2 Kings 18

Judahgi ningthou Hezekiah  

(2 Miron 29:1-2,31:1)

1 Israelgi ningthou Elahgi machaanupa Hosheana paanba ahumshuba chahida Judahgi ningthou Ahazgi machaanupa Hezekiahna ningthou oinaa phambaal tongkhi.

2 Mahaakna ningthou oiba matamda mashaagi chahi kunmanga shurammi. Mahaakna Jerusalemda chagi kunmapan ningthou oiduna paankhi. Mahaakki mamadi Zechariahgi machaanupi Abi haaybiduni.

3 Mahaak mabudhou Davidna tourambagumna Eeshorgi mityengda aphaba thabakshing tourammi.

4 Mahaakna laimangshing ningtphamshingdu muthatlammi. Maphamshingduda leiriba yumbishingdu thutektuna Asherahgi murtidu thugaaykhi. Mosesgi matamda shaakhiba pithraaigi lindu machet machet thugaaykhi. Hezekiahgi matamsi phaaoba Israelgi mishingna linsida eratnarammi. Linsi Nehustan kounarammi.

5 Hezekiahna Eeshorbu yaamna thaajarammi aduga thaajabagi maramda yenglurabadi mahaakki matungda atoppa ningthou amaa paankhidre. Mahaakki mamaangda paankhiba ningthoushingsi mahaakkumna thaajaba leiba amatta paankhidri haayba yaai.

6 Mahaak Eeshorbu asukki matik thaajarammi madudi mahaakna keidoungeidasu ebungngogi lambidudagi leithokpa leikhide. Eeshorna Mosesda pikhiba yaathangshingdu mahaakna amatta kaidana chatlammi.

7 Maramsina Eeshorna mahaakka matam leibada loinabikhi. Mahaakna touru touruba thabak khuding Ebungngona maay paakhanbikhi. Mahaakna Assyriagi ningthougi mathakta laan houkhi aduga Assyriagi ningthougi makha pondre haayna laaothokkhi.

8 Mahaakna Philistishingbu Gaza phaaoba taanthokkhi. Laanjabungda leiriba Philistishingdagi houraga chekpanna khajillaba saaharshingda leiribashing phaaoba tumna maanghanba ngamkhi.

9 Israelgi ningthou Elahgi machaanupa Hosheana paanba taretshuba chahi aduga Judahgi ningthou Hezekiahna paanba Marishuba chahida Assyriagi ningthou sanmaneserna Samariagi mathakta laandarakkhi. Sanmaneserna Samaria loushinkhi.

10 Chahi ahumgi manungda mahaakna maasibu loina loushinkhi. Israelgi ningthou Hosheana paanba mapaanshuba chahi aduga Hezekiahna paanba tarukshuba chahida Samariabu mapung phaana maaythiba pikhibani.

11 Assyriagi ningthouna Israelgi mishingbu Assyria taanna loi oinaa pukhi. Makhoybu Halah, Habor,amadi Gozang turelgi khongbalda

aduga Medianshinggi lamda leihankhi.

12 Samaria tukhiba thoidokpa maramdi Israelgi mishingna Eeshorgi paaoutaaktu enkhide aduga thoina hennadum makhoyna ebungngobu thaadoktuna areppa waashaktu Khonggaonakhi. Eeshorgi manaai Mosesna taakpikhiba paaoutaakshingdu enkhide.

Assyriana Jerusalemda laandage thouraangba

(2 Miron 32:1-19, esha 6:1-22)

13 Ningthou Hezekiahna paanba taraamarishuba chahida Assyriagi ningthou shennacherib Judahgi chekpan khagatlaba saaharshingda laandarakkhi amasung maaythiba pikhi.

14 Judahgi ningthou Hezekiahna Lachishta leiriba Assyriagi ningthou shennacheribta asumna haayhankhi: “Eningthou ebungngogi makada nanaaina laankhrabani maramsina nanaaigi leibaaksi thaadoktuna nareibaakta hanbiyu. Ebungngona haayba khuding nanaaina yajagani." Assyriagi ningthouna haayrammi madudi karigumba eibu laandaganu haayrabadi sanaa kilo 1,035 ga silver kilo 10,3500 ga pigadabani.

15 Hezekiahna ningnashangda amadi konungda leiriba silvershingdu khomgattuna pikhi

16 Ningnashanggi thongda leiteng oinaa shijinnakhiba sanaashing amadi mahaak mashaamakna thongba kupshinbashingdu phaktoktuna shennacheribta pikhi.

17 Assyriagi ningthouna Tartan, Rabsaris amadi Rabshakehnachingbabu luchinghanduna Lachishtagi lammi kaanglup amaa puhanduna Jerusalemda paalliba ningthou Hezekiahgi mathakta laandanaba thaakhi. Makhoyna Jerusalemda laakpa matamda laambelgi mathakta leiba dhobigi hidenda leplammi.

18 Makhoyna Hezekiahbu kouba matamda konung pannaba Hilkiahgi machaanupa Eliakim, khorjei paayba Sebna, thoudok waathok pansinba Asaphki machaanupa Joahnachingba ahumsi ningthougi mahut shinduna thokkhi.

