2 Kings 17
Israeli ningthou Hoshea
1 Judahgi ningthou Ahazna paanba taraanithoishuba chahida Elahgi machaanupa Hosheana Samariada konung oiduna Israelgi ningthou oinaa paankhi.
2 Mahaakki mamaangda paanba ningthoushinggumna toudrabasu Eeshorgi mityengda mahaaksu phattaba thabak kayaa toukhi.
3 Mahaakki mathakta sanmaneserna laandarakkhi. Hoshea sanmanesergi makha ponba ningthou amaa oikhi. Maramsina mahaakna sanmaneserda loipot karammi.
4 Assyriagi ningthouna Hosheagi maraal khangkhirammi. Hosheana Egyptki ningthou sho koubaduda mateng paangbiyu haayjakhi. Maramsina mahaakna Assyriagi ningthouda loipot chahi khuding karambadu tokkhi. Thoudoksidgi Assyriagi ningthouna Hosheabu bandi oinaa phajinduna thamkhi.
Samariabu maaythiba piba
5 Matamsida Assyriagi ningthouna Samaria thungna loushinkhi. Mahaakna Samariabu laakshinkhinba ahumshuba chahi.
6 Hosheana paanba chahi mapaan-gi matungda Assyriagi ningthouna Samariabu laakshinkhi. Israelda leiriba mishingbu mahaakna Assyria taanna bandi oinaa pukhi. Mahaakna bandishingdubu Halah, Gozangi turel, Haborgi khongbal amadi Medishinggi saaharda leihankhi.
7 Haayribasi thokkhibagi thoidkpa maramdi Egyptki ningthou Pharaohdagi kanbikhiba Eeshorbu thaadoktuna Israelgi mishingna ayon araan kayaa chatkhi. Ebungngo mahaakpu lunaa channa toudaduna laimangshingbu kina toukhi.
8 Israelgi mishinggi mamaangda Eeshorna taanthokkhiba mishinggi lamchat adu makhoyna chatkhi aduga Israelaelgi ningthoushingnasu phattaba lamchat kayaamarum chatkhi.
9 Israelgi mishingna makhoygi Eeshorgi mityengda chumdraba thabak kayaa lonna toukhi. Makhoyna Laanjabungdagina chekpan khajillaba saahar phaaobada laimangshing ningnaba mapham thamkhi.
10 Awaangba ching amadi asangba upaan khudinggi makhaada yumbi amadi Asherahgi murti shaaduna leirammi.
11 Eeshorna marai chaithahankhraba Jaatshingna toubagumna makhoyna laimang ningphamshingda thounachingba tourammi. Asumna phattaba thabak touduna Eeshorbu shaaohankhi.
12 "Nakhoy maasi toupharoi" haayna Eeshorna taakpikhraba pumnamak makhoyna toukhi. Laai murti latpharoi haaykhibadusu latkhi.
13 Adubu Eeshorna Israel amadi Judahbu nungshibiduna maaichoushing thok-hanbiduna "nakhoygi phattaba laambeldu thaadok-u" haayba paaojelsidi pibiba tokkhide. Ebungngona taakpikhi: Eina napaa napushingda aduga maaichoushingda pibikhiba yaathang amadi niyamdu kaidana chatlu.
14 Adubu Eeshorda thaajakhidaba mapaa mapushinggumna makhoysu paaoutaakshingsi thaajakhide. Maramsina makhoyna apaambadu tourammi.
15 Makhoygi mapaa mapushinga ebungngoga anigi marakta leinakhiba waashak amadi Ebungngona pibikhiba paaoutaakshingdu enkhide. Makhoyna ebungngogi yaathang amadi areppa waashaktu thoushakhide. Laimangshing ningduna makhoy mashaasu amaangba mishing oikhi. Eeshorna taanthokkhiba Jaatshingdugi lamchat elloidoubani haaykhibadu thousadaduna makhoyna apaambadu toukhi.
16 Makhoyna Eeshorgi yaathang pumnamak langthokkhi. Makhoyna sannaogi murti ani shaakhi. Masidasu nattana Asherahgi murti amasu shaakhi. Nongmadonda leiriba laaishing makhoyna khurum-khidaba leite. Makhoyna aroibada Baalbu ningkhi.
17 Makhoyna machaanupa amadi nupishingbu eeratpot oinakhi. Makhoyna laaibao taanaba maaibashing amadi jadunachingba shijinnakhi Eeshorgi mityengda leikha taaba thabak kayaa makhoyna toukhi. Maramsina Eeshor yaamna shokkhi.
18 Eeshorna Israelgi mishingbu shaaoba maramna ebungngogi mityeng waangmada thamkhi. Judahbudi Ebungngona asumna toubikhide.
