2 Peter 2
Eeshorgi waa takthokshinnabashing amasung phattaba mipal
1 Touegumsung mishinggi marakta Eeshorgi waa takthokshinnabashingsu thokle; adugumduna nakhoygi naraktasu tambishinnabashing leigani. Makhoybu leibirakpa mapumakpu makhoyna yadaduna, mangba thok-hanba chumdaba paaoutaak lonna pusillakkani, aduga makhoyna makhoy mashaagi mathakta thuna mangba purak-e.
2 Amasung ayaambana makhoygi apaiba thabak adugi matung engani; makhoy adugi maramna achumba adugi lambi adubu thina ngangnagani.
3 Aduga karambana makhoyna toushinnaba waaheiga loynanaa nakhoybu lallonpot oinagani, makhoybu araanba taahanba adu thaainadagi thillaktri, aduga makhoybu maanghanba adu tumde.
4 Maramdi swargadut shingna paap toubada Eeshorna makhoybu kanbidrabadi, adubu waayen-gidamak khakpashing asibu norokta hunthaaduna amaambagi komda pithoklabadi;
5 Aduga ariba taaibang paanbabu kanibadaduna, ebungngo mahaakna Eeshor ningdabashinggi taaibang-paangi mathakta eechaao thok-hanba matamda, dharma chenbagi waa laaothokpa Noahbu mi atei taretka loynanaa khakhourabadi;
6 Aduga Sodom amasung Gomora saahar ani adu ut oihanduna amaangba taanna laalhallabadi, aduga Eeshor ningdabashinggi mathakta thokkadabagi paandam makhoybu oihallabadi;
7 Amasung phattabashinggi apaiba machat matouna yaamna waahallaba dharma chenba Lotpu kanbirabadi
8 (maramdi dharma chenba mi aduna makhoygi marakta panduna, ubada amasung taabada numit khuding mahaakki dharma chenba thawaaybu makhoygi waayel yaathang endaba thabakna otlammi),
9 Eeshor ningbashingbu thembadagi kanbiba, amasung dharmachendaba shingbu,
10 Thoidokpadi amotpagi apaaybada hakchaanggi matung enbashing amasung mapu oibabu usittabashingbu, waayen-gi numit phaaoba laaknaduna thamba Eeshorni hei. Echang thouganba amasung marannai ningba makhoyna matik mangaan chaaorabashingda thina ngaangba kide; 11 Adubu swargadut shingna akan-athou amasung paanggalda henna chaaorabasu, Eeshorgi maangda makhoygi mathakta athiba waayel haaydokte.
12 Thouigumbasng makhoy asina, phanabagi amasung manghannabagi damak mahousagi shaa oinaa poklaba, waakhal yaaodaba lenglipallibashinggumna, khangdaba adugi maramna thina ngaangduna, makhoygi mangnabada maanghan-gani.
13 Matou asumna araanba toubagi mainal oinaa makhoyna araanba khang-e; nungthil matamda makherangbabu haraao tayaambani shingthaanariba mishing asina nakhoyga chaamin-thakminnaringeida makhoygi minamba matouda makherangi; makhoy asi amakpani, amasung ashoybani.
14 Makhoygi mamit nupi laannaba thabakna thalli, aduga mamit adu paaptagi tokte, makhoyna areppa leitba mishingbu themdok-e; makhoygi pukning karanmabagi saajel toukhrabani; makhoy sirapki machaashingni.
15 Makhoyna achumba lambi thaadoklaga, Beorgi machaanupa Biliyamgi lambi matung enduna makhoy lamuknakhre; Biliyaamna araanba toubagi mamal adu paamle,
16 Adubu mahaakki ayol arangi damak mahaakna waarakpa phangle; marol thoktaba lolana mioibagi khonjenna ngaangthoktuna Eeshorgi waa taakthokpa adugi ngaaoba adu khamle.
17 Makhoy asi eeshing leitba ee phutshing amasung nong nungshitna humdokkhiba leichinni; makhoygi damak amaambagi amuba adu khaklabani.
18 Maramdi kannadaba apongba waa haaydoktuna, makhoyna araanbada paallibashingdagi hek hingjarakpashingbu hakchaanggi apaambada apaibana themdok-e;
19 Makhoyna makhoybu maning tamhannaba waaleppiduna, makhoy mashadi amaangbagi minaaishingni; maramdi mi kanaagumbabu ngamkhiba adumakna minaaisu oihalle.
20 Maramdi makhoyna kanbiba ebungngo Jesus Christabu khangbagi mapaanna taaibang-paangi amot amotpa thabaktagi hinghouba matungda, makhoybu amotpa thabak aduda amuk haanna yetnaduna ngamkhrabadi, makhoygi damak akonba phibam adu ahaanbadagi henna phatlakte.
21 Maramdi dharma chenbagi lambi adu makhoyna khangle haayraga, makhoyda pithokkhraba ashengba yaathangdagi leithokkhiba shaaruktagi madu makhoyna khanglamdabana makhoygi damak henna pharamgadabani.
22 Achumba paaorou asigi matung ennaa makhoyda thoide, haaybadi,
huina maagi aobada amuk hanjilli, amasung, luthokpiraba okpina leikhomda leiolli.