Leviticus 26
Haiba indabagi mahei
(Anisuba wa 7:12-24, 28:1-14)
26 Nakhoina lai oina latnaba murti saba yade. Nunggi nattraga una yumbinachingba murtisu saba yade nakhoina leiba lamduda nunggi murti saduna khurumba yaroi. Maramdi nakhoina latkadaba nakhoigi Mapu Ibungo Lainingthoudu Eini. 2 Nakhoina potthaba numittu ngakkadabani. Eigi ningnashangdu nakhoina luna tougadabani.
3 Eina pikhiba yathangsingdu induna ngakna chatlabadi, 4 Kum phattaba touroi. Leibaksi chakhong ngahongani. Loubukta houriba pambisingduda mapan naidana mahei marong pan-gani. 5 Lourok thadu drakha mahei lokpa tha youhangani. Drakha lokpadusu maru taba matam youhangani. Nakhoi nabuk penna chaba phanggani. Nakhoina leiriba leibaksida mara tapna pan-gani. 6 Leibaksida leiba matamda nakhoibu yaiphahangani. Nungaina leihangani. Kananasu nakhoibu kihanba ngamloi aduga shanachingbanasu nakhoibu sokhalloi. 7 Nakhoina leiriba lamduda lan thokhalloi. 8 Nakhoigi manga ateigi chammaga lamba tougani. Nakhoigi chammaga ateigi lishingga lamba tougani. Nakhoigi yeknabasingdu nakhoigi namangda thanggi mayada taduna tuduna leigani. 9 Eina nakhoibu ikai khumnaba utkani. Maramsina nakhoi maroi manao yamna tagani. Matamduda nakhoiga Eigagi marakta leinakhiba areppa wasaktu nouhounana leplagani. 10 Nakhoina kuina liduna thamlaba chinjaksingdu chagani. Anouba chathok peisinnabagidamak aribadu louthokkhigani. 11 Nakhoigi narakta Eigi leipham ama semgani. Eina nakhoibu tukkacharoi. 12 Nakhoigi narakta Eihak koina chatkani. Maramsina Eihak nakhoigi napuroidu oina leigani. Nakhoi Eigi mishing oihangani. 13 Egypttagi nakhoibu minai naithang kokhanduna nakhoigi nangakta thanglamba potpudu louthoktuna nathouna leina lamsangda chathankhiba Mapu Ibungo Ishor-du Eini.
Haiba indabana tagadouba awaba
(Anisuba wa 25:15-38)
14 Eigi Yathangsing amadi wasingdu indaduna 15 Aduga Eigi chatnabisingdu ngakna chattaduna nangakkallabadi, nakhoigi napukningda Eigi yathangsing in-ge haina khanba leitrabadi, aduga Eigi areppa wasaktu thugairabadi, 16 Makhada iribasi nakhoigi naphamda thokkani: nakhoigi nathakta khanghoudana akiba akhangba aduga mangtakpa, Lai thoktuna mit tanghanba, asinachingba thok-handuna nakhoigi napunsidu arembada tahan-gani. Nakhoina nomjarubadu anomman phanghaloi maramdi madu nakhoigi yeknabasingna chakhigani. 17 Nakhoigi mayokta Eihak leigani aduga nakhoigi yeknabagi mamangda nakhoi tumna manggani. Nakhoina tukkachabasingduna nakhoigi nathakta wayelduna pan-gani. Kananasu nakhoibu tandrabasu yamna thuna nakhoi chen-gani. 18 Hairibasingsi tourabaphaobada nakhoina Eigi yathangsingdu indrabadi, nakhoina toukhiba narandugi matung inna taretlak dandi pigani. 19 Nakhoigi napaldu Eina thudekkani. Nakhoina asa toujariba nongmadondu yotki matougumhangani. Malemsisu korigi matougumgani. 20 Nakhoigi napanggaldusu arembada loihangani. Nakhoina leiriba leibaksi mahei yalhalloi. Loubukta houriba pambisingdu mahei palhalloi. 21 Eina hairibasingdu toudaduna touningbada tourabadi laichat thok-han-gani. Nakhoina touba naralsingdugi saruk taret henna wahangani. 22 Lamlakta leiba shasingduna nakhoigi nachasing amadi nakhoina loijariba shasingdu hatnanaba tharakkani. Masi tourabadi nakhoigi mashing yamloi. Matou asumna nakhoina touruba thabak khudingda mahei yandaba loina oihangani.
