Psalm 106
Lainingthouna mishingbu nungsiba
106 Ishor-gi mingkhei sollasi. Ibungodi thoujan heiba maramna thagatlasi, Ibungogi nungsibadu lomba naide.
2 Ibungona toubikhiba achouba thabaksingdu kanana singthaba ngambage? Asini haina Ibungobu seithaba kanana ngamgani?
3 Achumbada touduna matam leibada, Ibungogi yathang illibasingdu kayada nungngaibano.
4 He Ishor, Ibungona nanaisingbu tengbangba matamda nanaibusu ningsingbiyu. Makhoibu kanbiba matamda nanaibu chitthabiganu.
5 Nanaisingna mara chetna panbadu nanaibu uhanbiyu, Ibungogi mishingna haoraoba matam amadi Ibungobu ningjaribasingduna chaothakchaba matamda nanaisu yaohanbiyu.
6 Eikhoigi ipa ipusingna toukhibagumna eikhoisu iran leire, matam leibada eikhoin aphaba thabak touraktri.
7 Eikhoigi ipa ipusing Egyptta leirambasingduna ipuroigi angakpa thabaksingdu khanba ngamkhide. Ibungona makhoida utkhiba nungsibadu makhoina ngamnamak kaokhi. Angangba ipak kounabadu yourakpa matamda makhoina panggallaba Mapubu thadokkhi.
8 Ibungogi matik mayaidu utthoknabagidamak, Ibungona wasakpikhiba matung inna makhoibu kanbikhi.
9 Angangba ipak Ibungona yathang ama thakhi aduga maduna masibu kanghankhi, Ibungona mishingdubu akangba lamdamda chingduna pubikhi.
10 Makhoibu tukkachana khanbasinggi makhuttagi Ibungona makhoibu kanbikhi. Makhoigi yeknabasinggi khuttagi Ibungona kanbikhi.
11 Ishingda makhoigi yeknabasingdu taokhi, kanasu mathawai hingkhiba leikhide.
12 Madu ubada Ibungogi mishingna Ibungogi wasaktu thajakhi amasung thagat ishei sakchakhi.
13 Adubu Ibungona toukhiba pumnamak kaothokkhi, Ibungogi yathang ngaidana makhoina thabak tukhi.
14 Lamhangda chatlingeida makhoi kangaonakhi maramsina Ibungona makhoina apambadu pibikhi, masigi mahei oina makhoigi mathakta laichat thokkhi.
16 Lamhangda chatlingei matamda makhoina Mosesbu kallakkhi, Ishor-gi achanba manai oiriba Aaronbusu makhoina kallakkhi.
17 Matamduda malemsina Dathanbu yotsinkhi, Abiram amadi mahakki imunggi mishing leinungda changkhi.
18 Makhoigi tung inbasingdugi mathakta mei hourakkhi, aduga phattabasingdu meina chaktuna mangkhi.
19 Makhoina sanana shal ama Sinaida sakhi, murtidubu makhoina khurumjakhi.
20 Napi chaba sha ama saduna makhoina ipuroigi matik mangalbu karisu natte khankhi.
21 Egyptta angakpa thabak touduna makhoibu kanbikhiba Mapu Ibungodu makhoina kaokhre.
22 Karamba angakpa thabak Ibungona maphamduda toukhiba, angakpa thaba kaya ama angangba ipakta Ibungona toubikhiba.
23 Ipuroina ipuroigi mishingbu manghallage takpiba matamda, Ibungona khandokpikhraba manai Mosesna ipuroigi mangda lepkhi. Ibungona saoraduna manaisingbu manghallage tourambadu mahakna khamkhi.
24 Masigi matungda makhoina leihao leiraba leibaktu ningsingkhide maramdi makhoina ipuroina pibikhiba wasaktu thajaramde.
25 Makhoina khangpokshangda leiraga murum murum sollammi. Masidasu nattana Ishor-gi paotak amatta makhoina takhide.
26 Ibungona maramsina makhoi lamhangda sihallagani haiduna cheksin wa achetpadu takpikhi.
27 Miramda makhoina pokpa machasingdu sihangani aduga mapham khangdana makhoibu chaikhaigani Ibungona takpikhi.
28 Masigi matungda Mapuroibu ningjaribasingduna Peor kouba maphamduda Baal kouba laidu khurumnaba chatkhi. Thawai yaodaba laida katpa athenpotsingdu makhoina chakhi.
29 Makhoina touba thabaktuna Lainingthoubu saohankhi. Maramsina makhoigi marakta tamthiraba laina thokkhi.
30 Matamduda Pinehasna maran leibasingdu awaphamda tahankhi aduga laichattu phahankhi.
31 Masi mahakna phahankhibani haibasi ngasi phaoba ningsingnari aduga numit thana leiribamakhei mahakki mamingga paknaduna leihouragani.
32 Meribahda leiriba iphuttuda miyamna Ishor-bu saohankhi, makhoigi khallubada Moses mathawai yamna nungngairamde.
33 Makhoina mahakpu asukki matik saohankhi madudi mahakna areppa leitana wa ngangkhi.
34 Ishor-na yathang toukhiba matung inna makhoina laimang ningbasingdubu hatkhide.
35 Makhoina laimang ningbasinga charou mourounakhi aduga makhoigi lamchat sajat loukhi.
36 Ipuroigi mishingna murti khurumkhi masina Ibungobu saohankhi aduga makhoida amang ata thokkhi.
37 Makhoina pokpa machanupa amadi nupisingdu Cannan-gi laida thou potlam oina katthokkhi.
38 Makhoina maran leitaba angangsingbu hatkhi leibak sinbathungna mihaitpa leikhi.
39 Makhoina touba thabaksingduna makhoibu senghankhide aduga matam leibada Mapubu thajakhide.
40 Maramsina Ishor-na Ibungogi mishingbu saokhi, Ibungona makhoibu yengningkhide.
41 Laimang ningbasinggi makhutta Ibungona makhoibu pithokkhi, makhoigi yeknabasingna namthaduna thamkhi.
42 Makhoibu yeknabasingna otpirammi' Aduga makhoigi yeknabasinggi makhutta tarammi.
43 Mishing lakngamdabamakhei Ishor-na mishingsibu kanbikhi adubu makhoina Ibungobu thadokkhi. Aduga aranba thabak toukhi.
44 Makhoina haijarakpa matamda Ishor-na tabi, makhoigi awabadu Ibungona khangbi.
45 Makhoibu nungsiduna Ibungona wasaktu ningsingbikhi, ipuroidi nungsiba oiba maramna wakhal nemthabikhi.
46 Makhoibu ot neirambasingdu mathawai nungngaihankhide.
47 He Ishor, ipuroi, nanaisingbu kanbiyu, Ibungobu thagatchanaba amadi Ibungogi senglaba mingkheidu sonjaba phangnanaba jatsinggi marakta chaina leiriba nanaisingbu khomjinbiyu.
48 Israelgi Mapu Ibungo, Ishor-bu thagatlasi, matam leibada Ibungobu thagatchou. Mi khudingna khonjel amattada "amen "hairasi. Ishor-bu thagatlasi.