Exodus 29
Aaron amadi machaa-nupaasingbu sengdokpa
(Litchat 8:36)
29 makhoyna eigi ekaada purohit oinaa seba touba yaana-naba nahaakna makhoybu sengdokpiba matamda tougadouba thabaksingdu asini: asoy angaam leitba San-lamcha amaaga yaao aniga thouraang tougadoubani. 2 haamei haptaba akoyba amadi apaakpa tal thaao haptana houro. Thaoda haamei haptaba maipombi tal khara amaaga houro. maasi aphaba gehugi atadagi semgadabani. 3 Haayribasi thummuk amada haplaga sanduga yaoduga loynanaa punsillakkadabani. 4 miyaam tinphamgi sanggi thongdu taanna nahaakna Aaron amadi mahaakki machaasingbu pusil-lakkadabani. Maphamduda makhoybu eesingda erujathokpigadabani. 5 Nahaakna semkhiba phitetsingdu puthoklaktuna Aaronda phurit aaronba, Ephod-ki phijet, Thabaakkhang amadi khut changna semkhraba khwanglak thourinachingbadu setchinbiro. 6 Nahaakna koyettu makokta yetsinbigadabani. Koyettugi mathakta asengba luphuptu haapchinbiro. 7 Nahaakna noinanaba thaao khara louraga makokta heiduna mahaakpu noibiyu. 8 Masigi mathangda nahaakna mahaakki machaa-nupaasingdu kousinduna makhoydasu phurit achonba litsinbigadabani. 9 Makhoydasu khwaangjet laksinbigadabani. Luhupsu upigadabani hongba leiroidouba niyamsigi maakha ponna purohitki phamsi makhoygi oihouragadabani. Matou asumna nahaakna Aaron amadi mahaakki machaa-nupaasingdubu purohit oinaa khaaidokpigadabani.
10 miyaam tinphamgi mamaangda nahaakna sandu pusil-lakkadabani. Aaron amadi mahaakki machaa-nupaasingna sandugi makokta makhutna nanthabigadabani. 11 miyaam tinphamgi sangdugi thonggi mamaangda adugaa Eesor-gi maangda nahaakna sanlabadu haatkadabani. 12 sanlabasigi ee khara louraga nakhutna phangna phaankhongdugi machisingduda teibigadoubani. Lemhouba eesingduna nahaakna phaankhongdugi akoybada leibaakta heidokkadabani. 13 Chakkhaonachingba yomsilliba matong phirakki athotpa, peigi saruk anidubu yomsilliba anoyba saruktu phaankhongduda pukhatlaga meida thagadabani. 14 adubu sanlabadugi sadong maun amadi mathinachingba pumnamaktu sangdugi mapaanda nahaakna puthoklaga meida thagadabani. maasi Aran Thou koubani.
15 Masigi matungda nahaakna yaao anidugi manungda amaa louraga Aaron amadi mahaakki machaa-nupaasingna yaaosinggi makokta makhut nanbigani. 16 Nahaakna yaodu haatlaga masigi eedu phaankhonggi akoybada chaaithokkadabani. 17 Masigi matungda nahaakna yaodu louraga ani thokna kaklaga chakkhao amadi makhongdu phajanaa semgadabani. maadu amuk haanna tangkhay taaraba masa amadi makottuga amuk haanna thamgadoubani. 18 yaao masa pumnamaktu phaankhongduda pukhatlaga meida thagadabani. maasi Eesor-gi khuyaakhaada katchariba meida thaaduna touba thou haaybaduni. Eesor-gi khuyaakhaada meida thaaduna touriba thousi yaamna nungaaiba ebungngona penbiba amani.
19 atoppa yaodusu nahaakna pusil-laklaga Aaron amadi mahaakki machaasingna makokta nanbigadabani. 20 Nahaakna yaosi haatlaga masigi ee khara louraga Aaron-gi manaa yet thangba maton amadi machaasinggi managi yet thangba matonda namgadabani. Makhoygi makhut yet thangbagi khubi achouba amadi makhonggi khongbi achoubadusu nambigadabani. Aremba eedu phaankhonggi akoybada chaaithokkadabani. 21 Phaankhongdagi ee khara adugaa thaao khara amaaga louraga Aaron amadi mahaakna setliba phiduta chaaithok-u. mahaakka loynanaa lepliba machaasinggi phidudasu chaaithokpigadabani. Mahaaksu maphisu, adugaa machaa-nupaasing amadi makhoyna setliba phisingdusu senghangadabani.
22 yaaosinggi sadong, anoiba, mamei, chakkhao, kusilliba matong amadi peigi saruk aniduga loynanaa maphaigal yet-thangbadu (sengdokpagidamak katpa yaao oiba maramna) 23 Tal mapum amaa, talpak thaoda taoba amaa, Eesor-gi maangda thamliba tal maipombi, mayaai kadaba taldu louraga 24 Aaron amadi machaa-nupaasinggi makhutta happiyu. Masigi matungda makhoybu nikthokpiyu masina nikthokpagi thou koubani. 25 Eesor-gi khuyaakhaada nungsiraba manam kakhinaba makhoygi makhutta pairiba saasingdu louraga meida thagadouriba thougi pottuga loynanaa meida thagadabani. maasi Eesor-gi maphamda meida thaaduna katkadouba thougi potsingni.