23 Masi thokhallaba matam phaobada nakhoina apambata touba tarabadi, 24 Eihak nakhoina pamdaba thabak ngakta khanduna thougani. Nakhoigi narandugi mahei oina taretlak hen-gatna awaba tahan-gani. 25 Areppa wasak ama nakhoiga leinakhibadugi laman singba oina lan thok-han-gani. Nakhoina sahar amada pullap leirabasu laichat thok-han-gani. Nakhoibu yeknabasinggi makhutta tahan-gani. 26 Eina nakhoigi potthok asukki matik hanthahangani madudi nupi tarana chakkhum amada changduna chakkhum amada thonggadouba chinjaktu thonghangani. Nakhoina madu charabasu lambadi phaba leiroi.
27 Hairibasingsi thoklaba phaobada nakhoina Eigi yathangdu Indaduna athoinana nangak kanduna leirabadi, 28 Ei isana nakhoigi naran yengna saruk taret thongatna awaba tahan-gani. 29 Nakhoina pokpa nachasinggi shadongdu nakhoina chagani. 30 Nakhoigi Lai ningphamsingdu tumna manghan-gani. Nakhoina dhup thariba phankhongdusu manghan-gani. Nakhoigi asiba nasadu nakhoina latliba lai murtisinggi mathakta tahan-gani. Eigi thawaina nakhoibu yamna tukkachana yenggani. 31 Nakhoina leiriba saharsingdu leikangla oihangani. Nakhoigi ningnashangdusu tumna manghan-gani. Nakhoigi manam nungsiraba dhuptu Eina loubiroi. 32 Nakhoina leiriba maphamdu Eina manghan-gani. Masibu nakhoigi yeknabasingna uraga angakpa phanggani. 33 Eina nakhoibu atoppa jatsinggi marakta chaikhaigani nakhoigi nathakta lan lakhanggani. Nakhoigi saharsingdu leikangla oigani.
34 Leikangla oina leirabadi malemsi potthaba phanglagani. Nakhoina yeknabasinggi leibakta leikhrabadi malemsi pottharagani. 35 Nakhoina leiringeida pothaba masak khangjadraba malemsi inggani.
36 Loida leiriba nakhoidi una lengba phaobada chenba haibadu nakhoigi naraibakta tamhangani. Lanphamda tallakpa matamda chenbadugi matougumna nakhoi chen-gani. Nanakta yeknaba leitraba phaobada nakhoi tugani. 37 Kananasu nakhoibu tandaba phaobada amana amagi mathakta tusingani. Maramsina nakhoina yeknabasingdu lamba touba ngamloi. 35 Nakhoigi yeknabasinggi lamduda nakhoina loida leiringeida nakhoibu yotsinbigani. 39 Loida hingduna leihoiba nakhoi kharaduna yeknabagi leibakta tumna manggani maramdi nakhoina toukhiba amadi napa napusingna toukhiba naransingduna mapot phagani.
40 Eigi mayokta leikhiba nakhoigi napa napusinggi marandu yaona nakhoigi nachasingna Eigi Iphamda haijaba matam ama lakkani. 41 Makhoina Eibu saohankhi aduga makhoibu loida thahankhi. Mameithangda nakhoigi nachasingna nollukpa amadi makhoina toukhiba marandugi mahei phanglaba matamda, 42 Eina Abraham, Isaac amadi Jacobka leinakhiba areppa wasaktu ningsinggani. Matamduda Eigi wasak Eigi mishingda leibaktu pigani haikhibadu thunghangani 43 Adum oinamak leibaksida leiriba mishingsi hanna tanthokkadabani. Adu oirabadi malemsi potthajaragani. Eigi yathang amadi niyamsingdu makhoina indabadugi maramna makhoi matik chaba awaba phangpham thok-i. 44 Pumnamaksi thoklabasu makhoina yeknabagi leibakta loi oina chattuna leiba matamda Eina makhoibu pumtha thadokpadi toubiroi. Thadokpa tarabadi makhoiga Eiga leinakhiba areppa wasaktu pungmang mangba tai. Eisi makhoigi Mapuroi Ishor-duni. 45 Lainingthou oiriba Eisi makhoigi Mapu Ibungo oijanaba Jatsinggi mamangda Egypttagi Eigi mishingbu puthoktuna itik iyai utlaba matamda makhoigi mapa mapusingga leinakhiba areppa wasaktu nouhounana mari leinagani.
46 Pumnamaksi Lainingthou Ibungona Sinai chingdonda Mosesda Isrealgi mishingna ingadouba yathang amadi niyamsingduni haina pikhibasingni