1 Kings 14
Jeroboamgi machaa-nupaa siba
14 Haayriba matamsida Jeroboamgi machaa-nupaa Abijah narammi. 2 Jeroboamna mahaakki nupida haayrammi, "nasak lottuna nahaak eigi nupini haayba khanghandana Siloh taanna chatlu. Silohda leiriba maichou, eibu ningthou oigani haayna taakpikhiba Ahijahgi manaakta chatlu. 3 Nahaakna chatpada tal houduna tal taaraga khoibak kharaga khoihi likli amaaga puduna piyu. mahaakki manaakta chatlaga laaibao taarabadi angaangsi sigani changgani haaybadu khngba ngamgani.
4 Jeroboamgi matuna haayriba potsingsi puduna Silohda Ahijahna leiriba maphamduda laakkhi. Ahijah matamduda ahan matam oikhibana mamit ningthina uramde. 5 Eesor-na Ahijahda haayrammi, "Jeroboamgi matuna machaa naraduna nahaakki naphamdagi laaibao tagadoubagi lakli. Maangonda nahaakna asumna haigadoubani.
Jeroboamgi nupiduna Ahijahgi manaakta yourakpa matamda atoppa nupi saaduna laakkhi. 6 Ahijahna mahaakna changlakpadu taarabada asumna haayrammi, "changlak-u, nahaak Jeroboamgi nupini haayba eihaak khang-e. Nahaakna karigi mitop sasinnaribano? Nahaakki naraibakta phattaba tamlamle. 7 Chatlaga Israelgi Eesor-na Jeroboamgi maramda phongdokliba waasi Jeroboamda tammu. ebungngona asumna taakpiri: eina miyaamgi maraktagi khandoktuna eigi mi oiriba Israelgi ningthou oinaa hapkhibani. 8 Eina Davidki dhaaraadagi leibaaksi louthoktuna nahaakki nakhutta sinnakhi. adubu eigi yaathang, chatnaron, pathap amatta kaidana enkhiba enaai Davidkumna nahaak oiba ngamde. 9 Nahaakki namaangda leibaak waayelduna paankhiba ningthou-singna toukhiba araanbasingdudagi nahaakna ngasi touribasina thoina henna masing yaammi. Nahaakna Eibu thaadoktuna laai murti amadi konchakki laai saaduna ningli, erat puja touri. masina Eibu thoidokna saohalli. 10 maramsina nahaakki chaaron-suronda laichat thok-handuna tumna maanghan-gani. Nahaakki saagei-da leiriba nahaa ahan khaktana nupaa haaybasingdu loina haatkani. Nahaakki emung manungsi Eina haanna yengloi adugaa mathi makum sitthok-khibagumna makhoy singdu loina maanghan-gani. 11 Nahaakki emunggi kanaagumba mising saharsigi manungda siba thoklabasu asibaa masaadu huina chaagani adugaa lamhaangda sibasingdu langjana chaagani Eesor oiriba Eina maasi haayribani."
12 Ahijahna maakha taana Jeroboamgi nupiduda asumna haitharak-e: "houjikti nayumda hallo. Nahaakna saharduda hek youba matamda nahaakki nachaa-nupaa siragani. 13 Israelda leiribasingna mahaak-kidamak tengthaaduna potloigani. Israelgi Mapu ebungngo Eesor-na penbiba angaang amaa oiba maramna Jeroboamgi emungdagi phumgadouba nupaasi mahaakkhakta oigani. 14 Jeroboamgi saageibu tumna manghan-gadouriba nupaa amabu Eesor-na Israelgi ningthou oinaa hapkadouri. 15 Eesor-na Israelbu awaaphamda tahangadouri adugaa maasi eesingda echel khangliba singnaanggi matougum oigani. Makhoygi mapaa mapusingda ebungngona pinabikhiba leihao leiraba leibaaksingdagi makhoybu maru phangna phuktokkani. Asherahgi murti saaduna Eesor-bu saohanba maramna makhoybu Ephraim waangma laanna chaai-khaaygadouri. 16 Jeroboamna toukhiba araanba amadi mahaakna ensinduna Israelgi misingna toukhiba araanbasingdugi mahei oinaa Eesor-na Israelbu atoppa jaatki makhutta tahan-gani.
17 Jeroboamgi nupina Tirzahda amuk haanna chatkhi. Mahaakna konunggi chekpandu hek yourakpa matamda angaangdu sirammi. 18 Eesor-na maichou Ahijahda phongdokkhibadu ekaay kaidana Israelgi misingna mahaakpu phumbikhi adugaa mahaak-kidamak tengthaakhi.
Jeroboam nonggaba
19 Jeroboamna touramba thabaksing, soknaramba lan, leibaak ngaklonnachingba pumnamak ningthouron kouba laairikta eduna leiri. 20 Jeroboamna chahi kunnithou ningthou oinaa pankhi. Mahaakna siraba matungda machaa-nupaa Nadabna ningthou oiduna phambaal tongkhi.
Judahda paankhiba ningthou Rehoboam
(2 miron 11:5-12:15)
21 Solomon-gi machaa-nupaa Rehoboamna Judah-gi ningthou oinaa phambaal tongba masaagi chahi niphumathoi surammi. Eesor-gi minglengi matik mayaai utna-naba Israelgi Jaatsingdagi khandokkhiba sahar Jerusalemda chahi taret pankhi. Mahaakpu pokpi mamaagi mamingdi Amoni ningol Naamah kourammi.
22 Judahsu Eesor-gi mityengda phattaba thabak yaamna touram-i. Makhoygi mapaa mapusingna toukhiba phattaba-singdudagi henna makhoyna toukhi. maramsina makhoyna Eesor-bu yaamna saohankhi. 23 Makhoysu asengba mapham, amadi yumbinachingba yaamna semkhi. Chingda mapham khudingda makhoyna Asherah saaduna latkhi. maasi ukha khudingda latkhi. 24 Khwaaidagi henna phattaba makhoyna toukhiba thabakti nupaa nupi khaaidana oktabigi thabak tourammi. Israelgi misinggi mamaangda Eesor-na maramchat phayaade haayduna taanthok-khiba misingna touramba thabaksingdu makhoyna hanjinna toukhi.
25 ningthou Rehoboamna paanba mangasuba chahida Egyptki ningthou Sisakna Jerusalemgi mathakta laandakhi. 26 Mahaakna Eesor-gi ningna sangda leiriba lan-thum amadi ningthoukondagi apan aru pumnamak loina pukhi. Solomonna saramba sanaagi chunggoisingdu mahaakna puduna chatkhi 27 Rehoboamna sanaagi mahutta pithraaina saaraga mahut sinkhi 28 ningthouna Eesor-gi ningna sangda changlakpa matamda thongakpasingna chunggoisingdu puthoktuna yenghallammi. adugaa amuk haanna thongakpasinggi kaada pusinkhi. 29 Rehoboamna touramba thabaksingdu Judah-gi ningthouron kouba laairiktuda eduna leiri. 30 Rehoboam amadi Jeroboam anigi marakta matam leibada laan soknadunata leirammi. 31 Rehoboamna siraba matamda Davidki saharduda mapaa mapusinggi mongphamda phumbikhi adugaa machaa-nupaa Abijahna ningthou oinaa mahaakki mahut sinduna phambaal tongkhi.