Luke 15

Maangkhiba yaao maangkhiba sen

( Matthew 18.12-14 )

15 adugi matungda khaajana thoubaa-sing amasung paap chenba-sing pumnamakna waa taananaba ebungngo-gi manaakta nakseellaaklammi. 2 Amasung pharisi singga saas-tragi ojaa-singgana murum murum aonnarak-e, nupaa asina paap chenba-singbu yabi amasung makhoyga chaminnei. 

3 Amasung ebungngona makhoyda paandam asi haay, 

4 nakhoygi narakta mi amagi yaao 100 leiba adudagi yaao amaa maangkhrabada, lamjaaoda 99 adu thanamduna, maangkhiba yao 1-du phangdriba phaaoba thiroidaba kanaano? 5 Amasung mahaakna maadu phanglabada haraaoaduna maadu marengbaanda thonggatli. 6 adugaa mahaakna mayumda laaklabada, mahaakki marup mapaang amasungkeiroy leikaaibu kouain-duna, makhoyda haay, eigaa haraaominnasi, maramdi eigi maangkhiba yaao adu phangjare. 

7 Eina nakhoyda haayri, matou asumna pukning hongba kannadaba, dharma chenba mi 99-dagi paap-chenba amanaa pukning hongba adugi damak swargada haraaoba oigani.

8 adugaa silver shekels tara, leiba adudagi silver shekels amaa maangkhrabada, thaaoumei thaallaga, yum sittuna, maadu phangdriba phaaoba thiroidabi nupi kanaano? 9 Amasung maadu phanglabada, mahaakna marup mapaang amasungkeiroy leikaaibu kouain-duna haay, eigaa haraaominnasi, maramdi eigi maangkhiba makhaay adu phangjare. 

10 Matou asumna eina nakhoyda haayribani, pukning hongba paap-chenba amagi damak Eesor-gi dutsinggi mamaangda haraaoba oirak-e.

Oktaba machaa nupaa

11 Amasung ebungngona  haay, 

kanaagumba mi amagi machaa nupaa ani leirammi; 12 adugaa makhoygi atomba aduna mapaada haay, 'Ipa, nahaakki areiba eingonda thunggadaba saruk adu eingonda pibiyu'. maaduda mahaakna maran adu makhoyda yennabire. 

13 Amasung numit kharagi matungda machaa nupaa atomba aduna pumnamak khomjillaga, athaappa leibaak amada chat-thoklakle; adugaa mapham aduda mahaakna choithokna panduna mahaakki areiba adu echaai chaaithokkhre. 14 Mahaakna pumnamak chading toukhrabada, leibaak aduda akanba chaak-tangba thokle, amasung mahaak waatpa houre. 

15 maaduda mahaakna chatkhiduna leibaak adugi khunjasinggi amada masa napcharure; adugaa mahaakna maabu ok sennanaba mahaakki loubukta thaare. 16 Amasung mahaakna okna chaaba okchak aduna mapuk thanhanninglammi, adubu mi kanaanasu maangonda pibidre. 

17 touegumsung ma masa mathanta hanthajarabada haayrak-e, 'kaya yaamba eigi epaagi anekpa naisingna lemthok paathokna chaaba phang-e, adugaa eidi charamchatatnaba asida mangduna leiri! 18 Eina hougattuna epaagi maphamda chatlaga, maangonda haayjaruge, epa, eina swargabu yeknaduna nahaakki maangda paap toure; 19 Eina houjik nahaakki nachaa-nupaa kouba matik chaadre; eibu nahaakki anekpa naising amagum sembiyu'. 

20 adudagi mahaakna hougattuna, mapaagi maphamda laakle. touegumsung mahaakna thaapna leiringeida, mahaakki mapaana maabu uraduna nungsiba pokle adugaa chel-laaktuna maagi mangaksam kollaga maabu chuple. 

21 Amasung machaa nupaa aduna maangonda haay, 'Ipa, eina swargabu yeknaduna nahaakki maangda paap toure; eina houjik nahaakki nachaa-nupaa kouba matik chaadre. Eibu nahaakki anekpa naising amagum sembiyu'. 

22 touegumsung mapaana minaaisingda haay, 'thuna Khwaaidagi henna phaaba phijon puthoklaktuna setpiyu, makhutta khudop sibiyu, adugaa makhongda khugraang tongbiyu; 23 Amasung anoyba sannaao adu puraktuna haatlu, adugaa chaaduna haraaominnasi. 24 maramdi echaa-nupaa asi sikhibadagi amuk hinglaklabani; maangkhibadagi phanglabani'. adugaa makhoyna haraaoba houre. 

25 Matam aduda mahaakki machaa nupaa ahanna loubukta leirammi; amasung mahaakna laaktuna yum naksillaklabada, pung pena amasung jaagoi makhol taare. 26 maaduda mahaakna minaaising amabu kouduna, thokliba matousing asi karino, hanglammi. 

27 adugaa mahaakna maangonda haay, 'nahaakki nanaao nupaa hal-lakle, aduna nahaakki napaana mahaakpu ana ayek leitaana phangba maramna anoyba sannaao adu hatpi'. 28 touegumsung mahaakna saaoraduna changningdre. maaduda mapaana thoklaktuna mahaakpu themjillammi, 29 adubu mahaakna mapaada khumlak-e, 'yengbiyu, chahi asup yaamna eina nahaakpu seba tourakli aduna eina nahaakki yaathang thouoidaba khak touyaade; adu oirabasu eina eigi erupsingga loynanaa haraaominnanaba haameng machaa amatasu nahaakna eingonda khak pibidri.30 touegumsung nachaa-nupaa asina oktabisingga loinaduna nahaakki laal chaathoklaga laakpada, nahaakna maagi damak anoyba sannaao adu hatpire'. 

31 maaduda mapaana maangonda haay, 'angaang, nangdi eetat-tattana eigaa leiminnei, adugaa eigi leiriba pumnamak adu nanggini. 32 touegumsung maasi haraao nungaaigadabamakni, maramdi nanaao asidi sikhibadagi hinglaklabani; maangkhibadagi phanglabani'.