphamduda nakhoyna nashaana nashaabu ningshingani. Masiga loynanaa nakhoyna toukhiba nashaabu mangnaba laambelshingdusu ningshingani. Nakhoyna toukhiba phattabashingduna nakhoy nashaabu potlum pubagumna touhanjari.
44 Eigi minglensi yengduna nakhoybu loushin-gani. Nakhoyna toukhiba phattabashing aduga nakhoyna chatkhiba phattaba lamchattu yengduna tougadaba natte. Matamduda Eisi Eeshorni haayba nakhoyna khanggani. He Israelgi mishing, masimak Eeshorna taakpiriba waaphamni.
Kha haramda mei
45 Eeshorna eingonda waa Amukka haanna haaybira klammi:
46 He nupaa, namaidu khaa maaykei ollu. Khaa maaykeida paao shaandok-u. Negevta leiriba umang oinaa touba leibaaktuda phongdok-u wa.
47 Negevki umangduna haayyu, Eeshorgi yawaasi taro: Eeshorna asumna taakpiri: yeng-u, Eina nakhoygi narakta khambi mei amaa chaak-han-gani. Masina nahaakki nashaaigonda houriba asangba u khudingmak chakkani. Masina akangba ushingdusu chakkani chakliba meiridu mutpa ngamloi. Masina khaa amadi awaangda leiriba mishinggi mamaidusu chakkani.
48 Eisi Eshorni haayba mi khudingmakna khanggani. Eina thakhiba meidu kana amattana muthatpa ngamloi.
49 Maduda eina haayrammi, "he waangthoiraba Eeshor, makhoyna eingonda haayri: madudi, eigi waaheishingsi makhoy gyan tahandre.