Acts 17
Thessalonicada chatpa
17 Amasung makhoyna Amphipoli amasung Apoloniya phaaoduna, Jews-singgi loisang leiba Thessalonica taanna laakle. 2 adugaa Paulna mahaakki hounabi-gumna, makhoyda changsinkhiduna, potthaaba numit ahumlak sunaa saas-tradagi makhoyga waakhal touminnarammi. 3 maadu handokpiduna Christana awaa-anaang khanglaga asiba-singgi maraktagi hinggatpa taare, amasung eina nakhoyda saandokliba Jesus asi Christa aduni haayna sugaina taakpirammi. 4 Amasung makhoygi maraktagi khara, Eesor ningba Greeksingdagi miyaam ayaamba, adugaa athoiba nupi-singdagi ayaambana thajaraduna Paulga Silasgada tinnajare.
5 touegumsung Jews-singna kallakle, amasung thounaidaba misinggi maraktagi kana kanaagumba phattaba-singbu kousinduna miyaam khomjillage, sahar adu enin ninhallammi; adugaa makhoyna Jasongi mayum namduna makhoybu miyaamda puthoknanaba thirammi. 6 adugaa makhoyna makhoybu phangdrabada, Jason amasung kana kanaagumba machin manaaosingbu sahargi mapusinggi maangda chinglaaktuna, laorei, taaibang paanbabu mathak maakha olhanba mising asina mapham asidasu lak-e;
7 Makhoy asibu Jasonna lousil-le; amasung Jesus kouba ningthou atoppa amaa lei haayduna makhoy pumnamak asina Caesargi yaathanggi onnateinana tauwi.
8 adugaa miyaamga sahar adugi mapusinggana waaram asi taarabada, pukning maraang houre. 9 Amasung makhoyna Jason amasung ateisingbu jaminda thaadok-khre.
Bereada chatpa
10 adudagi machin manaaosingna thindana Paulga Silasgabu ahingda Bereada thaakhre. makhoyna mapham aduda thunglabada, Jews-singgi loysangda changle. 11 Makhoy asinadi Thessalonicagi misingdagi henna machat phajei, maramdi makhoyna waapaao adu heiningna louduna, waaramsing asi asum oibra haayduna numit khuding saas-tra munna thiranuni. 12 maram aduna makhoygi maraktagi ayaambana amasung ekaai-khumnabi Greek nupi-singga nupaasing ayaambagana thaajare.
13 touegumsung Thessalonicagi Jews-singna Paulna Bereadasu Eesor-gi waa saandokle haayba khanglabada, makhoyna laaktuna, adudasu miyaam-singbu thoudongduna waa thokhalle.
14 Matam achumaktada thindana machin manaaosingna Paul bu samudra phaaoba chataananaba thaakhre, adugaa Silasga Timothyna maaduda adum leihoure. 15 touegumsung thillakpasingna Paul bu Athens phaaoba pubirakle; adugaa Silasga Timothyna maangonda thuna yaangna laaknanaba, makhoyna yaathang phangduna chatkhre.
Paulna Athensda leiba amasung Areopaguski mayaaida saandokpa
16 Amasung Paulna Athensda makhoygi damak ngaairingeida, mahaakna sahar adu laai murttina thanba uraduna mahaakki thawaay nungaaitre. 17 maram aduna mahaakna loysangda Jews-singga, Eesor ningba misingga amasung keithenda numit khuding mahaakka oknabasingga waakhal touminnarammi. 18 Amukka Epicurea amasung Stoicki mehei masin heiba mising kharana mahaakka ningai tounarammi. Amasung mi kharana haay, pet pet ngaangba asina kari hainingbano? atei-singna haay, mahaakna mireibakki laaisingbu saandokpa migununi; maramdi mahaakna Jesus-gi amasung hinggatpagi waapaao saandoklammi.
19 adugaa makhoyna mahaakpu paayduna Areopagusta puraktuna haay, nahaakna taakpiriba anouba tambiba asi karino eikhoyna khangjaba yabra? 20 maramdi nahaakna eikhoygi naakongda karigumba atoppa waa taahanbi; maram aduna waasing asi karino haayba eikhoy khang-janingi. 21 (maramdi Athensgi misingna amasung mapham aduda leiramba lamlallakpasingna karigumba anou anouba waa haayba nattraga taaba nattana, atei kari amatasu toudana matam lellammi.) 22 maaduda Paulna Areopaguski mayaaida lepladuna hai:
He Athensgi misa, maram pumnamakta nakhoy yaamna lainingba mini haayba eina ui.
23 maramdi eina asum koiduna, nakhoygi lainingbagi mapham mapham adu yengbada, khangdaba laida haayna laatnapung amagi mathakta eba adusu ure. maram aduna nakhoyna khngdana latliba asi eina nakhoyda saandokpani. 24 Taaibang-paanbu amasung maadugi manungda leiba pot pumnamakpu semba aduna, swarga amasung Prithibigi Eesor oibanina, khutna saaba laisangda leite; 25 adugaa ebungngo mahaakki karigumba awaatpa lei haayduna mioibagi khutna ebungngo-gi thougan touba leite, maramdi ebungngo mahaak-makna pumnamakta thawaay, nungsaswar amasung pot pumnamak pibi. 26 Amasung ebungngo mahaakna amatadagi jaat khudingmakpu Prithibigi leimaay thungna leinanaba sembire, ebungngo mahaakna makhoygi areppa matam amasung leiphamgi ngmakhei lingkhatpire,
27 haaybadi, karigumba matou amaa oinaa makhoyna Eesor-bu maaduna phangjage haayduna thinannabani; adum oinamakpu eikhoy khudingmaktagi ebungngo mahaakti thaapna leite. 28 maramdi ebungngo maangonda eikhoygi hingba, lengotpa amasung paanba phangjaribani; nakhoy nasen-gi waarengbasinggi maraktagi kanaagumbamaknasu asumna haay, maramdi eikhoydi ebungngo mahaakki machaa-masuni.
29 maram aduna eikhoyna Eesor-gi machaa-masu oibanina, Eesor oiba adudi mioibagi mehei masingna amasung puksemna semjin-sajinba sanaa oirabasu, silver oirabasu, nung oirabasu, adugumbani haayduna eikhoyna ningphade. 30 maram aduna khnglamdabagi matam adu Eesor-na usinnaramde, adubu houjikti mapham khudingmakta mi pumnamak pukning hongna-naba ebungngo mahaakna yaathang pibi, 31 maramdi ebungngo mahaakna khandok-khraba nupaa amanaa taaibang paanbabu achumbada waayelgadaba numit amaa thaaduna thambire. ebungngo asibu asiba-singgi maraktagi hinggatpiraba asina mi pumnamakta thajapham oinaba ebungngo mahaakna pibire.
32 maaduda asiba-singna hinggatpagi maram adu makhoyna taabada, kharana noknarak-e, adubu kharanadi asigi maramda eikhoyna Amukka nangondagi tajagani. 33 asum touna Paulna makhoygi maraktagi chat-thokkhre. 34 touegumsung nupaa kana kanaagumbana maangonda chetna tinnaduna thaajare. Thaajaba singgi marakta Areopaguski DiyonUzziah, Damari koubi nupi amaa amasung makhoyga loynanaa atei ateisingsu yaorammi.