Jeremiah 7

Ningnashangda Jeremiahna laaibao shaandokpa

1 Eeshorna Jeremiahda haaykhiba waashing:

2 Eeshorgi ningnashangdugi thongjinda leptuna waasi phongdok-u. Mishingda haayyu, "Eeshorgi waashingsi Judahda leiriba Ningnashangsigi manungda changliba mishing nakhoyna phajanaa taro.

3 Israelgi Eeshor, nongthak nongkha anigi mapu, Eeshorna asumna haayri, "Nakhoygi lamchat shemdok-u adu oirabadi eina nakhoybu maphamsida leihn-gani.

4 Nakhoyna haayri, "Masidi Eeshorgi ningnashangni. Eeshorgi ningnashang, Eeshorgi ningnashangni haaydunha haanna hanna haayjari. Nakhoyna toyna haayraba waashingsi thajaruranu maramdi minamba waahaini haayna eina louwi.

5 Karigumba nakhoyna shengna lamchat chumthoklabadi, amanaa amada shengna achumbadu chatnaba oirabadi,

6 Karigumba nakhoyna lamlaanba mapaa leitba amadi lukhraabishingbu neidrabadi, maphamsida nakhoyna maraal leitba mishinggi ee tahandrabadi, nakhoybukhudi thihalliba atei laisinhgi matung endrabadi

7 Napaa napuda eina pibikhiba lamsida nakhoybu leihan-gani.

8 Yeng-u nakhoyna araanba waaduda thaajaduna leiri.

9 Nakhoy hurankhidra? mi haatkhidra? Mitu laannakhidra? araanba waashak shaakkhidra? Makhoynasu mashak khangdaba Baal amadi atei laaishinggi matung enduna dhupnachingba thaakhidra?

10 Eigi eming louduna maming thonkhraba ningnashangsida laaktuna leplaga haayyu " eikhoy kanbikhrabashingni. Adu oirabadi eikhoyna amotpashingsi touduna leikhigadra?

11 Eigi eming louduna maming thonkhraba ningnashangsibu huraanbashinggi makon oinaa nakhoygi namitta leihallagadra?

12 Eina eigi eeminggi urong ehaan haanna khinkhiba mapham Silohda chatlo. Eigi mi oiriba Israelna phattaba lamchat chatpadagi madu kari oihankhi haaybasi yeng-u.

13 Eeshorna taakpiri, "houjikti nakhoyna pumnamaksi toukhiba aduga eina nakhoyda atatpa leitana waa haayba matamda nakhoyna takhidaba, amadi eina nakhoybubu kouba matamda nakhoyna takhidaba, amadi eina nakhoybu kouba matamda nakhoyna khumkhidaba maramshingsidagi,

14 Eina Silohda toukhibagumna eigi eming louduna maming thonkhiba ningnashang nakhoyna yaamna thajana toujaba aduga nakhoygi napaa napuda eina pikhiba lamdugi mathakta tougani.

15 Nakhoygi mari mata thokpa Ephraimgi machaashingbu eina thaadokpagum nakhoysu eigi emit maangdagi thapana taanthokkani.

Mishingna haayba endaba

16 Jeremiah, prathana tourunu mishing sigidamak. Makhoygi yengduna haayjaba natraga waakatpa amaa phaaoba tourunu. Eigi ephamda makhoygi damak nonjarakkanu. Maramdi nahaakna haayjaraba phaaobada eihaak taroidouribani.

17 Judahgi saaharshing aduga Jerusalemgi laambelda kari kari touri haaybasi nahaak kari amatta udabara?

18 Machaa machana shing thiri. Mapaa shingna mei thaagatli. Mamaa oibishingduna nongmadonda leiriba maharanida katnnaba pukhamda tal noiri. Eihaak shaaonanaba atoppa laaishingna thaaknaba mahi katli.

19 Eeshorna taakpiri, makhoyna touribaduna manglibadu eihaakna? Natte, makhoyna touba ekaaiba yaraba thabaktuna makhoybu maanghanbani.

