Jeremiah 18
Jeremiahna chaphu sabagi yumda chatpa
18 Ishor-na Jeremiahda phongdokpikhiba wasing: 2 "Chaphu saphamdu tanna chatlu. Maphamduda nangonda eina haigadaba wasingdu tahan-gani." 3 Maramsina eina chaphu saphamda chatpa matamda chaphu saba nupadu kangkhong leiraduna chaphu saduna leirammi. 4 Leikhomna sariba patradu maong chadrabada mahakna atoppa ama saba hourammi. Maduda henna phaba tare haina chaphu sabaduna khallammi.
5 Matangduda Lainingthouna eingonda wa haibirammi, 6 "Ishor-na takpiri: He Israelgi imung manung, chaphu sabasina toubagumna nakhoidasu eina touba yaroidra? Yengu, chaphu saba nupadugi makhutta leiriba leikhomdugumna he Israel machasa, eigi ikhutta nakhoisu leikhomgumbani. 7 Karigumba matamda eina jat natraga leibak amabu maru phangna manghange, tahange, natraga tumhange haina haikhiba yai, 8 Eina asumna akiba pao thakhiba jattuna makhoigi phattaba lamchattu thadoktuna eigi iphamda mamai ollaklabadi eina makhoigi mathakta tahange ninglamba laichattu phatte haina eigi pukningda ningpham thokpani. 9 Karigumba matamda eina jat natraga leibak ama semgatke natraga mara tapna palhange haina ningba yai. 10 Eina haiba wa indaduna phattaba lambelda chatpa houraklabadi eina makhoida aphaba toubige ningkhibadu matik chade haina ningani.
11 Maramsina houjikti Judah amadi Jerusalemgi mishingda haiyu: Lainingthouna asumna takpiri, "yengu, nakhoigi nathakta eina awaba toklanaba lakli. Nakhoigi nathakta khudongthiba thoknaba thourang loire. Nakhoi khudingmak nangna nangna tpuba phattaba thabaksingdudagi hallak-u. Nakhoina touba phattaba thabaksingdu thadok-u.
12 Adubu makhoina haijari, "madu kannadaba thabakni. Eikhoina eikhoigi apambadu ingani. Eikhoi khudingmak mana mana ningba thamoina pamba pottu tougani."
Miyamna laisingbu hunjekpa
13 Maramsina Ishor-na takpiri: jatsinggi marakta hangjou, makhoina asigumba wasi takhrabara? Khoidon setliba Israelna tamthiraba thabak kaya toukhre.
14 Lebanon-gi chingchepta un tararoidra? Chingdagi chentharakliba aingba icheldu kangbra?
15 Adubu Eigi mishingdi Eibu kaothokkhre, laisu nattabasingduda thajari makhoina dhup, thainadagi houna chatnaraklaba lambiduda thiri khudi makhoina nouhounana. Makhoina achumba lambeldu thadoktuna, chatkhre lamphe amaromda.
16 Manghalle makhoina leiriba leibaksi, achat aong kanana masibu uraga thabak khudum suduna marai leida luknari.
17 Yeknabasinggi mamangda nongpok haram pangbadagi sitlakpa nungsitkumna chaina tahan-gani makhoibu eina, makhoina awa anang taba matamda, imai utpagi mahutta inangan onthokkani.
Jeremiahbu hatnaba sinba
18 Matamduda makhoina haigani, "lak-o, Jeremiahgi mayokta lanthong sinsi. Maramdi purohitsinggi makhuttagi puyadu nanthokpa yade. Asingbasingna piriba paotaktusu mangba yade. Wa takthokpasingna haikhiba wasingdusu chumhandaba hounade. lak-o, mahakpu cheisi. Mahakna haiba wasingdu eikhoi inganusi.
19 He Ishor nanaina hanggatchaba tabiyu, nanaina punemjariba waphamsi tabiyu.
20 Aphaba manadu phattabaga loinana pigadra? Ningsingbiyu Ibungogi namangda lepchakhiba eina, punemjakhiba makhoigi maramdu Ibungoda hanggatchaduna, kokpinaba Ibungona makhoigi mathakta saokhibadu.
21 Maramsina makhoigi machasingdu chara hellahanbiyu. Chathanbiro makhoi thanggi mayada, makhoigi nupisingdu macha poktabising oihanbiro, aduga lenhanbiro makhoigi nupisinggi matamdu lukhrabi oina. Matin makang tahanduna makhoigi nupasingdu, aroiba oihanbiyu, makhoigi naha oiribasingdu lanphamda thanggi mayada chathalbiro.
22 Makhoida hairamba leitana mayum thudektuna changnaba mishing thabirak-u. makhoigi mayumdagi akiba phanglaba khonjeldu thok-hanbirak-u, touri nakhoina eihak tannaba kom ama, thakli makhoina thunnaba eihak lang ama,
23 He Ishor, Ibungona loina khangbiri touriba makhoina thourang eibu hatnanaba, makhoina toukhiba paptu ngakpiraganu, natraga nahakki mityengdagi makhoina toukhiba phattabasingdu muthatpikhinu. Ibungogi mangda makhoibu chingthokpiyu Ibungona saoba matamda toubagumna makhoibu saona toubiyu.