19 Adubu Judahsu Eeshorgi yaathangdu enkhide. Makhoysu Israelgi matou tamkhi.
20 Eeshorna Israel machaashingbu yabikhide. Maramsina Ebungngona makhoybu awaaphamda taahanbikhi.
21 Davidki makhuttagi Israelbu machoi machoi taahallaba matungda Israelgi mishingna Nebatki machaanupa Jeroboambu ningthou oinaa khankhi. Israelna Eeshorbu ningjarambadagi Jeroboamna araanba lambida chingbikhi. Makhoyna matungda phattaba lamchat-shingdu thodokkhide.
23 Maramsina Eeshorna maaichoushingda phongdokpikhiba matung ennaa Israelgi mathakta Ebungngona akhaba mityengna yengkhi.
24 Assyriagi ningthouna Babylon, Kuthah, Avva, Hamath amadi Sepharvaimnachingba maphamshingdagi mishingbu bandi oinaa puraklaga Israelgi mishinggi mahutta Samariada leihankhi. Makhoyna Samariabu laaksillaba matungda lengdana leirammi.
25 Haayriba mishingsina khuntaba hourakpa matamda Eeshorbu kiramde. Maramsina Eeshorna makhoygi marakta nongsha thaarakkhi. nongshana makhoy khara haatkhi.
26 Maramsina Assyriagi ningthouda asumna haaykhi, " ningthouna bandi oinaa purakpa mishingduna Samariada leiriba laidugi chatnabi khangdaba maramna laiduna nongsha thaaraktuna mishing yaamna hathalkhre. Thoidokpa masigi maramdi makhoyna leibaaktugi laaigi chatnabidu khanglamde."
27 Maasi taabada Assyriagi ningthouna yaathang amaa touraduna haayrak-e, "eikhoina bandi oinaa purakpa purohit amaa maphamduda tharaga leibaaktugi laaigi chatnarondu mahaakpu takhallu."
28 Maramsina Israelgi purohit bandi oinaa purakpa amaa maphamduda thaaduna Bethelda leihankhi. Maphamduda mishingda Eeshorbu matou karamna khurumgadoubano haaybadu taakpikhi.
29 Adubu maasi toudunasu jaat khudingna maagi maagi laaishinggi murti shaaduna latnakhi. Haayriba murtishingsi Samariada leiriba laimang ningphamshingduda tham-lammi. Maasi jaat khudingna manaa manaa leiriba maphamshingduda kaidana ellammi.
30 Babylondagi laakpa mishingna Sukkothta ninglammi. Kuthahki mishingna Nergalgi murti amaa shaarammi. Hamathki mishingna Asimagi murti amaa shaarammi
31 Avvagi mishingna Nibhaz amadi Tartakki murti amaa shaarammi. Sepharvishingna Adrammelek amadi Anammelek kouba laaishingda machaa phaaoba eratlammi.
32 Adubu amaromda haayriba mishingsina Eeshorbu ninglammi. Aduga laimangshing ningphamda purohit oinanaba haayduna makhoygi maraktagi mishing khandokkhi. Khandokkhiba mishingsina makhoygi purohit oikhi.
33 Asumna makhoyna Eeshorbu kina chatkhi. Adubu makhoygi laaishingduga loynanaa Eeshorbu ningkhi.
34 Ngasi phaaoba haayriba mishingsi makhoygi haannagi lamchattu thaadoktri. Haayriba mishingsina Eeshorbu ninglabasu Jacobki machaa Israelgi mishingna toubagumna ebungngogi puya, yaathang, chatnaron, amadi waayenlon khangna ningbadi natte.
35 Eeshorna Israelgidamak areppa waashak amaa thamkhi aduga asumna haaynakhi: nakhoyna atoppa laaishingbu kiroidoubani aduga makhoybu nakhoyna ningloidoubani. Makhoyda erat puja amatta touroidoubani.
36 Egypttagi nakhoybu pubirakpa mapambom mapaanggaltana lanbikhiba Eeshortabu nakhoyna kina chatkadabani. Ebungngo mahaakki mamaangda nakok nonba yaai aduga ebungngo mahaakki maphamda erat thounijaba yaai.
37 Ebungngo mahaakna nakhoygi damak pibikhiba puya, chatnaron, litchatlon, amadi yaathangshingdu chekshinna ngaakna chatkadabani. Aduga nakhoyna atoppa laaishingbu kiba yaaroi.
38 Ebungngona taakpikhi madudi ngasi eina piriba areppa waashaksi kaopharoi aduga laimangshingbu kiroidoubani.
39 Nakhoyna napuroi Eeshorbu kina chatkadabani. Adu oirabadi ebungngo mahaakna nakhoybu yeknabagi makhuttagi kanbigani."
40 Haayriba pumnamaksi makhoyna thaoikhide. Makhoyna haannagi lamchattu chatkhi.
41 Haayriba Jaatshingsina Eeshor ningna ningna laimangshingbusu latkhi. Ngasi phaaoba makhoygi chaaron-shuronna laimang ningduna leiri.