Isaiah 65
Lalhouba shingda mapuna awaaba taahanba
1 Eigi eramda hangbikhidriba mishingduna hanglaknaba haayduna eihaak ngaaiduna leirammi, Eibu thidaba mishingduna Eibu thengnaba ngaaiduna leirammi, haayjarammi eina, "ei asida leire. Ei asida leire." haaykhi eina eming panduna yakairon shaktaba jattuda,
2 Lamchat naaidaba mishingduda tingthoktuna leirammi eigi ekhut numit chuppa, phattaba thabak touriba makhoygi maroushing matung enna,
3 Imangmaktada matam leibada kaihouriba mishing, katliba thou leikonda, thaariba dhup chekna shaaba phaankhongda,
4 Phamliba mongphamda, lelliba ahingdu aronba maphamda, chari makhoyna okki shadong, hapli chaaba yaadaba tukkachaba potki mahidu makhoygi patrada.
5 Makhoyna haayri, "nakhoyna leiriba maphamduda lengdana leiyu, nakhoyna eibu shokpa yaaroi maramdi eihaak ashengbani. Asigumba midi areppa leitana chakliba meigum oigani, natonda meikhu changbadugumbani.
6 Yeng-u loinamak eshinduna leirabani, eihaak lemna tuminna leithokloi, nakhoygi naran matung ennaa eina dandi pigani,
7 Eeshorna taakpiri nakhoyga loynanaa nakhoygi napaa napushingduna toukhiba paapshingdugi dandi punna pigani. Makhoysu thaakhi loibi chingdonda dhup, chingdonda mothankhi eigi emingdu. Makhoyna phangadaba manadu
mapung phaana khandokkhigani, aduga konna phajanaa chitthaba leitana pigani hanna.
8 Haayribashingsi Eeshorgi waaheishingni: angur chaarongda anouba yu yaao-e haayba khangba maramna mishingna haaygani, " maasi maanghanba yaade. maasida bor yaaori." Asigumna eigi enaaishingbu yengduna thabak tougani, eina leibaak amabu tumna maanghanbadi touroi,
9 Jacobta mahaakki tungda pannanaba machaashing pok-hn-gani, phanghan-gani Judahna eigi chingdu, eina khandokkhibashingduna haayribashingsi phanggani, eigi enaai oiribashingduna maduda leigani,
10 Saron kouba maphamda yaao shanggu chaagani, Achorgi tampaaktudana yaaoshinggi yaarekpham oihan-gani, maramdi eigi mishingna eibu thijare.
11 Adubu Eeshorbu Khonggaaonariba ashengba chingdubu kaaothokpa ngamliba, Bidhi kouba laaigi phan thaariba, nongdamba mapuda katnanaba maru maraang hapliba yudu tenggot thanna heiriba,
12 Tamlabani nakhoybu eina thanggi mayada tumlaba, nakhoy pumnamak mihatpadugi maangda narai lukkadabani, eina nakhoybu kouba matamda nakhoyna paaoukhum pikhide, eina waa haayba matamda nakhoyna nanada hapkhide. Toukhi nakhoyna eigi mityengda phattaba thabakshingdu aduga eina pamjadaba potshingdu nakhoyna pamjana khankhi."
13 Maramsina Eeshorna waashingsi phongdokpiri: eigi enaaishingna charaga nakhoyna chara hen-gani, eigi enaaishingna thaklaga nakhoyna khouraangna leigani. Eigi enaaishingna yaaiphana leiba matamda nakhoy ekaaiba nanggani,
14 Laaogani eigi enaaishingna joy oibagi khollaaoda, phongdokkani makhoyna haraaona thamoida, adubu nakhoydi awaaba amadi nungaaitaba anisi tinnaduna tengtha naoigani.
15 Eina khandokkhrabashingsina nakhoygi namingda waashakpada paan-gani, Eeshorna nakhoybu sihan-gani, adubu mahaakki manaaishingdu mahaakna atoppa maming amaa thonbigani,
16 Leibaksida leiriba kanaagumbana mashaabu yaaiphahange haayduna bor nijarabadi amen haayna chingoiba Eeshorgi mingda haayjagani. Houkhiba khudongthibashingdu kaokhre, eigi emitsina makhoydu ukhre,
Anouba khutshem
17 Yeng-u, eina anouba nongmadon aduga maalem shemlabani, haanna leiramba poushingdu ningshingnararoi, ningshinglaroi haayriba potshingdu pukningda amuk hanna,
18 Haraoro aduga nungaaibana mapaa leiranu, eina shemkhiba Jerusalembu haraao tayaamnaba mapham oina, maangonda leiriba mishingdusu nungaaigani,
19 Jerusalembu yengduna amadi mahaakki manungda leiriba eigi mishingbu yengduna haraaogani eihaak, tengtha naoiba amadi tengthaabiyu haayna kappadu amuk haanna tararoi.
20 Nouriba angaangshingdu angaang oinaa sihallaroi, manung matam chadana ahanshingna amaang yathong kumhallarao, paakhangshingdu chahi 100 punsigani, paap chenba kanaagumba chahi 100 leirabadi madubu norokta thadagani,
21 Mishingna yum sagani aduga maduda makhoy leigani, thaagani makhoyna angur, chaagani mahei madugi,
22 Saroi makhoyna atoppa mishing leinanaba yum, tharoi makhoyna uhei paambi chaananaba atoppa mishingna. Eigi mishinggi mapunsi ugumna sanggani, eigi khandokkhraba mishingduna makhoygi nomjamandu chaagani,
23 Arembada makhoyna thabak nomloi, aduga machaashingdu matam chadana sihalloi, nakhoydi Eeshorna pinabiba borgi matung ennaa pokchaba machaashingni, masimak oigani makhoygi tungda laakpa machaashinggi hattaktasu.
24 Makhoyna koudringeida eina makhoyda paaoukhum pigani, makhoyna haayjaba matamda eina taabigani,
25 keishaal amadi yaao ani punna chaaminnagani, nongshana shaashinggi matougumna shajik chaagani, Eeshorna taakpiri makhoyna eigi ashengba chingda leiba matamda mi amadi shaa shokpa touroi.