Leviticus 17
Eedi sengi
17 Eshor-na Mosesda hairammi, 2 "Aaron amadi mahakki machanupasingda haiyu: Eshor-na yathang oina tharakpa paodu asini:3 Israelgi mishinggi marakta kanagumbana miyam leiphamda nattraga miyam leiphamgi mapanda shallaba, yao nattraga hameng hatpa matamda 4 Eshor-gi sonnapungda Eshor-gi khuyakhada katnanaba hatliba shadu mitin shangda puraktrabadi ee tahankhibagi awapham phanggani. Nupaduna shadubu hatpani haina lougani. Adugumba nupadu mahakki salaidagi tanthokkadabani. 5 Masigi thoidokpa hiramdi Israelda leiriba mishingna lamhangda sha hatpa matamda makhoina Mitinshangda puraklaga prohitta piduna Eshor-gi khuyakhada lamdai sumdaigi thou oina katnanabani. 6 Purohittuna shadugi eedu Eshor-gi phankhonggi mamangda mitinshanggi thongda pusinduna chaithokkadabani. Mahaodu Eshor-gi khuyakhada manam nungsina meida thaduna katkadabani. 7 Makhoi pangna matung injariba lai phattabasingduda shadu hatlaga katpa yade. 8 Nahakna makhoida asumna haigadabani. Israelgi mishinggi maraktagi nattraga makhoigi marakta Saidangduna leiribasinggi maraktagi oirabasu kanagumbana meida thaduna katnaba thou touba matamda, 9 Eshor-gi phuyakhada katnanaba mitin shangda puraktrabadi adugumba nupadu mahakki Salaidagi tanthokkani.
E chaba yadaba
10 Israelda leiriba mishinggi marakta nattraga makhoigi marakta leiriba lamlanba misihingna karigumba ee chaba thoklabadi adugumba nupadugi mayokta Eihak lepkani. Aduga mahakki salaidagi adugumba nupadu tanthokkani. 11 Shadonggi thawaidi eeda leibani. Maramsina esi louduna phankhongda nakhoigidamak nathawai sengdoknaba thougi pot oina khaidokkhrabani. Masida thawai leiba maramna eena thouram ama oiri. 12 Maramsina Israelgi mishingda Eina asumna haikhi: nakhoigi narakta kananasu ee chaba yade. Nattraga nakhoigi narakta Saidangduna leiriba mishingnasu ee chaba yade. 13 Israelgi manungda nattraga nakhoigi narakta Saidangduna leiriba kanagumbana lamlakta chattuna sha nattraga uchek phaba matamda eedu louthokkadabani. shadudagi tarakpa eedu leibakta tahanduna uphullakta tilhankhigadabani.
14 Lengli palliba jiba khudinggi thawaidi eeda leibani. Maramsina israelgi mishingda Eina haikhi: nakhoina lenglipalliba jibasinggi eedu chaba yade. Maramdi makhoigi thawaidu eeda leibani. Kanagumbana masibu charabadi salailaktagi tanthokkani. 15 Kanagumbana asiba nattraga shana soklamba jiba chaba Ishraelgi mi nattraga Saidangduna leiriba mishingdu maphi sudokkadabani. Irujathokkadabani. 16 Adugumba nupaduna maphi sudoktraba aduga irujathotrabadi maral phanggani