19 Rabshakehna makhoyda haayrammi, "Hezekiahda haayyu: Matik mayaai leiraba Assyriagi ningthouna haayri: Hezekiahna napan touriba karigino?

20 Waa ngaangbaga laanmigi paanggalga chaangdamnaba yabra? kanaagi mateng louduna nahaakna eigi ethakta laandage ninglibano?

21 Yeng-u, nahaakna Egyptta yengduna leijari adubu madudi mapun oinaa leirambadagi machoi machoi taaraba shingnaanggumbani. Mahaakka shamnaruba midu shoydana turagadabani. Egyptki Phraohdi thajaningai leitbani, maangonda changjaruba khuding mahaakna haanna chikpani.

22 Makha taana Assyriagi phamnaaibaduna haayrak-e, "nattraga napuroi Eeshor lei haayna chaaothoklibra? Jerusalemda Eeshorbu ninggadoubani haayduna Hezekiahna Judahda leiramba ningnashang pumnamak thugaaykhrabani.

23 Assyriagi ningthougi mingda eina shingnari madudi nakhoygi narakta shagol thounaba mi 2,000 leijarabadi eina shagol 2,000 lemna pibige.

24 Assyriagi Khwaaidagi heitraba laanmi phaaoba nakhoyna lanba touba ngamloi adubu Egyptna dolai amadi shagol laanmi thaarakkani haayna nakhoyna ninglibadu oiroidoubani. Maasi khangu. 25 Eeshorgi thoujaan yaaodana nakhoygi leibaaksida eina laandarakpani haayna ningbra? Eeshorna eingonda nakhoygi mathakta laandanaba yaathang piraba matungda laaklibani."

26 Maasi taabada Eliakim, Sebna amadi joahna Rabshakehda haayjarammi, "ebungngo, Arami londa ngangbiyu. Eikhoy Arami khangjei. Hebrew londa ngangbiganu. Maphamsida leiriba mishingsina waaphamsi takhragani."

27 Maasida mahaakna haayrammi, ningthouga nakhoykhaktada waasi haaynanaba eningthouna eikhoybu thaarakpani haayna ningbra? Chekpanda tongduna eina ngaangba taariba mishingsigi maphamdasu waasi haayribani. Nakhoyna toubagumna makhoysu mathi chaagani. Aduga mayung thakkadouribani."

28 Maasi haayraba matungda Rabshakehna lipkhatladuna Hebrew londa laaoraduna haayrak-e, "Matik magun chaaoraba Assyriagi ningthourenna haayrakpa waasi taro.

29 Hezekiahna nakhoyda minamlibasi thaajaganu. Maramdi mahaakna nakhoybu eigi ekhuttagi kanba ngamloi.

30 Mahaakna nakhoyda haayri madudi Eeshorna nakhoybu kanbigani. Touegumsung Eeshorna nakhoybu kangani haaybasi khalluraganu aduga Assyriadagi laakliba laanmishingsina nakhoyna leiriba saaharsi laandadana chatkhini haayribasi khalluganu.

31 Hezekiahna haayba waa nakhoyn louganu. Assyriagi ningthou-renna asumna haayri: engna pange haayrabadi nakhoyna eigaa cheron amaa enagadabani. Eigi ekaada changjaraklabadi nakhoy nungaaina panduna nakhoyna thajariba angur engkhondagi angur mahi thakpa phanggani. Mi khudingmak nashaagi engkhondagi theibong chaaba phanggani aduga nashaagi pukhridagi eeshing thakpa phanggani.

32 Nakhoygi lamsiga mannaba lam amada nakhoybu khundahn-gani. Adugumba lamdu mahei marong, angur, phou heng, chorphonnachingba yaamna houba amaa oigadabani. Maphamdu leihao leiba lam oigani. Maphamduda nakhoy leitaana nungaaina paanba yaanaba eina pubigani. Adu oirabadi nakhoy siraroi. Hezekiahna haayba waa louganu. Mahaakna nakhoyda haayba yaai, " Eeshorna eikhoybu kanbigani."

33 Leibaak ateigi laaishingna makhoygi leibaaktu Assyriagi ningthourengi makhuttagi kanba ngamkhibra?

34 Hamath amadi Arpadki laaishingdu kadaayda leikhre. Sepharvaim, hena amadi Ivvahgi laaishingdu kadaayda chatkhre? makhoyna Samariabu eigi ekhuttagi kanba ngamkhibra? Karamba leibaakki laaishingna makhoygi leibaaktu eigi ekhuttagi kanba ngamkhibage? adu oirabadi Eeshorduna Jerusalembu eigi ekhuttagi kangani haaybasi nakhoyna thaajabra?"

36 Waasi taabada miyaamduna paaoukhum amatta pidana tuminna leikhi. Maramdi Hezekiahna makhoyda paaoukhum amatta piba yaade haayna haanna paaomennakhrabani.

37 Waasi taabada Eliakim, Sebna amadi Joahna awaangba maaythongda maphi shegaairammi amasung ningthougi manaakta chattuna Assyriagi mishingna haaykhibashingdu tamkhi.