Ezekiel 47
Ningnashangdagi thorakpa eephut
1 Masigi matungda mahaakna eibu ningnashanggi thongdu taanna pubira klammi. Yeng-u, maphamduda nongpoklo-mda olliba ningnashangdugi thonggaldagi eeshing eephut oinaa laakpa eina urammi. (maramdi ningnashangdu nongpok oillammi) Phaankhong thaaribadugi khaa thangba mapham, ningnashanggi changphamgi aroiba khaa ngamkheigi thongjindudagi eeshing thora klammi.
2 Masigi mathangda mahaakna eibu awaanglomda phatliba sannathongdugi maaykeida pubira klammi. Mapaanda eibu koyna chingduna mapaanlo-mda patliba sannathongdu takhirammi. madu mamaay nongpok ollammi. Eeshingdi makharomdagi thora klammi.
3 Makhutta thouri amaa pairaga nupaaduna nongpoklo-mda chatkhraga feet 1,500 paakpa mapham amaa onthoklammi. Masigi matungda mahaakna eibu eeshingdu laanduna chingbirammi. madu khujeng yourammi.
4 Amukka henna mahaakna feet 1,500 Amaa onthoklammi. Maasi loirabada mahaakna eibu eeshing laanduna Amukka purammi. madu khu thourammi. Mahaakna feet 1,500 Amukka onthoklammi. Maasi loirabada eeshingda laanduna purammi. Matamsidadi khwang yourammi.
5 Mahaakna feet 1,500 ga onthoklammi. madu turenda oirammi. madu laanduna eihaak chatpa ngamlamde. Maramdi matamduda eeshing chaaokhatlammi. Eroige haayrabasu ngamroidaba turenda oinaa urammi.
6 Mahaakna matangduda eingonda haayrammi. "he nupaa, mahaak maasi urabara?" Masigi matungda mahaakna eibu tureldugi khongbalda chingduna pubira klammi.
7 Eina haanna asumna laakpada tureldugi mapaan aniduda u yaamna houba urammi.
8 Mahaakna eingonda haayrammi, "masida chelliba eeshingsi nongpok haramda chenthabani. Masina Arabah you-i. Samudrada leiriba eethak epom houraba eeshing marakta tinkhiba matamda maasi shenglaba eeshing oiragadabani.
9 Maalemsida leiriba karigumba jibaana masigi eeshing thakpada mathawaay kankhatkani. Lemlei nga yaamna leigani. Samudragi eeshingdu ashengba eeshing oinanaba maasi samudra taanna chellibani. Turelsina chenba mapham khudingda jibaa pumnamak enou nouthokkani.
10 Nga phaabashingna samudra khongbalda lepkani. Engedidagi Eneglaim phaaoba nga phanaba lang hunpham oigani. maasida makhal makha kayaamarumgi nga leigani. Achouba samudrada leiba ngagumna masidasu leigani.
11 Adubu masigi achotpa mapham aduga patthi komthi oinaa leiriba maphamdudi nouthokpa leiroi. Haayriba maphamshingsida thum lounaba mapham oinaa thamgani,
12 Turelgi mapaan anida chaaba yaaba paambi kayaamarum hougani. Haayriba paambishingsigi manaadu leiman chanba leiroi. Aduga makhoyda paalliba maheidusu kelloi. Thaa khudinggi haayriba paambishingsida anouba mahei paan-gani. Maramdi makhoyna phangliba eeshingdu ningnashangdagi chellaakpani. Makhoyda paalliba maheidu chinjaak oinagani aduga manaduna hidak oinagani.
Lamgi ngamkhei
13 Eeshorna asumna taakpiri: Israelgi jaat taraanithoida chaakthung oinaa lam yenbiba matamda lamgi ngamkhei oinaa legadouriba leiedu asini: Josephna chaakthung ani phanggani.
14 Nakhoyna maasibu chap maannana yenbigadabani. Nakhoygi napaada eina maasibu pige haayna waashakkhi. Haayriba lamsi nakhoygi chaakthung oinaa leigadabani.
15 Lamgi ngamkheidu masina oigani: Awaanglomda achouba samudradagi louraga Hethlon phaaoduna laaklaga Hamath youraga Zedad youkhi.
16 Berothah, Sibraim (Damascus amadi Hamathki marakta leiriba lam) Haurangi ngamkheigi aroibada leiba Hazarhatticon youkhi.
17 Asumna ngamkheidu Damascuski awaangda leiba Hazarenandagina awaanglomda Hamath yourammi. Masina awaanggi ngamkheini.
18 Nongpok thangba maaykeidana ngamkheidu Hauran amadi Damascuski marakta leiriba Hazarenondagi louraga Jordan turenda mapaanna kolliba Gilead amadi Israelgi lamdu youkhi. Nongpoklo-mda leiriba samudradagi Tamar yourammi. Masina nongpokki ngamkheini.
19 Khaa thangba maaykeida Tamardagi louraga Meribahkadeski pat leiribadu youraga maphamdudagi Egyptki eephut leiribadu youraga achouba samudradu youkhi. Masina khaa maaykeigi ngamkheini.
20 Nongchuplomda achouba samudradagi houraga Hamathki changpham yourammi. Masina nongchupki ngamkhei oirammi.
21 Nakhoygi narakta jaatki matung ennaa Israelgi Jaatshinggi marakta lamsi yen-gadabani.
22 Nakhoy nashaagi oinaa amadi nakhoygi narakta leiriba lamlaanba mishing nakhoygi narakta leiduna machaa-masu poklabashingdugisu yaaonayennagadabani. Makhoydu nakhoygi mityengda Israelgi machaashingumna ugadabani. Jaatshinggi marakta lam khara thungbigadabani.
23 Jaat amagi marakta oirabasu atoppa amagi marakta oirabasu lamlaanbashingsina leiba matamda makhoygi chaakthung pigadabani. Masimak Eeshorna taakpiriba waaphamni.