Nehemiah 1
1 Hachaliahgi machanupa Nehemiahna toukhiba thabaksingdu makhada iribasini:
Nehemiahna Jerusalemgi maramda khankhiba wakhan
Persiagi ningthou Artaxerxesna panba kunsuba chahigi Kislev thada Nehemiah eisi konung oiriba Susada leirammi. 2 Eigi ichin inao thokpa Hananiga loinana Judahgi mi khara laklammi. Eina Jerusalem amadi Babylonda lanpha oina leiruraga hallakkhiba mishinggi maramda ipao makhoida hanglammi. 3 Makhoina hairammi madudi hinghouba aduga Jerusalemda hallaklaba mishingdu thoidokna awameisa marakta leiri. Lamlanba akoibada leiribasingduna makhoibu hanthana yengbi. Makha tana makhoina haikhi madudi Jerusalemgi chekpan houjik phaoba ikai kaiduna leiri meina chakkhiba Matamdudagi houna houjik phaoba thonggal sagattri. 4 Waphamsi tabada eihak phamlaga kaplammi.
Numit kayani eina tengtharaduna matam lenkhi aduga iyada karisu taramde. Ipuroigi khuyakhada eina haijaduna matam lenkhi. 5 "Koirouthakki Ipuroi, Ishor, Ibungogi matik mayaidi thaduna loiba natte maramsina nanai eikhoina Ibungobu kijei. Ibungobu nungsijaba aduga Ibungogi yathangsingdu ngakna chatchabasingduda Ibungona pinabikhiba wasaktu thugaibide. 6 Nanaida mityeng tabiyu he Ishor, aduga Ibungogi nanai oiriba Israelgi mishinggidamak nanaina ahing nungthin animakta haijaribasi Ibungona tabiyu. Nanaina Ibungoda hanggatchari Israelgi mini haina leiriba eikhoina Ibungogi mayokta ayon aran kaya toukhre. Ipa ipu amadi nanai oiriba eisu Ibungogi mayokta aranba kaya toukhrabani. 7 Nanai eikhoina Ibungogi mayokta phattaba thabak kaya touduna Ibungogi yathangsingdu inkhidrabani. Ibungogi nanai Mosesda pinabikhiba puyagi waron pumnamak nanai eikhoin inkhidrabani. 8 Ibungona nanai Mosesda takpikhiba wasingdu ningsingbiyu: Israelgi mishing nakhoina eibu thousadrabadi, Eina nakhoibu atoppa Jatsinggi marakta chaikhaigani. 9 Adubu karigumba nakhoina samai leiraktuna eigi yathangsingdu kaidana injarabadi, nakhoibu malemsigi chidaidu youba phaoba chaikhaikhrabasu eibu khurumjanaba khandokkhiba maphamduda amuk hanna pusinbigani."
10 "Ishor, makhoisi Ibungogi nanaisingni. Makhoisi Ibungogi matik mayai amadi panggaltana kanbikhibani. 11 He Ishor, nanaina nollukna hanggatcharibasi tabiyu. Ibungobu nollukna ningjariba nanaisingna haijabadusu tabiyu. Ngasi kouba nongsida nanaina haijaribasi pangthokpiyu aduga ningthourenna nanaibu thoujanbiba oihanbiy."
Matamsida eihak ningthouren-gi yu pannaba oina leirammi.