Deuteronomy 17
17 "Saa-san nattraga yaonachingba makhong amadi mamit manaa soibasingdu nakhoygi napuroi Eesor-gi makada katpa yaade maramdi nakhoygi napuroi Eesor-na haayriba-singsi paamde.
2 "Nakhoygi napuroi Eesor-gi mayokta araanba thabak toukhraba adugaa ebungngo napuroi Eesor-ga changnakhiba waarepadu kaina chatlabadi, nakhoyna leiriba saharduda leiriba nupaa nattraga nupi-singna masimak toure haaybasi nakhoyna taaba matamda, 3 Thoidokna makhoyna atoppa laaising, numit, thaa nattraga Eesor-gi ningba nattraga thawaan-michaknachingba khurumlabadi phajanaa thidokkadoubani. 4 asigumba paaosi nakhoyna taarabadi mamut tana thidok-u. asigumba phattabasi Israelgi manungda thokkhrabadi, 5 Adugumba nupaadu sahargi mapaanda puthoktuna nungtana thaaduna haatkadabani. 6 adubu asigumba nupaasigi mathakta ani nattraga ahumdagi henba mina saakhi pirabadi haatpa yaai. Karigumba mahaakki mathakta mi amakhaktana saakhi piba taarabadi haatpa yaade. 7 Sakhisingduna haanna nungna tharaga mi ateina konna thagadabani. asumna tourabatada asigu-mba phatraba thabaksidagi naanthokpa ngamgani.
8 "waayelba-singduna achum aran lep-pada thoidokna luraba waathok, lam thum lourisingja, hakchaangda sokpa panba, mi haatpagumba laaklabadi, nakhoygi napuroi Eesor-na khandok-khraba ningna sang oigadouriba aduda chatlu. 9 mahaakki waaphamdu Levisinggi saagei-dagi purohit oiribasing amadi matamduda waayel phambeida phamliba waayelbaduda haayraga, makhoyna waathoktu loisinbisanu. 10 makhoyna waaroi taagani adugaa taarakpadugi matung ennaa nakhoyna chatkadabani. 11 makhoyna piba waaroichedugi marondu eduna kaidana nakhoyna madumak tounaba hotnagadabani. 12 Mathou touriba waayelba nattraga purohitki waadu ennaa chattaba midu haatkadabani. asumna tourabadi nakhoyna Israelgi manungdagi haayriba phatrabasi thok-handaba ngamgani. 13 waaphamsi mipum tingna taaraduna kiba pokkani adugaa kanaanasu asigumna amuk touroi.
ningthou oiba mina chatkadouba lamchat
14 "Nakhoygi napuroi Eesor-na nakhoyda pigadouriba lamdu nakhoygi nakhut challaba matamda, adugaa maphamduda nakhoyna leiraba matamda, nakhoygi akoybada taariba jaatisinggumna nakhoysu ningthou amaa haappa haaybasi toudraba yaadrabani. 15 ningthou oigadouriba nupaadu nakhoygi napuroi Eesor-na khankhibani haaybasi sengna khnggadabani. Adugumba nupaadu nakhoygi naraktagi oigadoubani, lamlaanba kanaagumba amabu ningthou oinaa haappa yaade. 16 Adugumba ningthouduna ningthou oire haayduna sagol laanmi yaamna thamjingadouba natte. Egypt tamna mi thaaduna mahaakna sagol leirunaba tharoidoubani maramdi Eesor-na makhoyda nakhoyna keidoungeidasu maphamduda chatpa yaade. haaykhibadu ningsingu. 17 ningthoudu nupi yaamna thiba yaade maramdi asumna tourabadi mahaakna Eesor-gi yaathang ennaa chatpa ngamloi. Sanaa amadi silver yaamna peisinduna enaak khunnaba hotnaba kaannade. 18 Adugumba nupaaduna ningthou oiraba matamda, Eesor-gi puyadugi chap mannaba laairik amaa sindokkadabani. Levisinggi pu-rohitna thamnaba puyagi achumba paaoutaaksingdusu mahaakna sindokkadabani. 19 Mahaakna asigumba laairiksi manaakta thamduna matam leibada mapunsi leiribamakhei pagadabani. asumna tourabadi mahaakki mapuroi oibiriba Eesor-bu kina chatchaba ngamgani. Masida haayriba pumbaa mahaakna enbasu ngamgani. 20 masina mahaak Israelgi mi ateidagi henna phaaba natte haaybasi khanghan-gani adugaa loynanaa Eesor-na taakpikhraba yaathangsingdu kaina chatpa yaade haaybasisu khanggani. asumna tourabadi mahaakna chahi kayaa paanba ngamgani adugaa mahaakna pokpaa machaa-masusingna Israelgi mathakta matam kuina paanba ngamgani.