Ezekiel 18
1 Eeshorna eingonda Amukka haanna waa haaybirammi:
2 Israelgi matangda nakhoyna haanna hanna shijinnariba paaourou "mapa oibana asinba angur charaga machaa oibashingdugi maya kummi." haaybasi karino haayyu,
3 Eeshorna taakpiri eigi etik eyaaina khangsanu, haayriba paaorousi Israelgi manungda amuk haanna shijinnararoi.
4 Yeng-u, thawaay pumnamak eigini. Mapaa amadi machaa animakki thawaaydu eigini. Adubu paap touba thawaaydu shinaaidba gunsi phangba ngamloi.
5 Kanaagumba nupaa amanaa ashengba touduna chatnalon amadi achumbadu paangthoklabadi 6 Loibi chingshingda chattuna mahaakna chaktaroi, Israelgi mishinggi mathakta lairiba laai murtishingdu ningloi. Yumlonnabagi nupiduda nattaba lamchat chatloi, masha shengdaba matamda nupiga tinnaroi,
7 Kanaabusu ot neirudana, shel tonbaduda sendon kokpiduna, huran chinthi toudana, mayada chagadaba taldu araambada pithoktuna, maphi yaaodaba midubu maphi setpiduna
8 Sendoi yaaodana, phattaba thabak toudana mi amaaga atoppa amaaga yetnaba matamda achumba waayendu tougani.
9 Adugumba nupaaduna eigi niyam matung ennaa chatkani, cheishinna eigi yaathangshingdu ngaakna chatkani. Asigumba nupaasini ashengba haayna shingthaanaribadu. Eeshorna taakpiri adugumba nupaadu shoydana shinaaidba punsi phanggani.
10 Adubu asigumba nupaasina huran chinthi touba, ee nai yaamna taahanba machaanupa amaa pokpaa yaai. Mahaakna haayriba thoudangshingsi amatta toudaba yaai.
11 Mahaakna chagganu haayriba chingduda chatlaga chaaruba yaai, yumlonnabagi nupida araanba lamchat chatluba yaai.
12 Laairabashing amadi leitbashingbu ot neibiba yaai, huran chinthi touduna migi sendon kokpidaba yaai. Aduga tukka chaaraba thabak kayaamarum touba yaai.
13 Sendoi yaaona peisa shaandokpa yaai, adubu oirabadi mahaak shinaaidba punsidu phangba ngam-gadra? mahaak shinaaidba punsi phangba ngamloi. Haayriba tukka chaaraba thabakshingsi touba maramna mahaak amaang yathong kumgani. Mahaakki eedu mashaada taagani.
14 Karigumba haayriba nupaasina mahaakki mapaana toukhiba paapshingdu loina ubaa ngamduna kiraduna mapagumna tougadra,
15 Loibi chingda chattuna chaadraba, Israelgi mishinggi laai murtiduda mamitna yengludraba, yumlonnabagi nupiduda lamchat laanna chattrabadi,
16 Kanaadasu phattaba tourudraba, mingondagi henjinna loudraba, huran chinthi toudrabadi, araanbashingduda tal pigani. Maphi yaaodaba mida phi pinabigani.
17 Araanba thabak tousadagadudagi makhut chingthokkani. Sendoi henna louroi. Eigi Ainshingsi phajanaa enduna yaathangshingdu ngaakna chatkani. Mapaana toukhiba paapshingdugi maramdagi mahaak shiroi, mahaak shoydana shinaaidba punsidu phangba ngamgani.
18 Mahaakki mapadu mibu ot-neiba aduga huran chinthinachingba touduna mahaakki mishinggi marakta paap yaamna touduna lenkhiba maramna mahaakna toujaba paapshingduna maram oiduna shoydana shigani.
19 Adugu mahaakna haayri, mapaagi paapshingduna machada karigi awaaba phangloidouribano? machaa oiribaduna Ainna yaaba aduga achumbadu touduna eina haayba niyamshingdu mahaakna chekshinna ngaakna chatlabadi mahaak shiroi. shinaaidba punsi mashak khanggani.
20 Paap touba thawaaydu shoydana shigani, mapaana toukhiba paapshingduna machaa oibishingdu shiroi. Mapaa oibashingdu machaashingna touba paapshingduna shiroi. ashengba toubashinggi aphabadu makhoygi mathakta adum mataagani. Hattaba toubadugi phattabusu mahaakki mathakta adum mataagani.
21 Kanaagumba phattaba nupaa amanaa mahaakna touba phattaba thabakshingdu thaadoktuna eigi niyamshingdu ngaakna chattuna ainna yaaba amadi achumbadu tourabadi, mahaak shinaaidba punsidu phanggani aduga shiba leiroi.
22 Mahaakna toukhiba paapshingdu ningshingloi. Mahaakna touba ashengba thabakshingdugi maheidu mahaak shinaaidba punsi shoydana phanggani.
23 Eeshorna taakpiri phattabashingna shiba matamda eigi nungaaipham kari leibage? Mahaakna chatliba phattaba lamchattu thaadoktuna mamaay leiraklabadi hinggadaba nattra?
24 Adubu ashengba touba nupaa amanaa mahaakna touriba ashengba lamchattu thaadoktuna phattaba mina toubagumna paap amadi tukkachanabagi mashak oiraba thabak tourabadi, mahaak shinaaidba punsi phangba ngamgadra? Mahaakna toukhiba ashengba thabakshingdu ningshingnararoi. Mahaakna touriba mihat mipun amadi paapshinggi maramdagi mahaak shigani.
25 Adubu nahaakna haayri, " Eeshorgi laambeldi chumde. He Israelda leiriba mishing houjikti taro. Eigi laambeldu chumdabra? nakhoygi laambeldu nattra chumdbadi?
26 Ashengba touba nupaa amanaa mahaakna touramba ashengba lamchattu thaadoktuna paap tourabadi, masigi maramdagi mahaak shoydana shigani, mahaakna touriba paapshingduna maram oiduna mahaak sipham thokpani
27 Kanaagumba phattaba nupaa amanaa mahaakna touramba phattaba thabaktu thaadoktuna ainna yaaba achumba thabaktu tourabadi mahaakki manglaba punsidu shoydana kanjaba ngamgani.
28 Mahaakna laankhiba thabakshingdu thaadoktuna waakhan munna khanduna mamaay ollaklabadi, mahaak shinaaidba punsi phanggani. shiroi.
29 Adubu Israelgi mishingna haayri, "Eeshorgi laambeldu chumde he Israelgi mishing eigi laambeldu chumdaba ngaktara? Lallibadu nakhoygi laambel nattra?
30 He Israelgi mishing, maramsina eina nakhoybu waayenbigani. Mi khudingmak maagi maagi maramchat matung ennaa dandi pigani. Masimak Eeshorna taakpiriba waaphamni. Napaap haaydoktuna nakhoyna touba paapshingdudagi namai ollaklo. Nattrabadi paapna nakhoybu tumna manghankhiba yaai.
31 Nakhoyna eigi mayokta touriba paapshingsi thaadoklo. Anouba thamoi amadi anouba thawaay haaptuna hingnaba hotnaro. He Israelda leiriba mishing, karigidamak nakhoy sipham thokpage?
32 Eeshorna taakpiri kanaagumba mina shibada eihaak thoina haraaoba leite. Maramsina namai ollaklo aduga hingnaba hotnaro?"