Genesis 38

Judah amadi Tamar

1 Judahna machin manaaoshing thaadoktuna Hilah kouba adullamgi nupaa amada chatlammi.

2 Maphamduda Judahna Cannan-gi nupaa Suah kouba nupaa amagi machaanupiga thengnarammi. Mahaakna nupidubu luhongduna lourammi.

3 Mahaak mironduna angaang nupaa amaa poklammi amasung mahaakki maming Er kourammi, 4 Amuksu mahaak mironduna machaanupa amaa poklammi amasung mahaakna angaangdugi maming Onam thollammi.

5 Amukksu nupiduna machaanupa amagasu poklammi amasung mahaakna angaangdugi maming Selah kourammi. Judahna angaangsi pokpaa matamda Chezibta leirammi.

6 Judahna ehaan haanna Ergi nupi amaa thibirammi. Mahaakki maming Tamar kourammi.

7 Judahna ehaan haanna pokpaa machaanupa Ersi Eeshorgi mityengda araanba thabak touba maramna Eeshorna loushinkhi.

8 Maramsina Onanda Judahna haayrammi, "nahaakki nateimaga phidinnaduna manaao-nupa amanaa mayaamba amagi maphamda toupham thokpadu paangthok-u. Nahaakki leikhidriba nayaambagi chaaron-shurondu shemgatlu.

9 Onanna poklakpa angaangshingdu mahaakki oiroidoubani haaybasi khanglammi maramsina mahaakna mateimaga tinnaba matamda yeldu leimaayda taahankhi maramdi mahaakna mayaambagi chaaron thok-hanninglamde.

10 Mahaakna touribasi Eeshorna yengbada pellamde. Maramsina Ebungngona mahaakpu loushinkhi.

11 Maramsina Tamarda Judahna haayrammi, "eigi echaa-nupaa Selahna paakhang phadriba phaaoba nahaak napamda lukhra oinaa leiruro." maramdi Judahna khankhi Selahsu mayaambaashingna shibagumna shiba yaai. Asumna Tamar mapaagi mayumda hankhi.

12 Matamgi matung ennaa Judahgi nupi Suahgi machaanupidu nonggarammi. Judahna tengthaaba matam loiraduna mahaakki marup Adullamgi Hirahga loynanaa mahaakki yaao matu kakliba mapham Timnahda chatlammi.

13 Kanaagumba amanaa Tamarda haayrammi, "nahaakki nakuboktu yaao matu kakpa Timnahda laakkadouri."

14 Mahaakna lukhraabigi phijettu thaadoktuna kasubigi phijet settuna Timnah chatnannaba laambelda Enaimgi changphamda phamduna leirammi. Thoidokpa maramdi mahaakna Selah chaaore haaybasi khanglammi. Mahaakpu Selahda luhongbidre haaybasisu khanglammi.

15 Judahna mahaakpu ubaa matamda phiruk khumduna leirambadu ubada kasubi oiraboi ningkhi.

16 Laambelgi nakanda leiriba tamarda changsilladuna mahaakna haayrak-e, "amukta kayaa kaya loubage?" Mahaakna nupidubu mamouni haaybasi khanglamde. maasida tamarna haayrammi, "eiga tuminnabasigi mamal oinaa nahaakna eingonda kari pibigani?"

17 Mahaakna khumkhi, "eina yaao shanggulaktagi yaao machaa amaa thaarakkani." maasida Tamarna haayrammi, "nahaakna madu thaaraktriba phaaoba waashaktu ngaakpa oinaa kari pot thaamlamgani?"

18 Mahaakna khumkhi, "kari thamlamsige nahaakki naphamda?" Mahaakna haaykhi, "nahaakki khudop amadi khwanglak, aduga nahaakki nakhutta paairiba cheishudu thamlammu." Asumna Judahna haayriba potshingsi maangonda shinnakhi. Tamar houjikta mirollammi.

19 Masigi matungda mahaakna hougattuna chatkhraga maikhum phidu louthoktuna lukhraabigi phidu setkhi.

20 Judahna Adullamigi nupaa, mahaakka loynanaa laakkhiba maruptugi makhutta yaao machaa amaa shinnaduna nupidugi makhutta piramba potshingdu louthoknaba chathankhiba matamda nupidubu phangba ngamkhide.

21 Mahaakna maphamduda leiramba nupaa kharada hangkhi, " Enaimgi laambel mapaanda leiramba kasubidu kadaayda chatkhre?" makhoyna khumkhi, "maphamsidadi kanaagumba kasubi amaa phaaoba leite."

22 Maramsina mahaakna Judahgi maphamda hallaklaga haayrammi, "eina nupidubu phangba ngamdre aduga thengnaba mishingnasu maphamduda kasubi leite haayrak-e."

23 Maduda Judahna khumlammi, "potshingdu mahaakki oijakhrasanu. Koythi thirabadi eikhoybu mina noknaba taare. Nahaakna uribasi mangaay yaao machasi mahaakkidamak pinnaba thaarabasu mahaakpu nahaakna phangdrabanina karisu upai leite.

24 Thaa ahumlom leiraga Judahda asumna paaodamkhi, "nahaakki namouNupi Tamar kasubi khalle. Masina maram oiduna mahaak mirolle. Maasi taabada Judahna haayrammi, "mahaakpu miyaam mamaangda puthoklaga mei thaadokkhibana henna phei."

25 Mahaakpu miyaamna chingthorakpa matamda makubokta mahaakna asumna paao thaakhi, "eina mirollibasi potshingsigi mapugi angaangni." mahaakna makha taana haaykhi, "eina haayjari khudop, khwanglak amadi cheishusi kanaagino haaybadu khangbiyu."

26 Potshingdu ubada Judahna mishak khanglammi maramsina mahaakna heirak-e "eina mahaakpu eigi echaa-nupaa Selahda luhongbidaba maramna mahaakna eingondagi henna chummi." adubu Judahna Tamarga amuk haanna tuminnakhide.

27 Chabokpa matam youraklabada mahaakki mabukta angaang ani leire haayba khanglammi,

28 Mahaakna Chaboksangda leiringeida angaang anidugi manungda amanaa makhut thindolakkhi. Maibiduna angaangdugi makhutta angaangba lang amaa kibikhi. Mahaakna haayrammi. "Masina haanna throkpani."

29 Adubu angaangduna makhuttu amuk chingsinkhi. Aduga yeng-u manaaodu tarakkhi. Maasi ubada maibiduna haayrammi, "nahaakna nashaagi cheireng thokpadu thugaayredo." maramsina mahaakki maming Perej thonkhi.

30 Manaaodu poklaba matungda lang angaangba kikhiba mayaambadu tarakhi. Mahaakki maming Zarah koukhi.