2 Chronicles 8

Solomongi matamda paangthokkhibashing

(1 Ning 9:10-18)

1 Ningnashang amadi konungdu shaabada Solomonna chahi kun changhallammi.

2 Ningthou Hiramna pikhiba saaharshingdu Solomongi matamda shemgatkhi. Aduga saaharshingduda Israelgi mishingsi leihankhi.

3 Solomonna Hamath amadi Zobah anisisu loushinkhi aduga lamhaangda leiriba palmyra kouba maphamdu chekpan koishinkhi.

4 Hamathta leiriba saaharshingdu mahaakna shemgatkhi maramdi haayriba saaharshingsida chinjaak peipham oirammi.

5 Makhaada piriba saaharshingsisu Solomonna shaagatkhi: mathak thangba Beth-Horon, makha thangba Beth-Horon (Chekpan khagatlaba saaharshingni)

6 Baalathki saahar, pukei oinaa thamliba saaharshing amadi shagol aduga dolai thampham oiriba saahar pumnamak shemgatkhi. Mahaakna Jerusalemda, Lebananda aduga mahaakki makhaada leiriba saaharshing shaagatnaba thouraang toukhi.

7-8 Israelna laakpa matamda aduga makhoyna lamdu loushinba matamda haatkhidaba Canaan-gi mishingdu thabak shuhanlammi. Haayribashingdudi: Hitti, Amori, Perizzi, Hivi, amadi Jebusishingsini. Makhoygi machaa-masushingdu ngasi phaaoba minaai oinaa thabak touri.

9 Israelgi mishingbudi Solomonna minaai oinaa shijinnakhide. Makhoydi mahaakki laanmi amadi phamnaaibashing oihallammi. Kharana laanmigi luchingba amadi shagol laanmi oinaa khankhiba 10 Ningthou Solomongi laanmigi makokshing: thabak shubaa mishingbu pannanaba mi 250 Thamlammi.

11 Egyptki ningthougi machaanupi Solomonna luhongduna loukhibadugi tongaanna leinanaba yum amaa shaarammi maramdi Israelgi ningthou Davidki saahar, Eeshorna lengsillakpa asida eigi nupisi thamba yaade. Maphamsidi thoidokna shenglaba amani.

12 Ningnashanggi mamaangda shaaduna thamliba phaankhongduda Solomonna Eeshorgi khuyaakhaada thou katcharammi.

13 Mosesna eramba chatnarondugi matung ennaa ashengba numitni haayna khangnabashingduda meida thaaduna katpa thou tourammi. Thou pangthokpanumit shing: potthaaba numit, thanil, chahigi aroiba chaakkhaangba ahum, haaybadi haamei yaaodaba tal khangba, lourok chaakkhaangba amadi shaaidaangbagi chaakkhaangba.

14 Mapaa Davidna piramba chatnabigi matung ennaa purohit shinggi mathou khaaidoklammi aduga makhoybu tengbangliba Levishingdusu esheinachingba shakpagi thouda pirammi. Eeshorna challaba manaai Davidki yaathang matung ennaa thonggal khudingda kaanglup naaina thongshangba mishing leihallammi.

15 Pukei amadi langeigi chatnabi amatta kaidana Davidna taakpiramba matung ennaa kaidana chatthakhi.

16 Matamsida Solomonna shaage ningkhiba pumnamak matam chaana loisinkhi. Eeshorgi ningnashang saabagi yumpham thonba numittudagina loisinba matamdu phaaobada akaaiba amatta leitana shaakhi.

17 Masigi matungda Edomgi lamda leiba Aqabagi epaakki hithangpham oiriba EZiongebar amadi Elathta chatlammi.

18 Ningthou Hiramna Jahaz kayaa thaarakkhi. maasida Hiramgi mishingna heishingna hi honkhi. Makhoysina Solomongi phamnaaibashingga Ophir kouba lamduda chatlaga hallakpa matamda yaamdrabada sanaa kilo 1,725 purakkhi.