John 21
Jesus-na masaabu Tiberiasgi patki manaakta uhanba
21 asigi matungda Jesus-na masa mathantabu sebok-singda Tiberiasgi samudra mapaanda amuk uhalle, amasung ebungngona matou asumna uhalle. 2 Simon Peter, Didymus kouba Thomas, Galileegi kanaadagi Nathanael, Zebedeegi machaa-nupaasing amasung ebungngo-gi sebok atei ani makhoy asi tinnarammi. 3 Simon Peter-na makhoyda haay, ei nga thiba chatke, makhoyna maangonda haay, eikhoysu nahaakka loynanaa lakchege. makhoyna chatkhiduna hida tongle, adugaa ahing aduda makhoyna kari amata phadre.
4 Tougumbasung nongallakpada, Jesus-na samudra mapaanda leplammi, adubu maadu Jesusni haayba makhoyna khangde. 5 maram aduna Jesus-na makhoyda haay, angaangsa nakhoygi chaanaba karigumba leibra?, makhoyna ebungngo-da khumle leijaade.
6 maaduda ebungngona makhoyda haay, een adu higi yet-thangba nakanda hunjillu, adugaa nakhoyna nga phanggani. maram aduna makhoyna hunjil-le, adugaa nga yaammanbagi maramna makhoyna chingkhatpa ngamdre.
7 maram aduna Jesus-na nungsiba sebok aduna Peterda haay, maasi Eesorni. maram aduna Simon Peter-na Eesorni haayba taarabada, masaada phurit yetsillaga (maramdi mahaak phi setlamde), eesingda chongthare. 8 Tougumbasung atei sebok-sing aduna ngaana thanba een adu chingduna hi machada tongduna laakle, maramdi makhoy kangphaandagi kayaa thaplamde, feet 300 romtani.
9 asum touna makhoyna kangphaanda kaakhatlabada, maaduda meitan-gi mei, amasung mei adugi mathakta nga thamba, adugaa tandum ure. 10 Jesus-na makhoyda haay, nakhoyna houjik phakhiba nga adudagi khara purak-u. 11 maram aduna Simon Peter-na hida tongkhatkhiduna nga achouba chaammaga yaangkhei humdoina thallaba een adu kangphaanda chingkhatle, adugaa nga asup yaamlabasu een adu segaayde.
12 Jesusn makhoyda haay, laak-u, chararo. maasi Eesorni haayba khaangduna, sebok-sing kana amatana nahaak kanaano haayba ebungngo-da echang thouna hangde. 13 Jesus-na lenglaktuna, tandum adu louraga makhoyda pi, adugumduna nga adusu pi. 14 Jesus-na asiba-singgi maraktagi hinggatpagi matungda sebok-singda uhanba houjik asina ahumlak subani.
Peterda Jesus-gi akonba waa haayba
15 Matou asumna makhoyna chaaba loirabada, Jesus-na Simon Peterda haay, John-gi machaa nupaa Simon, nahaakna makhoy asidagi henna eibu nungsibra? mahaakna ebungngo-da haay, hoy, Eesor, eina ebungngobu nungsi haayba ebungngona khangbi. ebungngona maangonda haay, eigi yaomachaasingbu thakpiyu.
16 ebungngona maangonda anirak sunaa amuk haanna haay, John-gi machaa nupaa Simon, nahaakna eibu nungsibra?, mahaakna ebungngo-da haay, hoy, Eesor, eina ebungngobu nungsi haayba ebungngona khangbi. ebungngona maangonda haay, eigi yaaosingbu senbiyu.
17 ebungngona maangonda ahumlak sunaa haay, John-gi machaa nupaa Simon, nahaakna eibu nungsibra?, nahaakna eibu nungsibra haayna ebungngona maangonda ahumlak sunaa haaybagi maramna Peter Mathawaai waare. adugaa mahaakna ebungngo-da haay, Eesor ebungngona pumnamak khangbi, eina ebungngobu nungsi haayba ebungngona khangbiribani. Jesus-na maangonda haay, eigi yaaosingbu thakpiyu. 18 Eina nangonda thaanggei sengnamak haayribani, nahaakna nahaa oiringeida, nahaak nasa nathanta khwaangjet laaktuna, nahaakna chatning chatningba mapham aduda koychat chatlammi, adubu nahaakna ahal oiraga, nahaakna nakhut tingthokkani, adugaa atoppa mi amanaa nahaakpu khwaangjet lakpiduna, nahaakna chatningdaba mapham aduda nahaakpu pugani.
19 Mahaakna karamba maongda Eesor-bu matik mangaan chaaohangadaba adu khanghannaba, asi ebungngona haayre adugaa ebungngona asi haayraga, maangonda haay, etung ellu.
20 Peter-na onthoklakpada, Jesus-na nungsiba sebok aduna tung eellakapa ui, mahaak asi numidaang luk habada ebungngo-gi thabakta ngaduna, Eesor, ebungngobu pithokpa adu kanaano haayba aduni. 21 maram aduna Peter-na mahaakpu uraduna Jesus-da haay, Eesor, mi asigidi kari oigadage?
22 Jesus-na maangonda haay, eina laktriba phaaoba mahaakna ngaiba asi eina ningba oirabadi, maaduna nangonda kari toubage? Nahaakti eigi etung ellu. 23 maram aduna sebok adu siroi haayba waa asi machin manaaosinggi marakta sinakre, adubu mahaak siroi haayba Jesus-na maangonda haayba natte, touegumsung, eina laktriba phaaoba mahaakna ngaiba asi eina ningba oirabadi, maaduna nangonda kari toubage haaybani.
Aroiba wa
24 Warmsing asigi maramda saakhi piba amasung waaramsing asi eramba sebok adu asini, adugaa mahaakki saakhi asi achumbani haayba eikhoyna khang-e.
25 Amasung Jesus-na toukhiba ayaamba thabak ateisu leiri, maadubu amam-mam oinaa erabadi, ekhiba laairik pumnamak adu taigbanbamaktasu challoi haayna eina ningjei.