Jeremiah 19
Akaiba kharung
19 Ishor-na asumna takpiri, "chat-lo. Chaphu sabadagi leibakna saba chaphu ama leiraga mishinggi maraktagi ahan khara aduga purohit kharaga puraga 2 Benhinnomgi tampak amangba peiphamlomda leiba thokphamduda chatlu. Maphamduda Eina nangonda haiba wadu makhoida haiyu. 3 Nahakna makhoida haigani, "Judahgi ningthousing amadi Jerusalemgi mishing, taro Ishor-gi yawasi. Israelgi Mapu Ibungo Ishor, nongthak nongkha anigi mapuna hairi, "yengu, leibaksida eina asigumba awaba tahan-gani. Masibu taba mishingduna thak thak nikkani. 4 Mishingsina eibu thadokkhre. Makhoina amadi makhoigi mapa mapusingna aduga Judahgi ningthousingna masak khangkhidriba laisingda dhupnachingba thaduna mapham-sibu mangthokle. Makhoina maphamsibu maran leitabasinggi eeduna pumchai chaihalli. 5 Makhoina Baal khurumnaba haiduna, asengba maphamsing semduna makhoina pokchaba machasingdu Baalda meida thaduna katpa thou oina katthok-i. Masi natte eina pikhiba yathang amadi pukningna ningkhiba apambadu. 6 Ishor-na takpiri, "yengu, maphamsi Topheth natraga Benhinnomgi tampak kouraroi. Kounagani masibu mithatpung haina. 7 Maphamsida Eina Judah amadi Jerusalemgi mishingna toujariba thourangdu arembada thahangani. Makhoigi mishing si yeknabagi mamangda thanggi mayada chatnanaba singani. Makhoigi mathawai louge haina thiribasingdugi makhutta makhoi langani. Makhoigi asiba masadu nongmadonda pairiba ucheksing aduga malemsida leiriba shasingda machinjak oina pithokkani. 8 oihangani eina asigumba saharsibu akibagi masak oiraba mapham ama aduga masibu uba mishingduna ima laogani. Masibu phaoduna chatliba mishingduna masida thokliba laisingdu uraga thabakta khudumna sugani. 9 Makhoina machanupa amadi nupisinggi masadu chagani. Mi khudingmakna magi magi yumlonnabagi shadongdu toupham leitraduna awaba tarabada chagani. Makhoigi yeknabasingna hairibasi thok-hangadouribani. 10 Nahakka chatminnariba mishingdugi mamangda nahakna leibakna saba patradu thugaigadabani. 11 Matamduda nahakna makhoida haigadabani, "Nongthak nongkha anigi Mapu Ishor-na asumna takpiri: Kanagumbana chaphu sabagi patradu thugaibagumna eina mishing siga loinana saharsibu manghan-gani. Kaikhrabadi amuk semba yadabani. Mishingdu Tophethta phumbigani maramdi makhoibu phumbinaba mapham atei leroi. 12 Ishor-na hairi, "Asigumna eina maphamsida tougadabani. Masida leiriba mishinggi mathaktasu eina awaba tahan-gani. Saharsi Tophethki matougumhangani. 13 Jerusalemgi yumsing, Judahgi ningthousinggi mayum nongmadonda leiriba jibasingbu khurumjanabagidamak dhup thariba uyungsingdu aduga atoppa laisingda thaknaba potnachingba katchariba yum khudingmak Tophethki matougumna tumna manghan-gani. 14 Ishor-na Ibungona wa phongdoknaba thabikhiba mapham Tophethtagi Jeremiah hallaklammi. Mahakna Ishor-gi ningnashanggi ka achoubaduda lepladuna mishingda hairammi: 15 Israelgi Mapu Ibungo nongthak nongkha anigi Ishor-na asumna takpiri, "yengu, masigi sahar amadi masida leiriba mishinggi marakta eina tahange haina phongdokkhiba awabasingdu tahallagani. Makhoina eigi iwa tade. Thoina hendum makhoina mangak kalli. "
Purohit Pashhurga Jeremiahga khatnaba