1 Samuel 3

 Eeshorna Samuelda uhanbiba

1 Matamduda angaang oiriba Samuelna Eligi paaoutaak matung ennaa Eeshorgi seba toujaduna leirammi. Matamsida Eeshordagi laaibaonachingba aduga sang-sang uhanbibanachingba thokkhidaba matam yaamna kuirammi.

2 Nongma numidaang amaa mamit tanglaba Elina mahaakki kaduda tumduna leirammi.

3 Eeshorgi ningnashangda thalliba thaaoumeidu muttri. Eeshorgi phambaalgi manaakta Ningnashanggi manungda Samuel tumduna leirammi.

4 Eeshorna Samuelbu kourammi, "Samuel, Samuel". Mahaakna haayrammi, "maphamsida eihaak leire."

5 Samuelna Eligi manaakta chatlaga hanglammi, "ebungngo nanaaibu koubikhibra? nanaai eihaak laakchaare."

Adubu Elina haayrammi, "eina nahaakpu koukhide, chatlo tumluro." asumna Samuelna phamungda changduna tumkhi.

6-7 Eeshorna Samuelbu kourammi. Angaang oiriba Samuelna Eeshorna mahaakpu kouri haaybasi khanglamde maramsina Eeshorna mamaangda mahaakki maphamda asumna waa haaykhidri. Maramsina mahaakna Amukka hougatladuna Eligi manaakta chatlaga haayrammi, "Ebungngona nanaaibu koubikhiba nattra nanaai asida leijare."

Elina haayrammi, "ebungngo, nahaakpu eina koude. Chatlo tumluro."

8 Eeshorna Samuelbu ahumlak kourammi amasung hougatladuna Eligi manaakta chatlaga hanglammi, "Ebungngona nanaaibu koubiriba karigino? nanaai laakchaare." mataangsida Elina, Eeshorna nupaamachadubu kouribani haaybasi khanglammi.

9 Maramsina Elina Samuelda haayrak-e, "tumlaro. Karigumba Amukka haanna kuraklabadi asumna haayyu: taakpiyu Eeshor, nanaaina ebungngogi yaathang ngaijari." asumna Samuel phamungda amuk tumtharammi.

10 Eeshorna laaktuna atei matamda koubadugumna, "Samuel, Samuel" haayna kourammi.

 Samuelna maasida khumlammi, "takpiyu, ebungngogi nanaaina yaathangtabu ngaijari."

11 Eeshorna Samuelda haayrammi, Israelgi manungda Eina thoudok ani thok-han-gani. Mi khudingna maasi taabada matu chunggani.

12 Adugumba numittuda Eligi emunggi maramda eina haaykhibashingdu thunghan-gani. Ahoubadagi aroibadu phaaoba amatta chitthaba leihalloi.

13 Eina mahaakki emungbu tumna maanghan-gani haaykhrabani. Araanba karino haaybasi mashaana khanglabani. Mahaakki machaanupashingna eigi ethakta phattaba kayaa toure adubu manaakna makhoybu khamba leite

14 Eina waashaktuna haayribasini makhoyna thou amadi pujanachingba kattunasu thokkadouriba thoudoksidagi kanjaba ngamloi."

15 Samuel nongandriba phaaoba phamungda leirammi. Ayuk oiraklabada Eeshorgi ningnashangdu thong haangdokkhi. Samuelna tarang tarang ukhibadu Elida haaydokpa kirammi. 

16 Adubu Elina Samuelbu kouraga haayrammi, "ebungngo, Samuel."

Samuelna khumkhi, "ebungngo, nanaai eihaak asida leijare."

17 Elina haayrak-e, " Eeshorna kari taakpirammi? Eingonda madu lotkanu. Ebungngona nangonda taakpiramba waadu karigumba lotlabadi Eeshorna nahaakpu henna awaaba taahanbiba oisanu."

18 Maramsidagi Samuelna arotpa leitana loina haaydoklammi. Mahaakna haayrak-e, "ebungngodi Eeshorni maramsina Ebungngona asuk thok-han-gani haaybadu thoksanu."

19 Samuel chaaorakle Eeshorna mahaakpu loinabirammi. Mahaakna phongdokpa waashingdu matam leibada chumlammi.

20 Dandagina Beerseba phaaobada leiriba Israelgi mishingna Samuel Eeshorgi maaichou oire haayba khangnakhi.

21 Eeshorna Silohda Samueluelgi maphamda shaak uhanbikhi. Eeshorna Samuelda tattana waa ngangbikhi. Samuelna waa phongdokpa matamda Israelgi mishingna taakhi.