Genesis 19
Sodom amadi Gomorrah tumnhankhiba
1 Numidaang-waairamgi matamda dut aniduna Sodomgi thonggalda thungkhi. Matamduda Lotsu Sodomgi thonggalda phamduna leirammi. Lotna makhoybu ubaa matamda hougatladuna taram taram okchanaba chatlammi. Mahaakna makhoybu ubada leimaayda mamaay nonthaaduna khurumjakhi.
2 Aduga mahaakna haayjark-e, "ebungngoshing, nanaaina dandabot toujari. Nanaaigi yumda khongdabiyu. Ahingsima lekpiduna khongkhut haamdokpiduna pothabikho. Ayuk nganna hougatlaga lengbigadouba maphamduda lengbikho." makhoyna haayrammi, "natte, saaharsigi kachin amada lekchage."
3 Adubu Lotna yaamna kanna haayjabadagi mahaakki mayumda changlakkhi aduga haamei yaaodaba tan houduna atithishinggi chaakkhangjakhi.
4 Makhoyna tumdringeigi mamaangda Sodomgi naharon amadi ahallonshingna Lotki yumda koishingkhi.
5 Makhoyna Lotpu kouthokladuna hangkhi, "ngasi ahing nahaakkida thunglaba mishingdu kadaayda leikhre? Makhoydu eikhoygi nupi oinaba mapaanda puthoklak-u."
6 Lotna mishingdu unaba mapaanda thorakpa matamda yumgi thongdu lonsinllammi.
7 Lotna mishingda haayrammi, "echin-enaaoshing, yaamna ka henna phattaba thabak toubidanaba nakhoyda eina haayjari.
8 Yeng-u nupaaga shamnadribi echaa nupi leishaabi ani leijei. Eina makhoybu nakhoyda shinnage aduga nakhoyna apaambadu makhoyda chatthabiba yaai. Lamlaanba mishingsigi mathakta thoidokpa araanba thabak toubiganu maramdi makhoy eigi yumda atithi oinaa leiribani."
9 Maasi taabada makhoyna Lotta khumlakkhi, “nahaak handok-u." makhoyna makha taana haaykhi, "yumdangbana keinare. Nahaak khundangba laaklaga eikhoygi ethakta waayenba oire. Mishingdugi mathakta thina tougadoubadudagi nahaakki nathaktana henna thina tourakkani." maasi haayraga makhoyna Lotpu yaamna kanna ellammi amasung mishingduna thongdu thugaayrage khanduna nakna changshinba houraklammi,
10 Manungda leiriba nupaa aniduna makhut tingthoktuna Lotpu manungda chingsinkhi.
11 Achou apik khaktana khong manaakta lepliba mishingdu nupaa aniduna mamit tanghankhi. Maramsina makhoyna thongdu makhutna phangnaba thibada chokthakhi.
Sodom amadi Gomorrah maanghanba
12 Thoudoksigi matungda nupaa aniduna Lotta haayrammi. "Maphamsida nahaakki mari, mata, nachaa-nupaa, nachanupi, namaknupaanachingba leiba thoklabadi makhoybu maphamsidagi thaapna puthokkhro.
13 Lamsida leiriba mishinggi mayokta leiriba waakatsi Eeshorna phajanaa tabirabani. Maramdudagi eikhoyna lamsibu maanghallage haayduna laaklibani. Haayribasimak paangthoknaba Eeshorna eikhoybu thaaraklibani."
14 Maramsina Lotna mapaan thokkhraga machaanupishingbu lougadouriba mamaknupashingduda haayrammi, “hougatlo, saaharsigi mapaanda chenkhro maramdi Eeshorna saaharsibu tumna manghan-gadouri. Adubu haayriba waaphamsi mamaknupashingdugi maphamda phagi taarammi.
15 Ayukki matam oiraklabada dutshingduna Lotta haayrammi, "hougatlo, nahaakki nupi amadi nachanupishing puduna chatlo. Nattrabadi saaharsina tumna mangba hourakpa matamda nakhoysu yaaokhiba taay."
16 Adubu Lot ningjing mangjingnaduna leirammi maramsina nupaa aniduna makhut paayduna mashaamak, mahaakki nupi amadi machaanupishingdu chingbirammi, maasi youna Eeshorna mahaakpu nungshibirammi, makhoyna Lotpu chingduna puthoklaga saahargi mapaanda thok-hankhi.