26 Aaronbu sengdokpagi yaodugi mathabaakki saruktu nahaakna Eesor-gi maangda nikthokpagi thou oinaa nikthoklaga nahaakki saruk oigadabani. 27 Nikthokpagi thouda katkhraba thabakki saruktuga nikthokkhraba phaigangi saruktuga purohitki chaakthung oinaa katkhraba yaogi saruk kharadu Aaron amadi machaa-nupaasinggi oinaa tamkhiba maramna nahaakna sengdokpigadabani. 28 Israelgi misingna katpadudagi lengba nairaroidouba, maasi Aaron amadi machaasinggi sarukni. Haayribasi Israelgi misingna lamdaai sumdaaigi oinaa katpa saruktudagi thunggadabani. maasi Eesor-da katpa thouni.
29 Aaronna setlamba asengba phisingdu mahaakki matungda machaa-nupaasingbu sengdokpada sijinnagadabani. 30 mahaakki matungda purohit oinaa sengdoklaba machaa-nupaaduna mahaakki phisi numit taretni miyaam tinphamda changduna asengba maphamda seba changba matamda setkadabani.
31 Sengdokpada katkhiba yaodugi masaadu louraga asengba mapham amada phutkadabani. 32 Aaron amadi mahaakki machaa-nupaasingna miyaam tinnabagi sanggi thongda leiriba thummukki manungda yaaoriba talduga yaogi masaaduga chagadabani. 33 Makhoybu khaaidokpinaba amadi sengdokpinaba katkhiba prayasichatki thougi potsingdu makhoyna chagadabani. Haayriba thousingsi asengba pot oiba maramna kanaagumba atoppa mina chaaba yaade. 34 khaaidokpada sijinnakhiba sadong nattraga talsingdu karigumba ayuk phaaoba lemba thoklabadi meida thaadokkdabani. maasi asengba pot oiba maramna makhoyna chaaba yaaroi.
35 Eina nangonda pikhiba yaathangsingsigi matung ennaa Aaron amadi mahaakki machaasingbu sengdokkadabani. Numit taretni chupnaa nahaakna makhoybu sengdokkadabani. 36 Numit khudinggi nahaakna Prayasichatki oinaa sanlaba amam-mam katkadabani. Aaran thou oinaa phaankhongda thousu thougadabani. Haayriba thousi touba matamda nahaakna thaao noibiduna sengdokpigadabani. 37 Numit taretni chupnaa prayasichatki thou touduna phaankhongda latkadabani. asumna phaankhongdu sengdokkadabani masigi matungda phaankhongdu Khwaaidagi sengba mapham amaa oiragani. maramsina masiga samnaurba pot pumnamak asengba pot oigani.
Numit khudinggi katkadouba pot
(Singtha 28:1-28)
38 Phaankhongdugi mathakta nahaakna tougadouba thabaksingdu asini: Numit khudinggi atatpa leitaana chahi amaa suraba yaao machaa ani ani katkadabani. 31 yaao amanaa ayukta adugaa yaao amanaa Numidaang-waairamda katkadabani. 40 ahaanba yaoduga loynanaa ata kilo amaa, chorphon-gi thao liter amaa, adugaa angur mahi liter amaa amaaga louraga yaansinnaro. Haayribasi mahi oinaa katpa thou oinaa paangthok-u. 41 atoppa yaoduna Numidaang-waairamda katkadabani. Masiga loynanaa mahei maronggi potlam thiduna mahi kharaga loynanaa ayukki matougumna manam nungsiraba thou oinaa meida thaaduna Eesor-gi khuyaakhaada katkadabani. 42 maasi atatpa leitaana paangthokkadouba nakhoygi miron khudingda miyaam tinnaba sanggi maangda Eesor-gi khuyaakhaada katkadabani. Maphamduda eina nahaakka unaduna waa khara haaygani. 43 Matamduda eina Israelgi misingga una gani. eigi etik eyaaiduna makhoybu sengdokpigani. 44 miyaam tinnaba sang amadi masida leiriba phaankhongdu eina sengdokkani. eigi seba changbadi purohit oinaa Aaron amadi machaasingbusu eina sengdokpigani. 45 Israelgi misinggi marakta eihaak leiduna nakhoygi Eesor oigadouribani. 46 Makhoybu Egypttagi pubirakkhiba makhoygi mapu ebungngo Eesor-du Eini haayba makhoyna khanggani. maramsina makhoygi marakta eihaak leigani. Makhoygi mapu ebungngo Eesor-du Eini.