1 Timothy 4
Chumlaba tambiba mishinggi maramda
4 Touigumsung thawai aduna sengna hai, haibadi, tungda themdokpa thawaisingda amasung bhutsinggi paotakta pukning changduna, kana kanagumbana thajaba thadokkani; 2 Masi chinthiba mishinggi aphasajaningbadagi thokpani, amasung makhoidi makhoimakki achum, aran khangnaba pukningda mei ngangna ikpa yotna tanghanba mini; 3 Makhoina luhongbasu khammi, aduga thajariba amasung achumba khanglibasingna thagatpaga loinana chananaba Ishorna sembikhraba achapot hennaba yathang pi. 4 Maramdi Ishorna semba pot khuding mak aphabani, aduga thagatpaga loinana loujarabadi, yaroidaba karisu leite; 5 Maramdi Ishorgi wa amasung haijabagi mapanna sengdokhanbani.
6 Nahakna waramsing asi ichin inao singgi pukningda hanjinbirabadi, nahakna thajabagi wa makheina amasung nahakna tung injaraba aphaba paotakna nasabu yokchaduna, nahak Jesusgi aphaba thougan touba mi oigani. 7 Touigumsung amangba amasung hanubisinggi asemba wari louganu. Aduga nahak nathanta Ishorbu ningba adu henna heinanaba sajen tou;
8 Maramdi hakchanggi sajendi khajiktagi damak tongjei, adubu Ishor ningbadi houjikki amasung lakkadabagi hingnaba waleppa leibagi maramna pumnamakki damak tongjabani. 9 Hairibt wa asi thajaba yabani amasung khwaina louba matik chabani.
10 Maramdi asigi damak eikhoina nomsu nombani, angamsu tanbani, maramdi mi pumnamakki, thoidokpadi thajabasinggi, kanbiba mapu oiriba Ishorda eikhoigi khourangna ningba lepchare.
Timothygi lichat-sajat amasung tambiba maong
11 Waramsing asi yathang piduna tambiyu. 12 Nang nahani haiduna kana amatana usittaba toudasanu, adubu nahakti thajabasinggi damak waheida, lichat sajatta, nungsibada thajabada, asengbada pandam oiyu.
13 Eina laktriba phaoba, sastra pabibada, thoujinbibada, tambibada pukning changu. 14 Ahallupki khut thambibaga loinana Ishorgi wa takthokpana nangonda pikhraba, nangonda leiriba khudon adu thaoidaba touganu. 15 Mipumnamaktagi nahakki thabak pangba phongdoknanaba, thabak asida maram ok-u, nasa pumba pithok-u, 16 Nasagi marida amasung nahakki tambibagi marida cheksillu. Thabak asida itattatana leiyu; maramdi asi touduna nahakna nasabusu, nahakki wa tabasingbusu kanbigani.