17 Nupaa aniduna Lotkhoibu mapaanda puthoklaba matamda haayrammi, "nathawaay hingnaba chello, tung haanna yenglakkanu. Tampaaksigi manungda karigumba mapham amada nahaak leppasu yaaroi. Chinggi lamdamda chello nattrabadi nakhoysu yaaonatumna maanggani."
18 Lotna makhoyda haayjarammi, "natte, natte, ebungngoshing,
19 Yengbiyu, ebungngoshinggi mityengda nanaaidi thoujaan phangjarabani aduga eigi ethawaaysi kanbibada kayagi matik thoujaan utpikhrabano, eihaak chingda chenbadi ngamjaroi maramdi chellingeida tumna mangba yaai aduga ethawaaysi kanjaba ngamjahouroi.
20 Yengbiyu, asomda leiriba saaharsina nakna leiba maramna chenba ngamba yaai aduga maasi thoidokna piki. maasida eihaak leijage. Adu oirabadi eigi punsisi kanjaba yaai.
21 Mahaakna Lotta haayrammi, "yeng-u, nahaakna mashak utkhiba saaharsimak Eina maanghanlaroi. Masimak Eina kanbiragani.
22 Khonglei thuro, maphamdu taanna chenkhro. Maramdi nahaakna maphamdu youdriba phaaoba Eina karisu touba yaaroidouri." maramsidagi saahardugi maming Zoar thonkhi.
23 Lotna Zoarda laakpa matamda numit thokpada mangairi.
24 Koirouthakta ngaanthoiriba Eeshorna Sodom amadi Gomorrahgi mathakta lenga loynanaa nongthaangnachingba kuphanduna nong taahankhi.
25 Eeshorna saaharshingduga konnana tampaak, saaharshingduda leiramba mishing amadi maphamshingduda houramba pot khudingmak tumna manghankhi.
26 Matamduda tungda chatlibi Lotki nupina tunghanna yenglammi aduga khudaktumaktada thumgi mapei onkhi.
27 Ayuk angaanbada Abrahamna Eeshorgi mamaangda lepkhiba maphamdu taanna chatlammi, 28 Mahaakna Sodom amadi Gomoraah, amadi shaandokhriba tampaaklomda yengkhiba matamda, yeng-u, lamdudagi thorakpa meikhudu meiphudagi thorakpa meikhuga pankhak oirammi.
29 Tampaakta shaagatlamba saaharshingdusu tumna manglagadouba saaharshingdu thaadokhanduna Lotpu chelhanbikhi.
Moab amadi Amongi hourakpham taakpa
30 Machaanupi anidu puduna Lotna Zoar thaadoktuna chinggi lamdamda chatkhi maramdi mahaak maphamduda leiba kirammi. Asumna mahaakna machaanupi aniduga surong amada leirammi.
31 Macheduna manaaonupiduda haayrammi, " eikhoygi epasi ahan oisinlakle, taaibang-paansigi hounalonchat matung ennaa eikhoygini haayduna kanaagumba nupaa amatta laaklaroi.
32 Maramsina laak-u, eikhoygi epasi yu pithaksi aduga eikhoy mahaakka phidinnasi adu oirabadi eikhoygi epaagi mapaanna eikhoygi dhaara maangdaba yaai."
33 Asumna makhoy anina ahingduda mapaabu yu pithakkhi, macheduna changshinkhiduna mapaaga tuminnakhi. Lotti machaanupidu karamna changlakpa aduga karamba matamda chatkhiba khanglamde.
34 Mathanggi numittudasu machena manaaonupiduda haayrammi, "yeng-u, ngarang numidaang eigaa epaga tuminnare. Ngasi ahingsisu mahaakpu yu pithaksi, eikhoygi epaagi mapaanna echaa dhaara leihounaba nahaak changlaga mahaakka tuminnou."
35 Asumna makhoygi mapadu ahingdudasu yu pithakkhi, manaaonupidna changshinkhiduna mapaduga tuminnakhi. Lotna machaanupiduna karamba matamda changlakpa aduga karamba matamda chatkhiba khanglamde.
36 Matou asumna Lotki machaanupi animak mapaagi maru taaduna mironkhi.
37 Macheduna machaanupa amaa pokkhi aduga angaangdugi maming Moab koukhi. Ngasi phaaobada leiriba Moabshingsi maangondagi houkhibani. Manaaonupiduna machaanupa amaa pokkhi. Mahaakki maming Benammi thonkhi. Ngasi phaaobada leiriba Amonishingsi maangondagi hourakpani.