Hebrew 12
Jesusdi thajabagi athoiba khudamni; Ishorna warakpibagi maram
12 Maram aduna eikhoibu ikoi koisilliba asup chaoba leichingumba sakhising leibagi maramna, eikhoinasu arumba khuding, amasung eikhoibu ilai laina yetliba pap adu hunjeksi, 2 Amasung eikhoigi thajabagi mapu amasung changkhonhanbiba Jesusbu yengduna, eikhoigi mangda leiriba lamjen adu khangbaga lonana chensi. Ibungogi mangda leiba haraoba adugi damak Ibungona ikaibabu usittaduna cross adu khanglaga, Ishorgi phambalgi jetta phamle. 3 Maramdi nakhoina nakhoigi thawai tukthaduna wadananaba, Ibungomakki mathakta papchenbasinggi asup wa khetpa khanglaba Ibungobu wakhal khallu.
4 Nakhoina houjik phaoba papka maioknana soknaduna ee taba phaoba khamdri; 5 Aduga macha nipasingga loinabagumna nakhoiga loinana wakhal tounaba insinbiba adu nakhoina kaore, haibadi,
he icha nipa, Prabhuna lakpa tayang tayangna ningganu; aduga nangbu Ibungo mahakna warakpa matamda tukthaganu;
6 Maramdi Prabhuna nungsiba mibu lakpi, aduga Ibungo mahakna yaba macha nipa khudingbu cheirak pi.
7 Nakhoina khangba adu lakpagi damakni; Ishorna macha nipasingda chatpagumna nakhoida machat chatpi; maramdi mapana laktaba macha nipa kana leibage? 8 Touigumsung pumnamakna saruk phangminnaraba lakpa yaodaba nakhoina oirabadi, maduda nakhoina macha napasing oidaduna, lamjasing sing oi. 9 Amukka eikhoibu lakpiba mioibagi ipasing leirammi, aduga eikhoina makhoibu ikaikhumnarammi. Eikhoina kaya henna eikhoigi thawaigi ipa adugi makha ponduna hingloidra?
10 Maramdi makhoina phei haibagi matung inna numit kharagi damak eikhoibu laklammi, adubu eikhoina Ibungo mahakki asengbagi saruk phangminnanaba eikhoigi tongjanabagi damak Ibungo mahakna lakpire. 11 Lakpa pumnamak khudak adugi damak haraonanaba ude, adubu awabani; Touigumsung matungdadi madugi mapanna sajen toujaba phangbasingda ingthabagi mahei, haibadi dharamachenbagi mahei, pibi.
12 Maram adugi damak lektharaba khut amasung sitharaba khuk-u tingkhatlu; 13 Aduga khongtekpana lambida makhong leithoktaduna phaba oinanaba nakhoina nakhoigi khonggi damak achumba lambi semmu.
Insinbiba amasung mitna singhanba
14 Mi punmamakka ingthana leinabagi amasung sengdokpibagi matung tallu; sengdokpibasi yaodana kana amatana Prabhubu uroi. 15 Kanagumbana Ishorgi thoujandagi sothadananaba, karigumba akhaba mara chongthoklaktuna nakhoibu otpana mi ayambabu mothandananaba, 16 Amasung kanagumba marumbi thamba nattraga mahakmakki hanna pokpagi phangpham thokpa adu chara nammada yonthokkhiba Esougumba amangba mi leitananaba, cheksinna yengu. 17 Maramdi nakhoina khangi, haibadi, matungda Esouna bor adu phangninglabada mahakpu yabidre, maramdi mahakna pi tana karma thijarabasu pukning hongba mapham phangjadre.
Taibangpan-gi oiba Zionga sargagi oiba Zion-ga khennaba
18 Maramdi sokpa yaba amasung mei chakliba chingda, amubada, amambada, nong nungsitta, 19 Peresinggagi makhonda, amasung waheigi khonjelda nakhoina naksillakpa natte; khonjel adu tarabasingna amuk wahei kari amata makhoida ngangbidananaba nonjare; 20 Maramdi sha phaoba ching adu soklabadi, nungna thaduna hatkadabani haina yathang sinnaba adu makhoina khangba ngamlamde; 21 Aduga auba adu asup kiba masak oirammi, madudi Mosesna hai, eina thoidokna kiduna niki.
22 Touigumsung Zion chingda amasung hingliba Ishorgi sahar, sargagi Jerusalemda, mashing naidaba sargadutsingda, 23 Sargada ming chankhraba ahanba pokpasinggi mayam tinnaba amasung singlupta, pumnamakki wayel mapu Ishorda, changkhollaba dharmachenba mishinggi thawaida, 24 Anouba walepnabagi tainabiba Jesusda amasung Hebalgi idagi henna phaba wa ngangthokpa khiknaba ida, nakhoina naksillaklabani.
25 Ngangbiriba Ibungobu nakkoina yadaba toudanada cheksillu. Maramdi prithibida makhoibu mitna singhanbiba mahakpu makhoina yadabada hinghoudrabadi, sargadagi mitna singhanbiba Ibungo mahaktagi eikhoina leithoklabada, amuk kaya henna hingloidabano. 26 Matam aduda Ibungo mahakki khonjelna prithibida nikhalle; adubu houjikti, eihakna amukka prithibibuta nikhandaduna sargabasu nikhangani, haiduna Ibungo mahakna waleple.
27 Amasung, amukka wa asi haibana niktaba pot adu leihounanaba, semkhraba potkumna niklaba pot hongdokpa uhalli. 28 Maram adugi damak, nikpa ngamdaba ningthou leibak phangjaduna, eikhoina ikaikhumnaba amasung kina ningbaga loinana Ishorgi maphamda apenba thougan katchananaba eikhoina thoujal phangjasi; 29 Maramdi eikhoigi Ishordi tumhanba meini.