1 Corinthians 2
Taibanggi lousing amasung Ishorgi phongdokpiba
2 Amahiksung, ichin inaosa, eina nakhoida lakpada, Ishorgi athuppa wa adu nakhoida athoiba waheina nattraga athoiba lousingna phongdokpa lakpa natte. 2 Maramdi Jesus Christabu amasung Ibungobu crossta hatkhiba adu nattana eina nakhoidi narakta kari amata khangdanaba ipukning leple.
3 Amasung eina nakhoiga loinana sonna, kina, amasung yamna tanik tanikna leijarammi; 4 Aduga nakhoigi thajaba adu mioibagi lousingda oidaduna Ishorgi panggalda oinanaba; 5 Eigi wangang amasung pao sandokpa adu lousinggi athemba wada oidaduna thawaigi amasung panggalgi uhanbibida oire.
6 Adum oinamakpu ahal oirabasinggi marakta eikhoina lousinggi wa ngangi, adubu taibangpanba asigi lousing natte, aduga taibangpanba asigi aremba oirakliba mapusinggi lousing natte. 7 Touigumsung taibangpanba pumnamak oidringeida Ishorna eikhoigi itik ingan-gi damak hanna langbikhraba lotlamba athuppa wa oiba Ishorgi lousing eikhoina ngangbani. 8 Lousing asi taibangpanba asigi mapusing kana amatana khanglamde; maramdi makhoina madu khanglamlabadi, makhoina matik mangalgi Prabhubu crossta hatlamloidabani. 9 Touigumsung ikhraba asigumbani,
mina udaba, nana tadaba amasung mioibagi pukningda changdaba, pumnamak adu Ishorna Ibungo mahakpu nungsibaggi damak thourang toubikhre.
10 Maramdi Ishorna eikhoigi damak thawaigi mapanna phongdokpire, maramdi thawai aduna hiram pumnamak, haibadi Ishorgi aruba wa adu thi. 11 Maramdi mioibada leiba thawai adu nattana, mioibagi marakta kanana mioibagi hirambu khangbage? Adugumduna Ishorgi hiram adusu Ishorgi thawai nattana kananasu khangde. 12 Touigumsung Ishorna eikhoida lemma pibikhraba hiram adu eikhoina khangba ngamnanaba, eikhoina taibangpanbagi thawai adu phangjaraba natte, adubu Ishordagi oiba thawai adu phangjarabani.
13 Hiram asisu eikhoina mioibagi lousingna tambiba wahei nattana, thawaigi oiba waga thawaigi oiba hiramga tinnaduna, thawaina tambiba waheina ngangbani. 14 Amahiksung mahousagi oiba mina Ishorgi thawaigi hiram adu loude, maramdi mangondadi madu khibik adu apangbani, aduga mahakna madu khangba ngamde, maramdi madu thawaina chang yengbani. 15 Touigumsung thawaigi oiba mahak aduna hiram pumnamak chang yengi, aduga mahak masubu kananasu chang yengde.
16 Maramdi kanana Prabhugi pukning khangladuna Ibungo mahakpu takpigadage?
Touigumsung eikhoidi Christagi pukning phangjare.