Hebrew 13
Aphaba tounaba insinbiba; lamjingbasingda luna touba
13 Machin manaosing nungsinaba tattaba oisanu.
2 Lamlanbasingda nungsiba utpa kaoganu, maramdi asum toubana kana kanagumbana ikhang khangdana sargadutsingbu thunghalle. 3 Phadoksingbu makhoiga phadok oiminnabagum ningsingu; ot-neiba phangbasingbu nakhoi nasanasu hakchang panbanina ningsingu. 4 Luhongba haibasi pumnamakki marakta ikaikhumngsanu, aduga phamung mangdasanu; maramdi Ishorna marumbi thambasingbu amasung nupi lannabasingbu wayel-gani. 5 Nakhoigi nachat natouda shen pamdaba oisanu; nakhoi nakhoigi leijaba aduna penba oiyu; maramdi Ibungo mahakna hai, eina nangbu karisu sothahalloi, aduga eina nangbu khak thadokloi. 6 Aduna eikhoina thouna phana hai,
Prabhudi eigi pangbiba mapuni, ei kiroi; mina eingonda kari touragadage?
7 Nakhoigi nathakta pannaramba, nakhoida Ishorgi wa ngangthokpiramba mishingbu ningsingu; aduga makhoigi punsigi mahei adu wakhal khanduna, makhoigi thajabagi matou lou.
8 Jesus Christadi ngarangsu, ngasisu, lomba naidaba matam phaobasu iman mannana lei. 9 Tongan tonganba amasung onthok onthokpa tambibana nakhoibu puthok-hankhiganu; maramdi thamoibu achapot nattana, thoujanna, chethanba phabani; achapot asigi matting inna chatpana makhoigi tongjade. 10 Eikhoigi latnapung ama lei, phijangbu thougan touribasingna madudagi chaba matik leite.
11 Maramdi papki damak katnanaba purohitlenna asengba maphamgi manungda pusinkhiba ee adugi shasinggi masa makhei adu tenggolgi mapanda mei thadok-i, 12 Maram adugi damak Jesusnasu, Ibungomakki eegi mapanna mishingbu sengdokpinanaba, panthonggi mapanda awa khangle. 13 Maram aduna eikhoina Ibungogi maithiba pujaduna tenggolgi mapanda Ibungogi mapham tanna chatthoksi. 14 Maramdi asida eikhoigi lengdaba sahar leite, adubu lakkadaba sahar adu eikhoina thijabani.
15 Ibungogi mapanna Ishorgi maphamda tattana thagatchabagi bali, haidadi, Ibungo mahakki mingda haidokchaba chinban-gi mahei adu, eikhoina katchasi. 16 Touigumsung aphaba touba amasung puminnaba kaobiganu, maramdi asigumba bali asina Ishorbu pelhalli
17 Nakhoigi nathakta pannaribasinggi haiba illu, aduga makhoigi makha pollu; maramdi maram pigadabasinggumna, makhoina thawai wadaduna haraobaga loinana asi tounanaba, nakhoi nakhoigi thawaigi damakta mitseng khangbi; maramdi makhoina thawai waraba di, nakhoigi damak tongjadabani.
Khainawa
18 Eikhoigi damak haijabiyu, maramdi maram pumnamakta chumna chatningduna, eikhoigi phajaba achum-aran khangnaba pukning lei haiba eikhoina thajei. 19 Amasung eibu nakhoida henna thuna hallakhannanaba, nakhoibu asi toubinaba eina thoidok hendokna insinjabani.
20 Houjik lomba naidaba walepnabagi ee adugi matikna yaosinggi achouba asenba mapu, eikhoig prabhu Jesus adubu asibasinggi maraktagi pukhatpiba, 21 Ingthabagi Ishor aduna Jesus Christagi mapanna Ibungo mahakki mit, yengda apenba oiba adu eikhogi nungda toubiduna, Ibungo mahakki ningba tounanaba aphaba thabak khudingda nakhoibu changkhonhanbisanu; Ibungoda lomba naidana thagatpa oisanu. Amen.
22 Touigumsung eina nakhoibu insinjari, ichin inaosa, insinba wa adu khangbiyu, maramdi eina nakhoida wahei kharana ijare. 23 Eikhoigi ichin inao timotthiyabu thadokpire haiba nakhoina khangbiyu; mahakna thuna laldabadi, eina mahakka loinana nakhoibu unajagani.
24 Nakhoigi nathakta pannabasing pumnamakpu amasung asengbasing pumnamakpu khurumjari. Italiadagi mishingna nakhoibu khurumjei. 25 Thoujal nakhoi pumnamakka loinabisanu. Amen.