20 Maramsina Eeshorna taakpiri, eigi ashaaoba amadi mei chakpasi maphamsigi mathakta amadi maphamsida leiriba shaa uchek, u-waa amadi mahei maronggi mathakta taahangani. Maasi mutpa leitana chakkani."

21 Israelgi Eeshor nongthak nongkha anigi Eeshorna taakpikhiba waashingni: meida thaaduna touba pujagi pot mashing hen-gathallu, maduda katpa shaadu nakhoyna chaaba yaai.

22 Adubu nakhoygi napaa napushingdu eina Egypttagi purakpa matamda makhoygi maphamda eina meida thaaduna puja tounaba natraga thou tounanaba yaathang amaa phaaoba pikhide. Haayribashingsigi maramda makhoyda eina waa amatta ngangkhide.

23 Eina makhoyda haaykhiba haaybabu masini: nakhoyna eina haaybadu ellabadi, eihaak nakhoygi Eeshor oigani. Nakhoy eigi mishing oigani. Nakhoyna chaaokhat-ninglabadi eina haayba waashingdu nakhoy en-gadabani.

24 Makhoyna eina haaykhiba waasi enkhide. Makhoyna manaada hapkhide. Makhoyna shengdaba lamchat kayaamarum ningaidana chatkhi. Makhoyna keidoungeidasu mangoinna yengkhide. Thoina hennadum makhoyna tungoinakhi.

25 Nakhoygi napaa napushingna Egypttagi laakpa numittudagi houna houjik phaaobada eigi enaai waa taakthokpa shingbu thari.

26 Makhoyna eina haayba waadu tade. Eina touba yaathangdu ende. Ahoinadum makhoyna mapaa mapushingdudagi henna phattaba mishing oinaa praman tourakli.

27 Nahaakna karigumba waaphamsi makhoyda haayrabadi nakhoyna nahaakna haaybadu tabiroi. Nahaakna makhoybu kourabadi makhoyna paaoukhum phaaoba pirakloi.

28 Masinimakhoygi Eeshorbu thaoidaba jattugi lamchat. Aduga makhoyda araanba chumthokpinaba thaakhibashingbusu thaoikhide. Achumba haaybadu leitre. Makhoygi machinda achumba karino haayba waasi hangkhidrabani.

Hinnomda araanba touba

29 He Jerusalem, kakthatlo mahaakki nashaamdu, thamjariba katthokchabagi khudam oinaa kakthatlo madubu. Awaangba amadi akokpa maphamda tengtha nao-oiduna leijou. Maramsi Eeshorna mahaakki mei thokna shaaobagi ethin taahanbikhraba jattu langthokpire.

30 Eeshorna taakpiri, "Judahgi mishingna eigi mityengda araanba thabak toukhre. Eigi eming louduna maming thonkhiba ningnashangdu makhoygi tukachanabagi mashak oiraba laai murtishingdu thamjinduna maanghalle.

31 Benhinnomgi tampaakta Tophethki laisang amaa shaagattuna makhoygi machaanupa amadi nupishingbu maphamduda puraga saren challi. Touribasi eigi yaathang matung ennaa natraga Eina touba yaathangdagi makhoyna paangthokpa natte.

32 Maramsina Eeshorna taakpiri, "Topheth haayna maasibu kouroidaba matam amaa laakkani natraga benhinomgi tampaak haaynasu kouroi. Kougani maasibu mihatpung haayna. ashibaa mashaadu Tophethki khubhamduda phumgani. Maramdi atei maphamda phumlanaba lam phangloi.

33 Mishing sigi ashibaa mashaadu nongthakta paairiba uchekshinggi machinjaak oigani. Chaagani makhoybu maalemsida leiriba shaashingna. maduda makhoybu taanthokpinaba kanaasu leiroi.

34 Judahgi saaharshing aduga Jerusalemgi laambelda haraao tayaambagi khonjen, luhonggadouriba nupaa amadi nupigi nungaairaba yawaanachingba amatta thokhallaroi. Maramdi leibaaksi mang taknaba mapham oihan-gani.